Navbahor tumanida “Yangi O‘zbekiston – Olimpiya cho‘qqilari” sport musobaqalari davom etmoqda

😀Navbahor tumanida “Yangi O‘zbekiston – Olimpiya cho‘qqilari” sport musobaqasining badiiy gimnastika yo‘nalishi bo‘yicha mintaqaviy bosqichi bo‘lib o‘tdi.

Tadbirning ochilish marosimida Navoiy viloyati sport boshqarmasi bo‘lim boshlig‘i U. Qahhorov, viloyat gimnastika federatsiyasi direktori B. Hamdamova hamda tuman sport maktablari rahbarlari A. Xidirov va F. Salomovlar ishtirok etib, yig‘ilganlarni tabriklashdi.

Mazkur musobaqada Gozg‘on shahri, Navbahor, Nurota va Konimex tumanlaridan tashrif buyurgan iqtidorli sportchilar o‘z mahoratlarini namoyon etib, o‘zaro kuch sinashdi.

Musobaqa yakunida mintaqaviy bosqich g‘olib va sovrindorlarini taqdirlash marosimi bo‘lib o‘tdi. G‘oliblarga diplom, medal hamda esdalik sovg‘alari topshirildi.

💼 Navoiy viloyati Sport boshqarmasi axborot  xizmati

🌐Web-Sayt | 📱Telegram | 📱Facebook | 📱Instagram | 📱Youtube

ZARAFSHONDA PARUS SPORTI BO‘YICHA XALQARO OCHIQ CHEMPIONATI G‘OLIBLARI TAQDIRLANDI

⚡️Bugun, 4-iyun kuni Zarafshon shahrining "Marvarid" ko‘lida  Parus sporti bo‘yicha  Xalqaro ochiq chempionatining yakuniy marosimi bo‘lib o‘tdi. Unda shahar hokimi Nazirbek  Rahmanov ishtirok etib, yoshlarga ishtorok uchun samimiy tilaklarini bildirib, g‘olib yoshlarni tabrikladi.

🔺G‘olib yoshlar va murabbiylarga shahar hokimi, Parus sport turi bo‘yicha Navoiy viloyati Federatsiyasi raisi Nazirbek Rahmanov tomonidan diplom va esdalik sovg‘alari topshirildi.

🔺Eslatib o‘tamiz, chempionatda Toshkent shahri, Qozog‘iston Respublikasining Ostona shahridan tashrif buyurgan sportchilar hamda Zarafshon shahridan iqtidorli yoshlar qatnashdi. Bellashuv 6 ta yo‘nalish bo‘yicha o‘tkazildi.

💼 Navoiy viloyati Sport boshqarmasi axborot  xizmati

🌐Web-Sayt | 📱Telegram | 📱Facebook | 📱Instagram | 📱Youtube

Oliy Majlis Senati Raisi Tanzila Narbaeva Navoiy viloyatiga tashrif buyurdi

Bugun Oʻzbekiston Respublikasi Oliy Majlisi Senati Raisi Tanzila Narbaeva Navoiy viloyatiga tashrif buyurdi. Tashrif davomida u 3-iyun — Xalqaro velosiped kuni munosabati bilan tashkil etilgan velomarafonda ishtirok etdi.

Mazkur sport tadbiri sog‘lom turmush tarzini targ‘ib qilish, ekologik toza transport vositalaridan foydalanishni kengaytirish hamda yoshlar orasida velosportga bo‘lgan qiziqishni oshirish maqsadida o‘tkazildi.

Senat raisi marafon ishtirokchilari bilan suhbatlashib, ularning sportga bo‘lgan qiziqishi va sa’y-harakatlarini yuqori baholadi. Shuningdek, yosh sportchilarni xalqaro velosiped kuni bilan samimiy tabriklab, ularga 20 dona zamonaviy velosiped sovg‘a qildi.

💼 Navoiy viloyati Sport boshqarmasi axborot  xizmati

🌐Web-Sayt | 📱Telegram | 📱Facebook | 📱Instagram | 📱Youtube