🗳🇺🇿 Ovoz berish jarayoni qizg‘in

Bugun Qo‘qon universitetida joylashgan 180, 181-referendum uchastkalari 8:00 da uchastka mas’ullari, kuzatuvchilar va ommaviy axborot vositalari vakillari ishtirokida O‘zbekiston davlat madhiyasi bilan tantanali ochildi.

Referendumning ochilishida ishtirokchilar kuzatuvi ostida ovozlar yig‘iladigan maxsus quti muhrlangan holda ovoz berish jarayoni boshlandi.  

Referendumda ishtirok etadigan fuqarolar ro‘yxati shakllantirilgan. Ro‘yxatga olingan barcha fuqarolarga referendumda ishtirok etish uchun taklifnoma tarqatilgan. Mazkur uchastkalarga biriktirilgan mahallalar aholisi referendumda faol ishtirok etishmoqda. Uchastkada fuqarolarning ovoz berishi, o‘z xohish-irodasini erkin bildirishi uchun barcha sharoitlar yaratildi.

Eslatib o‘tamiz, mazkur referendumda yurtdoshlarimiz “O‘zbekiston Respublikasi Konstitusiyasi to‘g‘risida”gi O‘zbekiston Respublikasi Konstitusiyaviy qonunini tasdiqlash uchun ovoz bermoqdalar.

🌐 Web-site🕊Telegram|📱Facebook|📱Instagram|📺YouTube

🗳🇺🇿 Referendum bayramona ruhda o‘tmoqda!

Bugun xalqimiz qatorida Qo‘qon shahar ahli intizorlik bilan kutgan kun! Buni Qo‘qon universitetida joylashgan referendum uchastkalaridagi jarayonlardan ham ko‘rish mumkin.

Erta tongdayoq referendum uchastkasi ovoz berishda ishtirok etish maqsadida kelgan fuqarolar bilan gavjum bo‘ldi. Barcha emin-erkin o‘z konstitutsiyaviy huquqidan foydalanmoqda.

Yoshlarimizdan tortib yoshi ulug‘larimizgacha bugungi muhim siyosiy tadbirda o‘z hayot darajalarini yanada yaxshilash, ko‘proq huquq va erkinliklarga erishish va ularning mustahkamlanishi uchun ishonch bilan ovoz bermoqdalar.

Qo‘qon shahar hokimi Ma'rufjon Usmonov ham o‘zi ro‘yxatga olingan 180-referendum uchastkamizda ko‘pchilik fuqarolar qatorida ovoz berdi.

Referendum jarayoni davom etmoqda.

🌐 Web-site🕊Telegram|📱Facebook|📱Instagram|📺YouTube