#teatr_soati

"Dunyoga taraqqiy qilgan xalq ilm vositasi ila taraqqiy qiladi. Asir va zabun bo‘lganlar-da beilmlikdan. Modomiki, bizlar tarbiyasiz va bolalarimizni o‘qutmaymiz, bul tariqa yomon hodisalar va badbaxtliklar oramizda doimo hukm-farmo bo‘lsa kerak. Bu ishlarni yo‘q bo‘lmog‘iga o‘qumoq va o‘qutmoqdan boshqa iloj yo‘qdur"

Mahmudxo‘ja Behbudiyning "Padarkush" (yoxud o‘qimagan bolaning holi) dramasida shu kabi ilmni targ‘ib qiluvchi ko‘plab fikrlar o‘rin olgan. Qo‘qon universitetining bir guruh talabalari Qo‘qon musiqali drama teatrida ushbu asar asosida sahnalashtirilgan spektakl tomosha qildilar.

Jadid adabiyoti asoschisi Mahmudxo‘ja Behbudiy Markaziy Osiyo ijodkorlari orasida birinchi milliy dramatik asar yaratgan yozuvchidir. Uning dramasi qahramonlari teatrning tajribali aktyorlari tomonidan mahorat bilan gavdalantirildi. Talaba-yoshlar teatrda o‘tkazgan fursatlarida o‘zlari uchun katta hayotiy ibrat oldilar.

Yoshlar bilan ishlash departamenti

#teatr_soati
#besh_tashabbus

🎭 Teatrning sirli olamidan bahra olindi

Universitetimiz o‘qituvchi va talabalari Qo‘qon musiqali drama teatrida navbatdagi spektakl tomoshasida ishtirok etdilar.

Talaba-yoshlarimiz teatr aktyorlari tomonidan sahnalashtirilgan "Sirli quti" spektaklini tomosha qilib, o‘zlari uchun ibrat oldilar va madaniy hordiq chiqardilar.

Qayd etish joizki, "Sirli quti" asari Qo‘qon teatri faxriysi, xalqqa yetuk aktyor, iste’dodli rejissyor, xassos shoir va dramaturg sifatida tanilgan ustoz-ijodkor Azimjon Azizov qalamiga mansubdir. Asarda komediya janri asosida jamiyatimizning ijtimoiy ahamiyatli mavzusi sahnaga olib chiqilgan.

Teatr tomoshasi universitet jamoasi va talabalarga manzur bo‘ldi.

🔗 @kokanduniversity