💼 Navoiyda “Yangi O‘zbekiston Olimpiya cho‘qqilari” musobaqasining boks yo‘nalishidagi mintaqaviy bosqichi bo‘lib o‘tdi

📍 Navoiy shahar Sportni rivojlantirish markazida “Yangi O‘zbekiston Olimpiya cho‘qqilari” sport musobaqasining boks yo‘nalishi bo‘yicha mintaqaviy bosqichi tashkil etildi.

🔹Tadbirning ochilish marosimida Navoiy viloyat Sport boshqarmasi boshlig'i Jasur Murtozayev, viloyat Sport boshqarmasi sho'ba boshlig'i U.Qahhorov, O‘zbekiston Respublikasi Milliy Olimpiya qo‘mitasining Navoiy viloyati hududiy bo‘linmasi ijrochi direktori Farhod Raxmonov, sport murabbiylari hamda yoshlar ishtirok etishdi.

💬 Musobaqada viloyatning Navoiy shahri hamda Karmana, Xatirchi va Qiziltepa tumanlaridan tashrif buyurgan eng iqtidorli yosh bokschilar o‘z mahoratlarini ringda namoyish etdilar.

🏆 G‘olib va sovrindor sportchilar tashkilotchilar tomonidan diplom va medallar bilan taqdirlandi.

💼 Navoiy viloyati Sport boshqarmasi axborot  xizmati

🌐Web-Sayt | 📱Telegram | 📱Facebook | 📱Instagram | 📱Youtube

😀 "Yangi O‘zbekiston Olimpiya cho‘qqilari" sport musobaqasining mintaqaviy bosqich musobaqalari davom etmoqda

📍 Navbahor tumanida musobaqaning taekvondo WT turi bo‘yicha navbatdagi mintaqaviy bosqich bellashuvlari bo‘lib o‘tdi.

💬 Mazkur bosqichda G'ozg'on shahar, Navbahor, Konimex, Nurota tumanlaridan ro‘yxatga o‘tgan sportchilar o‘zaro bellashdilar.

🫥 Bellashuvlar yakunida har bir vazn toifasida g‘olib va sovrindor sportchilar aniqlanib, ular diplom va esdalik sovg‘alari bilan taqdirlandi.

💼 Navoiy viloyati Sport boshqarmasi axborot  xizmati

🌐Web-Sayt | 📱Telegram | 📱Facebook | 📱Instagram | 📱Youtube

🇺🇿🇰🇿 Gimnastika sport turlarini rivojlantirishga oid PQ-449-son qaror ijrosi amalda!

⚡️2025-yil 13–20-iyun kunlari Navoiy shahridagi “Yoshlar” sport majmuasida O‘zbekiston Respublikasi Prezidentining PQ-449-sonli qarori ijrosini ta’minlash maqsadida sport gimnastikasi bo‘yicha o‘quv-yig‘in mashg‘ulotlari tashkil etildi.

🔺Mazkur mashg‘ulotlar viloyat katta murabbiyi I. Qambarov hamda Qozog‘iston Respublikasidan tashrif buyurgan sport gimnastikasi bo‘yicha sport ustasi S. Rahimov boshchiligidagi 7 nafar sportchi ishtirokida, ikki davlat o‘rtasida imzolangan memorandum asosida o‘tkazilmoqda.

🔸Ushbu tashabbusdan ko‘zlangan asosiy maqsad – O‘zbekiston va Qozog‘iston o‘rtasidagi do‘stlik aloqalarini mustahkamlash, sport gimnastikasini yanada rivojlantirish hamda malakali mutaxassislar ishtirokida tajriba almashinuvini yo‘lga qo‘yishdir.

💼 Navoiy viloyati Sport boshqarmasi axborot  xizmati

🌐Web-Sayt | 📱Telegram | 📱Facebook | 📱Instagram | 📱Youtube