#Ceasefire

New Update

http://youtube.com/post/UgkxJC6ONjM45GUG1SLqD9-A3A9PqwTYIRSB?feature=shared

Main ek current affairs padhane wala teacher hu… aur haan, ek insaan bhi.

Haal hi mein main apne parivaar ke saath kuch dinon ke liye vacation par gaya — ek chhota sa break, ek chhoti si khushi. 8th May ko mera birthday bhi tha, lekin is trip ko mere liye aur bhi khaas banaya mere bade bhai & family ke saath ye trip par jaana hua..

Wo bade bhai… jinke hone se meri zindagi mein direction aayi, jinki wajah se main “Kapil Sir” ke roop mein aaj tumhare samne hu.

Mere mummy papa jitni izzat hai meri zindagi mein, utni hi meri bade bhai ki bhi hai… shayad usse bhi zyada. Pehli baar aisa hua ki unhone apne business commitments se time nikala..

Aur jab exams door hain, to maine socha kuch din ka break lena sahi waqt hai. Socha ki agar classes kuch din na bhi ho to students par pressure na aaye. Fir bhi trip ke shuruat mein maine classes li, par beech mein jab break liya… tab kuch aise messages aaye jo dil ko chubhne wale the.

“Kapil Sir serious nahi hain…”
“Kapil Sir consistent nahi hain…”

Main hairaan tha… kya 6 mahine mein ek baar bhi koi teacher, ek insaan, apne liye kuch din nahi nikaal sakta?
Kya main apne parivaar ke saath ek chhoti si khushi nahi jee sakta?
Kya maine koi paap kar diya ki maine kuch din ke liye teaching se break liya?

Aur sabse badi baat — maine apni last class mein clearly bataya tha ki kuch din classes nahi hongi, aur kyun nahi hongi. Phir bhi aise sawal…

Yeh to usi tarah hai jaise keh diya jaye ki current affairs ka teacher banna hi fraud hai, kyunki agar kal ko mere saath koi mishappening ho jaye, tab bhi log yahi kahenge — “Class kyun nahi le rahe ho?”

Main poochhta hu — kya kisi ka 5-10 din baad exam hai?
Agar main agle 3-4 din mein tumhara backlog pura karwa du, to kya 4-5 mahine baad hone wale exam ke liye tum us current affairs ko revise nahi kar paoge?

Sach mein… hats off hai aisi mentality ko.

Lekin har ek cheez insaan ko kuch sikhakar jaati hai…
Aur is trip ke end mein mile kuch comments aur messages ne bhi mujhe bahut kuch sikha diya

Aur sabse important — apni khushi kabhi kisi aur ke standards se define mat karo.

Main wapas aa gaya hoon — aur apni puri energy ke saath aa gaya hoon.

Kal se har ek class milegi — jaise hamesha milti thi.
Lekin haan, is baar thoda zyada pyaar aur thoda zyada ehsaas lekar.

20th May 2025 Current Affairs Class

Link - https://youtu.be/jGHrBSxJpE4?feature=shared

2 Important Points to Remember:

1. Language Settings:
If the video is playing in English, you can switch the audio/language as per your preference by going to the Settings section.

2. Class Timing:
The class is uploaded daily at 7 AM. So, don’t wait for the Telegram link — simply visit the YouTube channel directly and start watching anytime after 7 AM.