#Sport
#besh_tashabbus

✍ Sport musobaqalari bo‘lib o‘tmoqda

"O‘qituvchi va murabbiylar kuni" munosabati bilan universitet professor-o‘qituvchilari va xodimlari o‘rtasida sport musobaqalari o‘tkazilmoqda. Bellashuv hakami musobaqa jarayonini kuzatib, xolis baholab boryapti.

Stol tennisi bo‘yicha o‘tkazilgan bellashuvlarda universitet rektorining yordamchisi Abdurahmon Abduhamidov raqiblaridan ustunlikni qo‘lga kiritib, g‘alaba qozondi.

Shuningdek, shaxmat bo‘yicha musobaqada Marketing va PR departamenti mutaxassisi Ruslan Shodmonov g‘olib bo‘ldi. Shashka musobaqasida esa Ta'lim kafedrasi o‘qituvchisi Zarafshon Qalandarova 1-o‘rinni oldi.

Sport musobaqalari bugun ham davom etadi.

#besh_tashabbus

Axborot-kutubxona markazi tashabbusi bilan sirtqi yo‘nalishlar talabalari o‘rtasida kitob mutolaasini keng targ‘ib qilishga bag‘ishlangan madaniy tadbir o‘tkazildi.

Universitetning Gulhayobonu Muhammadqosim, Nurfayz Shamsuddinov, Jahongir Azimov va boshqa iqtidorli talabalari "Izlash", "Bir vijdon uyg‘onur" kabi badiiy kitoblar taqdimotini o‘tkazdilar.

Madaniy tadbir sahna ko‘rinishi va jonli ijrodagi qo‘shiqlar bilan mazmunli o‘tdi.

@kokanduniversity
@LIBRARY_KU

Yoshlar bilan ishlash departamenti

#teatr_soati
#besh_tashabbus

🎭 Teatrning sirli olamidan bahra olindi

Universitetimiz o‘qituvchi va talabalari Qo‘qon musiqali drama teatrida navbatdagi spektakl tomoshasida ishtirok etdilar.

Talaba-yoshlarimiz teatr aktyorlari tomonidan sahnalashtirilgan "Sirli quti" spektaklini tomosha qilib, o‘zlari uchun ibrat oldilar va madaniy hordiq chiqardilar.

Qayd etish joizki, "Sirli quti" asari Qo‘qon teatri faxriysi, xalqqa yetuk aktyor, iste’dodli rejissyor, xassos shoir va dramaturg sifatida tanilgan ustoz-ijodkor Azimjon Azizov qalamiga mansubdir. Asarda komediya janri asosida jamiyatimizning ijtimoiy ahamiyatli mavzusi sahnaga olib chiqilgan.

Teatr tomoshasi universitet jamoasi va talabalarga manzur bo‘ldi.

🔗 @kokanduniversity