🖐Nurotada “Milliy kurash” bo‘yicha “Bosh prokuror kubogi”ning tuman bosqichi bo‘lib o‘tdi

⚡️Nurota tumanida “Besh tashabbus olimpiadasi” dasturi doirasida mahallalarda istiqomat qiluvchi yoshlar o‘rtasida milliy kurash turi bo‘yicha “O‘zbekiston Respublikasi Bosh prokurori kubogi” musobaqasining tuman bosqichi o‘tkazildi.

🔹Tadbirda tuman prokurori N.Avazov hamda mutasaddi tashkilotlar rahbarlari ishtirok etib, sport va jismoniy tarbiyaning ommaviyligini oshirish, ayniqsa, yoshlarning sportga bo‘lgan qiziqishini rag‘batlantirishga alohida e’tibor qaratilayotganini ta’kidladilar.

Musobaqalar qizg‘in va murosasiz tarzda o‘tib, o‘g‘il bolalar o‘rtasida 66 kg, 73 kg, 81 kg, 90 kg va +90 kg, qizlar o‘rtasida esa 57 kg, 63 kg, 70 kg va +70 kg vazn toifalarida bellashuvlar tashkil etildi.

🥇G‘olib sportchilar diplom, medal va qimmatbaho sovg‘alar bilan taqdirlanib, viloyat bosqichida ishtirok etish huquqini qo‘lga kiritdilar.

💼 Navoiy viloyati Sport boshqarmasi axborot  xizmati

🌐Web-Sayt | 📱Telegram | 📱Facebook | 📱Instagram | 📱Youtube

DXX KUBOGI QUR’A TASHLASH MAROSIMI

⚽️ Futbol, mini-futbol oʻrtasida oʻgʻil bolalar va qizlar oʻrtasida an’anaviy tarzda oʻtkazib kelinayotgan DXX kubogi-2025 musobaqasi viloyat bosqichiga qur’a tashlandi.

🔺Marosimda viloyat sport boshqarmasi boshligʻi Jasur Murtazoyev, viloyat futbol assotsiatsiyasi birinchi vitse-prezidenti Dilmurod Davronov, ma’sullar hamda mahalla yetakchilari ishtirok etishadi.

📝Qur’aga koʻra ushbu mavsumda jamoalar hududlarga boʻlingan holda birinchi bosqichda bahslarni olib borishadi hamda yakuniy bosqichga yoʻl olishadi.

✔️Shuningdek marosim davomida musobaqani tashkil etish, jamoalarning ishtirok etishdagi tartib-qoidalari borasida ham tushunchalar berildi.

💼 Navoiy viloyati Sport boshqarmasi axborot  xizmati

🌐Web-Sayt | 📱Telegram | 📱Facebook | 📱Instagram | 📱Youtube

🇺🇿🥋 Laziza Haydarova Olimpiya chempioniga munosib qarshilik ko‘rsatdi

Yaqindagina yoshlar toifasidan kattalar safiga o‘tgan Navoiy shahar Yakka kurash turlariga ixtisoslashtirilgan sport maktabi tarbiyalanuvchisi 18 yoshli dzyudochi Laziza Haydarova (-48 kg) o‘zining ilk yirik sinovida kuchli raqib bilan to‘qnash keldi.

U dzyudo bo‘yicha jahon chempionatining ilk bosqichida Parij-2024 Olimpiadasi bronza medali sohibi, Olimpiya o‘yinlarining jamoaviy bahslarida chempion, jahon chempionatining kumush medali g‘olibi, to‘rt karra Yevropa chempioni bo‘lgan fransiyalik Shirin Bukliga qarshi gilamga chiqdi.

Mazkur nufuzli musobaqada ilk bor ishtirok etayotgan Laziza nomdor raqibasiga qarshi munosib bahs olib bordi. Bellashuv taqdirini faqat qo‘shimcha daqiqalarda olingan shido jazosi hal qildi va Haydarova raqibaga imkoniyatni boy berdi.

Eslatib o‘tamiz, Laziza Haydarova joriy yilda Upper Austria Grand Prix turnirida bronza medalini qo‘lga kiritgan, shuningdek, kadetlar o‘rtasidagi jahon chempionatida ham bronza medali bilan taqdirlangan.

Bu — katta sportdagi birinchi qadami. Eng muhimi — bu yo‘ldan to‘xtamaslik. Oldinda hali ko‘plab yutuqlar kutmoqda.

💼 Navoiy viloyati Sport boshqarmasi axborot  xizmati

🌐Web-Sayt | 📱Telegram | 📱Facebook | 📱Instagram | 📱Youtube