Los-Anjeles anjumanlar markazi 2028-yilgi Paralimpiya o'yinlari vaqtida 6 ta sport turi bo'yicha bellashuvlarni o'zida qabul qiladi

1971-yilda ochilgan AQShdagi inshoot bir vaqtning o'zida bir nechta tadbirlarga, jumladan, sport, ijtimoiy-siyosiy hamda madaniy tadbirlarga mezbonlik qilish imkoniyatiga ega.

Qizig'i, 2028-yilda o'tkaziladigan yozgi Olimpiya va Paralimpiya o'yinlari oldidan majmua yanada kengaytiriladi va bu jarayon musobaqalardan so'ng ham davom etishi belgilab qo'yilgan.

Anjumanlar markazi Los-Anjeles-2028 XVIII yozgi Paralimpiya o'yinlari davomida bochcha, aravachada stol tennis, para taekvondo, para dzyudo, aravachada basketbol hamda aravachada qilichbozlik bo'yicha bahslarni o'zida qabul aylaydi.

💼 Navoiy viloyati Sport boshqarmasi axborot  xizmati

🌐Web-Sayt | 📱Telegram | 📱Facebook | 📱Instagram | 📱Youtube

💼 Navoiyda “Yangi O‘zbekiston Olimpiya cho‘qqilari” musobaqasining taekvondo WT yo‘nalishidagi mintaqaviy bosqichi bo‘lib o‘tdi

📍 Navoiy shahar Yakka kurash turlariga ixtisoslashtirilgan sport maktabida “Yangi O‘zbekiston Olimpiya cho‘qqilari” sport musobaqasining taekvondo WT yo‘nalishi bo‘yicha mintaqaviy bosqichi bo'lib o'tdi.

💬 Musobaqada viloyatning Navoiy shahri hamda Karmana, Xatirchi va Qiziltepa tumanlaridan tashrif buyurgan eng iqtidorli yosh sportchilar o‘z mahoratlarini namoyish etdilar.

🔻Tadbirning ochilish marosimida Navoiy viloyat Sport boshqarmasi boshlig'i Jasur Murtozayev, O'zbekiston taekvondo WT assotsiatsiyasi viloyatlar bilan ishlash bo'limi boshlig'i Xusniddin Xodjamqulov, O‘zbekiston Respublikasi Milliy Olimpiya qo‘mitasining Navoiy viloyati hududiy bo‘linmasi ijrochi direktori Farhod Raxmonov, sport murabbiylari hamda yoshlar ishtirok etishdi.

🏆 G‘olib va sovrindor sportchilar tashkilotchilar tomonidan diplom va medallar bilan taqdirlandi.

💼 Navoiy viloyati Sport boshqarmasi axborot  xizmati

🌐Web-Sayt | 📱Telegram | 📱Facebook | 📱Instagram | 📱Youtube

Xatirchi tumani hokimi Osiyo chempioni Shahrizoda Mavlonovani tantanali taqdirladi.

⚡️Bugun Xatirchi tumani hokimi Umidjon Adizov “Paxtakor” mahallasida yashovchi iqtidorli sportchi Shahrizoda Mavlonovani yuksak g‘alabasi munosabati bilan tantanali tarzda taqdirladi.

🥇Shahrizoda Mavlonova 2025-yil 9–15-iyun kunlari Tailandning Pataya-Rayong shahrida o‘tkazilgan yoshlar o‘rtasidagi Osiyo chempionatida “Baydarka va kanoeda eshkak eshish” sport turi bo‘yicha ishtirok etib, masofalar kesimida 3 ta oltin medalni qo‘lga kiritdi.

✔️Shuningdek, u 2028-yilda AQShning Los-Anjeles shahrida bo‘lib o‘tadigan Olimpiya o‘yinlarida ishtirok etish uchun nomzod sportchi sifatida e’tirof etilmoqda.

🔸Tuman hokimi Umidjon Adizov Shahrizodaning yutuqlarini yuqori baholab, uning g‘alabasi nafaqat o‘z mahallasidagi yoshlarga, balki butun Xatirchi tumani yoshlari uchun faxr va ibrat ekanini alohida ta’kidladi.

💼 Navoiy viloyati Sport boshqarmasi axborot  xizmati

🌐Web-Sayt | 📱Telegram | 📱Facebook | 📱Instagram | 📱Youtube