Navoiyda sport sohasidagi yutuqlar va rejalar muhokama qilindi.

🔺Navoiy viloyati sport boshqarmasi hamda O‘zbekiston Jurnalistlar uyushmasi Navoiy viloyati bo‘limi hamkorligida navbatdagi matbuot anjumani tashkil etildi. Tadbir davomida 2025-yilning birinchi choragida hududda sport sohasida amalga oshirilgan ishlar, erishilgan natijalar hamda yil yakunigacha bajarilishi rejalashtirilgan loyihalar haqida batafsil ma’lumot berildi.

🔹Matbuot anjumanida sport infratuzilmasini rivojlantirish, ommaviy sportni targ‘ib etish, yoshlar o‘rtasida sog‘lom turmush tarzini shakllantirishga qaratilgan chora-tadbirlar, shuningdek, sohada olib borilayotgan islohotlarning borishi muhokama qilindi.

Qayd etish joiz, hozirgi kunda viloyatimizda jami 18 ta sport ta’lim muassasasi faoliyat yuritmoqda. Shundan 13 tasi umumiy sport maktabi, 4 tasi ixtisoslashtirilgan sport maktabi, 1 tasi esa Olimpiya va Paralimpiya sport turlariga ixtisoslashtirilgan tayyorlov markazidir.

Mazkur muassasalarda 781 nafar malakali murabbiy 45 turdagi sport mashg‘ulotlarini olib bormoqda. Umumiy hisobda 23,5 mingdan ortiq yosh sportchilar muntazam ravishda sport bilan shug‘ullanmoqda.

🔸Tadbir yakunida jurnalistlar o‘zlarini qiziqtirgan savollar bilan murojaat qilishdi va mutasaddilar tomonidan aniq, faktlarga asoslangan javoblar berildi.

💼 Navoiy viloyati Sport boshqarmasi axborot  xizmati

🌐Web-Sayt | 📱Telegram | 📱Facebook | 📱Instagram | 📱Youtube

Badiiy gimnastika: yosh gimnastikachilar chempionlik uchun bahslashdi

🔺“Yoshlar” sport majmuasida badiiy gimnastika bo‘yicha o‘smirlar o‘rtasida tuman-shahar saralash chempionati bo‘lib o‘tdi.

🔹Mazkur musobaqa Prezidentning PQ-449-sonli qarorida belgilangan chora-tadbirlar ijrosini ta’minlash maqsadida, Sport boshqarmasi hamda viloyat Gimnastika federatsiyasi hamkorligida tashkil etildi.

✔️Musobaqada Navoiy shahri, Zarafshon, Uchquduq, Konimex, Xatirchi, Nurota, Navbahor tumanlaridan jami 63 nafar yosh gimnastikachilar ishtirok etdi. Ishtirokchilar xalqaro toifadagi hakamlar tomonidan baholandi.

🥇Musobaqa g‘olib va sovrindorlari Sport boshqarmasining 1-, 2- va 3-darajali diplomlari bilan taqdirlandi.

💼 Navoiy viloyati Sport boshqarmasi axborot  xizmati

🌐Web-Sayt | 📱Telegram | 📱Facebook | 📱Instagram | 📱Youtube

⚡️“Talaba-yugur”, “O‘quvchi-yugur”, “Harbiy-yugur”, “Eco - Save Aral – 2025” ommaviy yugurish musobaqalari doirasida Navoiy viloyat hokimligida muhim yig‘ilish bo‘lib o‘tdi. Unda o‘tkazilishi rejalashtirilgan ommaviy yugurish musobaqalarini tashkil etish masalalari muhokama qilindi.

⚡️Yig‘ilishda musobaqalarni yuqori saviyada o‘tkazish, aholi oʻrtasida sog‘lom turmush tarzini targ‘ib etish kabi masalalarga alohida urg‘u berildi.

🔸Tadbir doirasida viloyatdagi mutasaddi tashkilotlar va hamkorlar o‘rtasida vazifalar taqsimoti amalga oshirilib, musobaqalar uchun zarur infratuzilmani yaratish, axborot-targ‘ibot ishlari va xavfsizlik choralari yuzasidan takliflar bildirildi.

💼 Navoiy viloyati Sport boshqarmasi axborot  xizmati

🌐Web-Sayt | 📱Telegram | 📱Facebook | 📱Instagram | 📱Youtube