#eslatma #Akademik_litsey #qabul2024

⚡️Testga kechikmang, aks holda binoga kiritilmaysiz!

Akademik litseylarga hujjat topshirgan o‘quvchilar va ularning ota-onalariga ESLATMA!

📆 Ertadan akademik litseylarga kirish test sinovlari boshlanib, maxsus belgilangan hududlarda Bilim va malakalarni baholash agentligi tomonidan oʻtkaziladi.

🕒 Test sinovlarini oʻtkazilish vaqti:

➡️ 25-iyul kuni soat 15:00 da boshlanadi;

➡️ 26-iyul kuni 2️⃣ smenada o‘tkazilib:
1️⃣-smena soat 9:00 da;
2️⃣-smena soat 15:00 da boshlanadi.

Test sinovlariga kirish ruxsatnomasini my.edu.uz saytidagi shaxsiy kabinetiga o‘zining login va paroli bilan kirgan holda yuklab olish mumkin.

Oʻquvchilardan test sinovi o‘tkaziladigan hududga belgilangan vaqtdan kamida 1 soat oldin shaxsini tasdiqlovchi hujjat va test sinovida ishtirok etish uchun ruxsatnoma bilan kelishlari so‘raladi.

Qayd etish kerakki, hukumatning 320-son qaroriga muvofiq test kuni imtihon vaqtidan kechikkan, shaxsini tasdiqlovchi hujjat va ruxsatnomasi bo‘lmagan oʻquvchi sinov o‘tkaziladigan binoga kiritilmaydi.

Shuningdek, oʻquvchi ruxsatnomasida ko‘rsatilgan sana va vaqt qat’iy hisoblanib, unga boshqa sana va vaqtda testga kirish uchun ruxsat berilmaydi.

👉 Test sinovlari o‘tkaziladigan binolar BU YERDA.

Bizni kuzating

Facebook | X | YouTube

#100savolga_100javob

33-savol: Grantda o‘qiyman o‘qishni ko‘chirganimdan keyin "kontrakt" bo‘lib ko‘chmaymanmi?

➡️ Javob bilan matnli shaklda tanishing

Bizni kuzating

Facebook | X | YouTube

🟥🟥🟥🟩🟩🟩

🗣“Yangi O‘zbekistonga qanot bo‘lamiz!” ijodiy videoroliklar tanlovi eʼlon qilindi

🔸Respublika Maʼnaviyat va maʼrifat markazi, Oliy ta’lim, fan va innovatsiyalar vazirligi hamda qator tashkilotlar hamkorlikda “Salom Vatandosh” mega loyiha dasturi doirasida “Yangi O‘zbekistonga qanot bo‘lamiz!” ijodiy videoroliklar tanlovini eʼlon qiladi.

Tanlovga quyidagi mavzularda videoroliklar qabul qilinadi:

➡️Vatanparvarlik va insonparvarlik gʻoyasini targʻib qilish;
➡️Burch va sadoqatni namoyon etish;
➡️Vatanparvarlikka sohaviy yondashuv;
➡️Vatanim mening nigohimda;
➡️Yangi Oʻzbekiston fenomeni yoshlar nigohida.

G‘oliblar quyidagi qimmatbaho sovg‘alar bilan taqdirlanadi:

↪️1-oʻringa – Iphone 15 Pro max (56 GB);
↪️2-oʻringa – noutbuk (HP, 8/256GB);
↪️3-oʻringa – planshet (Galaxy Tab S9, 6/128GB).

Videoroliklarga qo‘yiladigan talablar va tanlovning to‘liq nizomi bilan quyidagi havolani bosish orqali batafsil tanishib chiqishingiz mumkin.

➡️Batafsil tanlov nizomi

Videorolik va ishtirokchi haqidagi maʼlumotlar, bog‘lanish uchun telefon raqamlari bilan birgalikda 2024-yilning 26-avgustiga qadar Telegramdagi @salomvatandosh_bot manziliga yuborilishi lozim.

👉 Rasmiy sahifalarimiz: Telegram | YouTube

#tanlov2024 #Abituriyent2024

⚡️Oliy ta’lim muassasalari va ta’lim yo‘nalishlarini tanlash boshlandi

Oliy va professional ta’lim muassasalariga kirish test sinovlarida ishtirok etgan abituriyentlar 2024-yil 27-iyuldan 10-avgustga qadar 15 kun davomida oliy ta’lim muassasalari va ta’lim yo‘nalishlarini tanlashlari lozim.

Buning uchun my.uzbmb.uz platformasining “Oliy va professional ta’lim muassasalariga qabul” bo‘limiga kirib, “Xizmatdan foydalanish” tugmasi bosiladi va “OTM tanlash” bo‘limiga o‘tiladi.

Dastlab abituriyent “Tanlov ustuvorligi” va “Maqsadli qabul” bo‘yicha o‘z tanlovini amalga oshiradi.

Shundan so‘ng abituriyent test topshirgan fanlar majmuasi va ta’lim tiliga mos bo‘lgan beshtagacha oliy ta’lim muassasasi va ta’lim yo‘nalishini ta’lim shakli bilan birga tanlaydi.

Bunda ta’lim yo‘nalishlarini bir oliy ta’lim muassasasi yoki turli oliy ta’lim muassasalari doirasida tanlash mumkin.

Ta’lim yo‘nalishlarini tanlab, “Saqlash” tugmasi bosilgandan so‘ng ma’lumotlarni tasdiqlash uchun abituriyentning telefon raqamiga SMS xabar yuboriladi. SMS xabardagi kodni dasturga kiritish orqali ma’lumotlar tasdiqlanadi.

Ma’lumotlar tasdiqlanganidan so‘ng, “Abituriyent qayd varaqasi” shakllanadi. Qayd varaqada abituriyent tanlagan tanlov ustuvorligi, ta’lim shakllari, oliy ta’lim muassasalari va ta’lim yo‘nalishlari aks etgan bo‘ladi. Yuklab olish tugmasi orqali abituriyent qayd varaqasini yuklab olishi mumkin.

❗️Abituriyentlar ta’lim yo‘nalishlarini tanlash muddati yakunlangunga qadar o‘z ma’lumotlarini o‘zgartirishlari va qayd varaqasini qayta yuklab olishlari mumkin.

Abituriyentlarning talabalikka tavsiya etilgan yoki etilmagani to‘g‘risidagi yakuniy tanlov natijalari ta’lim yo‘nalishlarini tanlash to‘liq yakunlangandan so‘ng bir hafta muddatda e’lon qilinadi.

Bizni kuzating

Facebook | X | YouTube