#KU_grant_sohiblari

🖊 Qo‘qon universiteti ilmli yoshlarga tayanadi va qo‘llab-quvvatlaydi

Bir guruh iqtidorli talaba-yoshlarimiz puxta bilim olish yo‘lidagi sa'y-harakatlari bois universitet grantlari sohibiga aylandilar.

Universitet rahbariyati grant sohiblari bilan suhbatda bo‘ldi. Qo‘qon universiteti ilm-ma'rifatli yoshlarga tayanib yuksalishi, o‘z navbatida bilim olish mashaqqatlarini zimmasiga olgan iqtidorli talabalar har jihatdan rag‘batlantirilishi ma'lum qilindi.

Uchrashuvda yaxshi xulq, yaxshi natijalar namoyish etib, grant sohibi bo‘lgan 22 nafar talaba orqali ularni tarbiyalayotgan ota-onalariga ham minnatdorchilik yo‘llandi. Zero, ota-ona uchun farzandlar ortidan keladigan har bir xursandchilik katta quvonch baxsh etadi.

🕊Telegram| 📱Facebook|📱Instagram| 📺YouTube

#oltin_fond
#KU_grant_sohiblari

Qo‘qon universitetida har bir o‘quv yilida iqtidorli yoshlarni qo‘llab-quvvatlash, ularni moddiy va ma’naviy jihatdan rag‘batlantirishga alohida e’tibor qaratilmoqda. Sizlarni universitetimiz grantlari sohibiga aylangan talabalarimiz bilan tanishtirib boramiz!

Boshlang‘ich ta'lim yo‘nalishi 4-kurs talabalari:
⭐ Nilufarxon Husenova;
⭐ Sarvinozxon Rahimjonova;
⭐ Mushtariyxon Ochildiyeva;
⭐ Malikaxon Muxtorova.

Iqtisodiyot yo‘nalishi 2-kurs talabasi:
⭐ Islomxon Xoshimov.

Ma'lumot o‘rnida, o‘tgan 2021/2022 o‘quv yilida respublikamizning turli hududlaridan bo‘lgan 79 nafar talabaga universitetimiz grantlari ajratilgan.

🕊Telegram| 📱Facebook|
📱Instagram| 📺YouTube

#oltin_fond
#KU_grant_sohiblari

💥 Qo‘qon universitetining grant sohiblari bilan tanishing!

⭐ Mavluda Abdullayeva - Mehmonxona va turizmni boshqarish yo‘nalishi 2-bosqich talabasi.

Bu iqtidorli talabamiz 1-kursni eng yaxshi GPA ko‘rsatkichi bilan tamomladi. U Samarqandda o‘tkazilgan WSS Xalqaro forumida "Eng yaxshi ishtirokchi" nominatsiyasi bo‘yicha taqdirlangan.

⭐ Yoqutxon Murodova - Mehmonxona va turizmni boshqarish yónalishi 2-bosqich talabasi.

Grantga qanday erishdi deysizmi? U 1-kursni yuqori GPA kórsatkichi bilan yakunladi. Bir necha xalqaro konferensiyalarda ishtirok etdi.

Yoqutxon Murodova joriy yilning 16-sentabr kuni Qo‘qon shahrida o‘tkazilgan "Murabbo va shirinliklar" festivali g‘oyasi muallifidir. Shuningdek, u Orhun almashinuv dasturi ishtirokchisi. O‘qish davomida universitetimizning Xalqaro hamkorlik departamentida amaliy tajriba orttirmoqda.

🕊Telegram| 📱Facebook|
📱Instagram| 📺YouTube

#yoshlar_siyosati

✍ Prezident Shavkat Mirziyoyev Ostona shahrida Osiyoda hamkorlik va ishonch choralari bo‘yicha kengashning oltinchi sammitida nutq so‘zladi

Prezidentimiz o‘z nutqida mamlakatlar radikal g‘oyalarning keng xurujiga yanada ko‘proq to‘qnash kelayotganiga e’tibor qaratdi:

"Buzg‘unchi kuchlar targ‘ibot va mafkuraviy ta’sirning yangi uslublaridan foydalangan holda ekstremistik tashkilotlarga yoshlarni faol jalb etmoqda.

Shu munosabat bilan yosh avlodni radikalizmdan asrash, ularning kuch-g‘ayrat va shijoatini bunyodkorlik sari yo‘naltirish uchun tizimli hamkorlikni o‘rnatishimiz kerak.

O‘g‘il-qizlarimiz o‘z kuchiga ishonishi, adolatli kelajakni qaror toptirishda o‘z ishtirokini his etishi, o‘z salohiyat va umidlarini amalda ro‘yobga chiqarish imkoniyatlariga ega bo‘lishi lozim.

Majlisimizning Yoshlar kengashi hamraisi sifatida turli yoshdagi insonlar o‘rtasida bir-birini yaxshiroq tushunishga da’vat etadigan, farzandlarimizning eng dolzarb muammolariga birgalikda yechim izlashga ko‘maklashuvchi yangi formatni – Avlodlar muloqotini yo‘lga qo‘yishni taklif etamiz.

Yosh yetakchilar Forumi doirasida bunday ilk uchrashuvni 2023-yil aprel oyida Samarqandda o‘tkazishga tayyormiz".

✅@kokanduniversity

#oltin_fond

💰Aziza - "Ziyolilar" O‘zbekiston talabalari almanaxi sahifalarida

"Men uchun eng katta xazina - bilim! Doim o‘z maqsadlarimga erishish uchun imkoniyat qidirib topa olaman. Rejalarim yo‘lida hech qachon ortga chekinmayman".

Universitetimizning Boshlang‘ich ta'lim yo‘nalishi talabasi Aziza Jo‘rayeva ana shunday ilm va qat'iyat egasi.

U joriy yilda "iBook.uz" va" oliygoh.uz platformasi tomonidan o‘tkazilgan talabalar uchun "iBook.uz stipendiyasi" respublika tanlovida TOP-20 talik orasidan joy egalladi.

Uning she'rlari Turkiya va Ozarbayjon Respublikalarining "Turk Yayinevi" nashriyoti tomonidan tayyorlangan, "Turkchaning dunyodagi o‘zbek ovozi" xalqaro antologiyasida chop etildi. "Ziyolilar" O‘zbekiston talabalari almanaxi sahifalarida ham bu iqtidorli talabamiz haqida yoritildi.

Aziza universitetimizda o‘tkazilgan "Vatan taqdiri - mening taqdirimda" mavzusidagi insholar tanlovlari g‘olibidir. U kelgusida bolalarga sifatli ta'lim berishni maqsad qilib, mutaxassislik fanlari, IT, grafik dizaynerlik va chet tillari bo‘yicha ham bilimini oshirib bormoqda. Zulfiyaxonim qizlaridan biriga aylanishni ham ko‘ngliga tuggan.

Azizaga kelgusida ham muvaffaqiyatlar yor bo‘lishini tilaymiz!

🌐 web-site ✅Telegram|
📱Facebook|📱Instagram|
📺YouTube