🧪 Loyihalarning backend qismini samaradorligini tekshirish

Bu jarayon ba'zan HTTP benchmarking yoki load testing deb ham yuritiladi va men o'ylaymanki har bir loyiha bunday sinovlardan o'tishi lozim. Bu turdagi sinovlarni amalga oshirish uchun unga mo'ljallangan tool(instrumentlar) zarur. Ushbu postda esa o'zim bilgan, ishlatgan tool'lar haqida ma'lumot bermoqchiman.

WRK - dasturchilar orasida eng ko'p ishlatiladigani desam ham adashmagan bo'laman. Serverga multithreaded dizayn kombinatsiyasi asosida sezilarli darajada yuklamani tushuradi. Shu orqali serverning qancha so'rovlarni qayta ishlashi va ularning qaytish vaqti(latency)ni ham hisoblaydi.
O'rnatilishi sodda, github sahifasida 3-4 ta buyruq asosida o'rnatib olishingiz mumkin. Ishlatish esa oddiy CLI , -d argumenti orqali sinovning davomiyligini, -c bilan esa connection'larning soni va -t orqali esa threadlar sonini kiritasiz va skrinshotdagidek natijani olasiz. Bizga ko'proq requests/second ya'ni rps'ning qiymati muhimroq 😄 Bu instrument C da yozilgan va shuning uchun ham raketa 🚀

Locust - perfomance testing uchun eng yaxshi ko'rgan instrumentim desam adashmagan bo'laman. Chunki siz unda o'zingiz test skriptlar yozishingiz(custom testingdek narsa)mumkin, ajoyib web UI ham mavjud, va yana qo'shimcha ko'plab customization sozlamalari borligi yoqadi + rasmiy qo'llanmasi ham tushunarli tilda zo'r qilib yozilgan. Avvalliga siz uni pip orqali o'rnatasiz(pythonda yozilganda😁), so'ng testing uchun bitta python fayl ochasiz va qo'llanmada berilganidek "task"larni kiritasiz. Terminalda locust buyrug'ini kiritishingiz bilan web interfeys ham tayyor holatga keladi. Foydalanuvchilar soni va spawn rate(users/second)ni kiritib testingni boshlab yuborasiz. Statistikani xohlasangiz Web UIda grafik orqali, yoki web UI'siz terminalning o'zida va CSV fayl orqali olishingiz mumkin bo'ladi.

NodeJSda , Golangda tayyorlangan bir talay HTTP benchmarking tool'lar mavjud. Yuqorida esa o'zim foydalanganlarimni ulashdim, foydali bo'ldi degan umiddaman 😉

@AbduazizPy