Joriy yilning 6-may kuni Qiziltepa tumanida sportning stol tennisi, yengil atletika, mini-futbol turlari bo‘yicha sektor musobaqalari bo‘lib o‘tdi. 1-sektor 2-bosqichida mini-futbol sport turi musobaqasida faxrli birinchi o‘rinni "Xumo" MFY jamoasi, yengil atletika sport turi bo‘yicha "Saroy" MFY jamoasi, stol tennis sport turidan ham "Saroy" MFY yoshlari qo‘lga kiritib tuman bosqichiga yo‘llanmani qo‘lga kiritdi. G‘olib va sovrindorlar tashkilotchilar tomonidan diplom hamda esdalik sovg‘alari bilan taqdirlandi.

Joriy yilning 6-may kuni Nurota tumani Yoshlar jamg‘armasida sportning shaxmat turi bo‘yicha 4-sektor bosqichi musobaqasi o‘tkazildi. G‘oliblar tuman bosqichiga yo‘llanmani qo‘lga kiritdi. Shuningdek, tashkilotchilar tomonidan diplomlar bilan taqdirlandi.

Bugun 7-may kuni Sportning suv turlariga ixtisoslashtirilgan bolalar-o‘smirlar sport maktabida 9-may "Xotira va qadrlash kuni"ga bag‘ishlab sportning suzish turi bo‘yicha Sportning suv turlariga ixtisoslashtirilgan bolalar-o‘smirlar sport maktabi ochiq chempionati musobaqasi bo‘lib o‘tmoqda. Mazkur musobaqada 100 dan ziyod o‘smir va qizlar ishtirok etdi.

Bugun 7-may kuni Navoiy shahar "Yoshlik" ko‘lida 9-may “Xotira va qadrlash kuni”ga bag‘ishlab sportning baydarka va kanoeda eshgak eshish turi bo‘yicha Sportning suv turlariga ixtisoslashtirilgan bolalar-o‘smirlar sport maktabi ochiq chempionati musobaqasi bo‘lib o‘tmoqda.

Sportning badminton turi bo‘yich Navoiy viloyati chempionati yakuni bo‘yicha quyidagi natijalar qayt etildi:
I o‘rin: Navoiy Olimpiya zaxiralari kolleji jamoasi,
II o‘rin: Sportning o‘yin turlariga ixtisoslashtirilgan bolalar-o‘smirlar sport maktabi,
III o‘rin: Navbahor tumani bolalar-o‘smirlar sport maktabi.