Regbi-7 bo‘yicha U-15 O‘zbekiston chempionati Navoiy shahrida yuqori saviyada tashkil etildi

🔺O‘zbekiston Respublikasi Sport vazirligi va O‘zbekiston Regbi federatsiyasining 2025-yil uchun tasdiqlangan rasmiy taqvim rejasiga muvofiq, Navoiy shahrida regbi-7 sport turi bo‘yicha o‘smir o‘g‘il-qizlar (U-15) o‘rtasida O‘zbekiston chempionati musobaqalari o‘tkazildi.

🔺Mazkur chempionatda Navoiy viloyati Sport boshqarmasi tasarrufidagi Sportning o‘yin turlari va yengil atletikaga ixtisoslashtirilgan sport maktabining regbi bo‘limi sportchi-o‘quvchilari ham faol ishtirok etdilar. Musobaqalar yuqori saviyada, katta qiziqish va ko‘tarinki kayfiyatda o‘tdi.

Musobaqa yakuniga ko‘ra quyidagi jamoalar sovrindor bo‘lishdi:

🥇 1-o‘rin — Navoiy viloyati jamoasi
🥈 2-o‘rin — Namangan viloyati jamoasi
🥉 3-o‘rin — Toshkent viloyati jamoasi

🏆G‘olib va sovrindor jamoalar O‘zbekiston Respublikasi Sport vazirligi, O‘zbekiston Regbi federatsiyasi hamda Navoiy viloyati Sport boshqarmasi tomonidan diplomlar va esdalik sovg‘alari bilan taqdirlandilar.

💼 Navoiy viloyati Sport boshqarmasi axborot  xizmati

🌐Web-Sayt | 📱Telegram | 📱Facebook | 📱Instagram | 📱Youtube

Kurash bo'yicha "Bosh prokuror kubogi" musobaqasining Navoiy viloyat bosqichi g'oliblari aniqlandi

⚡️Navoiy shahridagi Yakka kurash turlariga ixtisoslashtirilgan sport maktabida "Besh tashabbbus olimpiadasi" doirasida sportning kurash turi bo'yicha "Bosh prokuror kubogi" musobaqasining Navoiy viloyat bosqichi bo'lib o'tdi.

🔺Musobaqada 18-30 yosh toifasidagi erkaklar va ayollar 9 ta vazn toifasida murosasiz bellashdilar.

🏆Yakunda barcha vazn toifalarida g'olib va sovrindorlar aniqlanib diplom va medal hamda qimmatbaho va esdalik sovg'alar bilan taqdirlandilar.

💼 Navoiy viloyati Sport boshqarmasi axborot  xizmati

🌐Web-Sayt | 📱Telegram | 📱Facebook | 📱Instagram | 📱Youtube