🖊 Talabalar loyihalari UNICEF tomonidan qo‘llab-quvvatlanadi

Qo‘qon universitetida “ImkonLab” ijtimoiy tadbirkorlik laboratoriyasi loyihalari taqdimotining final bosqichi o‘tkazildi.

Yoshlar ishlari agentligi, O‘zbekiston yoshlar ittifoqi va UNICEF xalqaro bolalar tashkiloti bilan hamkorlikda o‘tkazilgan tadbirda Asaka va Qo‘qon shaharlarining 11 ta jamoasi o‘z loyihalari bilan ishtirok etdi.

Loyihalar UNICEFning yoshlar va innovatsiyalar bilan ishlash mutaxassisi Hyeri Hyun xonim, Asaka va Qo‘qon shahar hokimliklari vakillari hakamligida baholab borildi.

Quvonarlisi, Qo‘qon universitetining ustozlari mentorligida tayyorgarlik bosqichlaridan o‘tgan barcha yoshlar jamoasining biznes loyihalari ijtimoiy ahamiyatli deb baholandi va boshlang‘ich moliyalashtirish imkoniyati qo‘lga kiritildi.

Muhimi, grantlarni qo‘lga kiritgan yoshlar safida universitetimizning 12 nafar talabasi ham bor.

🕊Telegram|📱Facebook|
📱Instagram|📺YouTube

🖊 "Kelajak tadbirkorlari" klubining ilk a'zolari bugun - tadbirkor!

Xalqaro turizm va iqtisodiyot kafedrasida tashkil etilgan "Kelajak tadbirkorlari" klubi a'zolari "Biznes inkubator" loyihasi bo‘yicha bilim va tajriba to‘plab, o‘z bizneslarini yo‘lga qo‘ymoqdalar.

Xususan, Iqtisodiyot yo‘nalishi 1-kurs talabasi Bekzod Azamov "Sayoxat Foto" nomli konselyariya mahsulotlari savdosi, kompyuter va dizayn xizmatlari ko‘rsatishga ixtisoslashgan biznesini boshladi.

Talaba-tadbirkorimiz kelgusida maktab, o‘quv markazlari, universitet va tashkilotlar bilan hamkorlikda ularga mahsulot yetkazib berishni yo‘lga qo‘yish, yaqin istiqbolda o‘z gipermarketini ochishni maqsad qilmoqda. Dunyo davlatlaridan bolalarning aqliy rivojlanishiga oid mantiqiy qo‘llanma va vositalarni olib kelish, biznesini yanada kengaytirib, yangi ish o‘rinlari ochishni rejalashtiryapti.

❗️Siz ham "Kelajak tadbirkorlari" klubiga a'zo bo‘ling va o‘z biznesingizni yo‘lga qo‘ying!

Ro‘yxatdan o‘tish

🕊Telegram|📱Facebook|
📱Instagram|📺YouTube

🖊 "Ochiq eshiklar kuni"da

Qo‘qon universitetida shahrimiz maktablari o‘quvchilari uchun kampus-tur tashkil etildi.

Maktabni bitirish arafasida turgan o‘quvchi-yoshlarga universitetda ta'lim olishning afzalliklari, talabalarga yaratilgan shart-sharoitlar, mavjud yo‘nalishlar, qabul tartiblari va o‘qitish tizimi haqida ma'lumotlar berildi.

Yoshlar universitet o‘quv xonalariga taklif etilib, oliy ta'lim muhiti bilan yaqindan tanishtirildilar. Samimiy suhbat olib borilib, ularni qiziqtirgan savollarga javoblar berildi.

🕊Telegram|📱Facebook|
📱Instagram|📺YouTube