Bayramona o'tgan yil sarhisobi.

Joriy yilning 12-iyun kuni  viloyat Oliy ta'lim muassasalari orasida ilk marotaba o‘quv yil sarhisobi bo‘yicha viloyat Musiqali drama teatr binosida tadbir tashkil etildi.

Unda Guliston davlat pedagogika instituti jamoasi xususan, institut rektori, prorektorlar, professor-o‘qituvchilar va ularning oila a'zolari, tyutorlar hamda 600 nafardan ortiq talabalar ishtirok etdi.

O‘quv yili davomida o‘zining samarali va sermahsul natijalari bilan namuna ko'rsatgan professor-o‘qituvchilar va hodimlar, a‘lo baholarga o‘qigan, jamoatchilik ishlarida faol ishtirok etgan talaba yoshlar hamkor tashkilotlar hamda partiya faollarining esdalik sovg‘alari bilan taqdirlandilar.

Shuningdek, teatr jamoasi repertuarlaridan joy olgan musiqiy sahna chiqishlari barchaga ko‘tarinki ruh bahshida etdi.

✅ Bizning sahifalarimiz:
Telegram | Instagram | YouTube | Facebook | Website

Psixologik trening o‘tkazildi

Joriy yilning 13-iyun kuni Guliston davlat pedagogika instituti psixologlari S.Xamidova va D.Islamovalar tomonidan 55996-sonli harbiy qismda hamkorlik rejasi asosida yosh askarlarni vatanparvarlik ruhida tarbiyalashda o‘zlarining professional mahorati va psixologik tayyorgarligini yanada mustahkamlash uchun amaliy-uslubiy mashg’ulotlar o’tkazildi.

Mazkur mashg’ulotda “Shaxsning individual-psixologik xususiyatlarini o‘rganishning usul va uslublari” mavzusi doirasida “Shaxsning temperamenti va xarakteri”ga oid ma’lumotlar berildi.

Kichik komondirlar, ofitser va serjantlar shaxshiy tarkibi tomonidan berilgan barcha savollarga to‘laqonli va aniq javoblar berildi.

Ushbu mashg‘ulot yosh askarlarning individual-psixologik xususiyatlarini inobatga olish, shuningdek, ularning temperamenti va xarakterlarini to‘g‘ri namoyon qilish singari muhim ko‘nikmalarni shakllantirishga xizmat qildi.

Bizning sahifalarimiz:
Telegram | Instagram | YouTube | Facebook | Website

Benazir kuy-qo‘shiqlar tarannumi

"Yoshlar oyligi" doirasida viloyatimiz markazida joylashgan yozgi amfiteatr maydonida O‘zbekiston xalq artisti Botir Zokirov nomidagi milliy estrada-simfonik orkestrining konsert dasturi bo‘lib o‘tdi.

O‘ziga xos sanʼat va madaniyat kechasida viloyatimizdagi turli davlat va jamoat tashkilotlari shu jumladan Guliston Davlat Pedagogika institutining dutorchilar jamoasi, institutning faol talaba yoshlari, ularning oila aʼzolari, sanʼat va madaniyat namoyandalari, nuroniylar ishtirok etishdi.

Mohir ijrochilar tomonidan o‘zbek milliy sanʼatining oltin fondidan joy olgan, sharq folklori va zamonaviy estrada sanʼati uyg‘unligidagi benazir kuy-qo‘shiqlar tarannum etishdi.

Bizning sahifalarimiz:
Telegram | Instagram | YouTube | Facebook | Website