🖐 “Besh tashabbus paralimpiadasi”ning viloyat bosqichi g‘oliblari aniqlandi

🔺Nogironligi bo‘lgan shaxslar o‘rtasida sog‘lom turmush tarzini targ‘ib qilish, ularni ijtimoiy hayotga moslashuv jarayonini tezlashtirish hamda sportga bo‘lgan qiziqishini yanada oshirishga qaratilgan musobaqalar Navoiy viloyatida ham ko‘tarinki ruhda bo‘lib o‘tdi.

🔺Musobaqa do‘stona muhitda, yuqori sport kayfiyatida o‘tdi. Har bir ishtirokchi g‘alaba uchun astoydil harakat qildi va o‘z jismoniy imkoniyatlarini sinovdan o‘tkazdi.

🔸Eslatib o‘tamiz, viloyatda bo‘lib o‘tgan “Besh tashabbus paralimpiadasi" ommaviy sport musobaqalarida 3 ming nafarga yaqin fuqarolar qatnashib, adaptiv sportning 10 dan ortiq turi bo‘yicha o‘zaro bellashdilar.

🏆Navoiy shahridagi "Kimyogar" o‘yingohida bo‘lib o‘tgan tadbirda, 13 ta sport turi bo‘yicha faxrli o‘rinlarni qo‘lga kiritgan parasportchilar diplom va esdalik sovg‘alar bilan taqdirlandilar.

💼 Navoiy viloyati Sport boshqarmasi axborot  xizmati

🌐Web-Sayt | 📱Telegram | 📱Facebook | 📱Instagram | 📱Youtube

Navoiyda sport sohasidagi yutuqlar va rejalar muhokama qilindi.

🔺Navoiy viloyati sport boshqarmasi hamda O‘zbekiston Jurnalistlar uyushmasi Navoiy viloyati bo‘limi hamkorligida navbatdagi matbuot anjumani tashkil etildi. Tadbir davomida 2025-yilning birinchi choragida hududda sport sohasida amalga oshirilgan ishlar, erishilgan natijalar hamda yil yakunigacha bajarilishi rejalashtirilgan loyihalar haqida batafsil ma’lumot berildi.

🔹Matbuot anjumanida sport infratuzilmasini rivojlantirish, ommaviy sportni targ‘ib etish, yoshlar o‘rtasida sog‘lom turmush tarzini shakllantirishga qaratilgan chora-tadbirlar, shuningdek, sohada olib borilayotgan islohotlarning borishi muhokama qilindi.

Qayd etish joiz, hozirgi kunda viloyatimizda jami 18 ta sport ta’lim muassasasi faoliyat yuritmoqda. Shundan 13 tasi umumiy sport maktabi, 4 tasi ixtisoslashtirilgan sport maktabi, 1 tasi esa Olimpiya va Paralimpiya sport turlariga ixtisoslashtirilgan tayyorlov markazidir.

Mazkur muassasalarda 781 nafar malakali murabbiy 45 turdagi sport mashg‘ulotlarini olib bormoqda. Umumiy hisobda 23,5 mingdan ortiq yosh sportchilar muntazam ravishda sport bilan shug‘ullanmoqda.

🔸Tadbir yakunida jurnalistlar o‘zlarini qiziqtirgan savollar bilan murojaat qilishdi va mutasaddilar tomonidan aniq, faktlarga asoslangan javoblar berildi.

💼 Navoiy viloyati Sport boshqarmasi axborot  xizmati

🌐Web-Sayt | 📱Telegram | 📱Facebook | 📱Instagram | 📱Youtube