المبرهنه الي اجتي هي مبرهنه ٨

لحد يكول الاسئلة سهله ابد
الي كاعد بالبيت ويشوفها ع راحته ومرتاح طبعا يكول سهله
بس الطالب الي بالامتحان اذا فرع واحد معرفه او شافه صعب والضغط الي عليه رح يعوف كلشي

فالاسئلة ماتعتبر سهله نهائيا
مركزة

اني نزلت كم سؤال بالقناة واجن ٧ منها

هاي كل سنه هيج الرياضيات تجي الاسئلة هيج خبيثه بكم فرع وتخلي الطالب الي يريد ١٠٠ ياجل المادة هاي بسبب فرع واحد ممكن
عكس باقي المواد بصراحة
ما اعرف شنو اللغز ..

على كل … والله انقهرت حيل لان كل هالتعب واحس راح ..
وعد الي اجل دور ثاني رح اسويلكم شي خيالي والله ولاتضوجون فدوة الكم تعوضون ع دور ثاني ان شاء الله
واني كل طاقتي انطيها الكم وشكد ما اكدر اساعدكم اسوي

اكثر دفعه تاذو هالسنه من وجهة نظري همه دفعه 24
املوهم بالتقليص ومصار تقليص والمواد كلش ضخمه

قدمو موعد الامتحانات وخلوها بشهر السادس في حين جانو الدفعات السابقه يمتحنون بشهر السابع بنهايته حتى
بحيث مصار عدكم وقت تراجعون مرتين

وبعدين كالو الاسئلة حتكون سهله لان هالسنه انتو ماعدكم حذوفات ورح نراعي الظروف
والاسئلة ماشاء الله مال يوم مركزة جدا

بسم الله الرحمن الرحيم
بيان مهم جدا
لله الحمد
حققت مراجعتي على 105 درجة (بدون مبرهنة٨)
ورح اثبت الكم بالدليل كل سؤال بيا فيديو اجه 👇

س 1/A نصا

س1/B نصا

س2/b تغير رقم فقط

س3/A نصا

س4/A نصا

س4/B نصا حتى كاتب عليه (مرشح) 😂

س6 نصا

س 5 / نصا فقط تغير رقم (ايجاد الثوابت)

الحمدلله الي خلاني اساعد كل طلاب العراق
وصدكوني بالدور الثاني محضر الكم مفاجئة خيالية 🔥

صح المراجعة مالتي جابت هيج درجة ١٠٥
بس هذا مايغير رايي وارجع واكول الاسئلة جانت مو سهله وانما خبيثه وغير متوقعه تماما خاصة اكو مواضيع كل سنه تجي وزاري وماوردت

ولذلك اغلب الطلاب الي تريد معدل اجلت دور ثاني لان اذا هو اخذ ٩٥ حينزل معدله

لا اله الا الله