🇺🇿🥋 Laziza Haydarova Olimpiya chempioniga munosib qarshilik ko‘rsatdi

Yaqindagina yoshlar toifasidan kattalar safiga o‘tgan Navoiy shahar Yakka kurash turlariga ixtisoslashtirilgan sport maktabi tarbiyalanuvchisi 18 yoshli dzyudochi Laziza Haydarova (-48 kg) o‘zining ilk yirik sinovida kuchli raqib bilan to‘qnash keldi.

U dzyudo bo‘yicha jahon chempionatining ilk bosqichida Parij-2024 Olimpiadasi bronza medali sohibi, Olimpiya o‘yinlarining jamoaviy bahslarida chempion, jahon chempionatining kumush medali g‘olibi, to‘rt karra Yevropa chempioni bo‘lgan fransiyalik Shirin Bukliga qarshi gilamga chiqdi.

Mazkur nufuzli musobaqada ilk bor ishtirok etayotgan Laziza nomdor raqibasiga qarshi munosib bahs olib bordi. Bellashuv taqdirini faqat qo‘shimcha daqiqalarda olingan shido jazosi hal qildi va Haydarova raqibaga imkoniyatni boy berdi.

Eslatib o‘tamiz, Laziza Haydarova joriy yilda Upper Austria Grand Prix turnirida bronza medalini qo‘lga kiritgan, shuningdek, kadetlar o‘rtasidagi jahon chempionatida ham bronza medali bilan taqdirlangan.

Bu — katta sportdagi birinchi qadami. Eng muhimi — bu yo‘ldan to‘xtamaslik. Oldinda hali ko‘plab yutuqlar kutmoqda.

💼 Navoiy viloyati Sport boshqarmasi axborot  xizmati

🌐Web-Sayt | 📱Telegram | 📱Facebook | 📱Instagram | 📱Youtube

💼 Navoiy viloyati Zarafshon shahrida “Yangi O‘zbekiston Olimpiya cho‘qqilari” musobaqasining mintaqaviy bosqichi bo‘lib o‘tdi

Prezidentimiz tashabbusi bilan yosh sportchilarni aniqlash, ularning salohiyatini yuzaga chiqarish va har tomonlama qo‘llab-quvvatlash maqsadida tashkil etilgan “Yangi O‘zbekiston  Olimpiya cho‘qqilari” musobaqasining yunon-rum va erkin kurash turi  yo‘nalishidagi mintaqaviy bosqichi viloyatning Zarafshon shahrida bo‘lib o‘tdi.

Musobaqada Zarafshon shahar, Tomdi hamda Uchquduq tumanlaridan iqtidorli sportchilar ishtirok etishdi.

G‘olib va sovrindor sportchilar viloyat bosqichga yo‘llanmani qo‘lga kiritib, o‘z hududining sport salohiyatini yana bir bor namoyish etishdi.

💼 Navoiy viloyati Sport boshqarmasi axborot  xizmati

🌐Web-Sayt | 📱Telegram | 📱Facebook | 📱Instagram | 📱Youtube

#dolzarb 90 kun
#sport_

✨ Bugun Zarafshon shahrida " Dolzarb 90 kunlik" tadbirlari doirasida sportning voleybol turi bo‘yicha Zarafshon shahar chempionati bo‘lib o‘tdi.
⚡️ Unda Zarafshon shahar IIB boshlig‘i podpolkovnik S.Sh.Latipov, shahar hokimi o‘rinbosari S.Uvaytov, shahar sport maktabi direktori R.Murodov hamda sport murabbiylari va yoshlar ishtirok etdi.
⚡️Musobaqa juda qizg‘in davom etdi va faol ishtirok etgan jamoalar diplom va esdalik sovg‘alari bilan taqdirlandi.

💼 Navoiy viloyati Sport boshqarmasi axborot  xizmati

🌐Web-Sayt | 📱Telegram | 📱Facebook | 📱Instagram | 📱Youtube