Xalqaro miqyosdagi olimlar tomonidan “mahorat darslari” o‘tilmoqda

Avval xabar berganimizdek, Guliston davlat pedagogika institutiga Qozog‘iston Respublikasining Al-Farobiy nomidagi Qozoq milliy universiteti o‘qituvchilari siyosiy fanlari nomzodi, dotsent Primbek Suleimenov va geografiya fanlari nomzodi, katta o‘qituvchi Alim Mylkaidarovlar tashrif buyurishgan.

Siyosiy fanlari nomzodi, dotsent Primbek Suleimenov tomonidan Guliston davlat pedagogika institutining “Fizika va astronomiya”, “Milliy g‘oya, ma’naviyat asoslari va huquq ta’limi” va "Tarix" yo‘nalishi talabalariga “Falsafa ” fani, “Maktabgacha ta’lim” va “Pedagogika va psixologiya” mutaxassisliklari magistrantlariga “Kasbiy ma’naviyat” fanlaridan “mahorat darslari” o‘tilgan bo‘lsa, geografiya fanlari nomzodi, katta o‘qituvchi Alim Mylkaidarov tomonidan esa “Geografiya va iqtisodiy bilim asoslari” ta’lim yo‘nalishi 1 va 2 bosqich talabalriga “Umumiy yer bilimi” hamda “Tabiiy geografiya” fanlaridan dars mashg‘ulotlari olib borildi.

Ma’rifat ulashib

Guliston  davlat pedagogika institutida “Ma’rifat ulashib” loyihasi doirasida ijodiy uchrashuv tashkil qilindi. 

Bugun, joriy yilning 24-aprel kuni  institut Madaniyat saroyida  professor-o‘qituvchilar va talaba-yoshlar ishtirokida  taniqli adiblar  O‘zbekiston yozuvchilar uyushmasi a’zolari Hayot Shodmon va Muhiddin Abdusamadlar  bilan ijodiy uchrashuv tashkil qilindi.

Tadbirda  talaba-yoshlar qalbida adabiyotga mehr-muhabbatni yanada kuchaytirish,  ona Vatanga sadoqat va muhabbat tuyg‘ularini shakllantirish  alohida qayd etib o‘tildi. Shu bilan birga, yoshlarning zamonaviy bilimlarni egallashi, dunyoqarashining kengaytirishda milliy ma’naviyat va mafkuraning ahamiyati yuqori ekanligi qayd etildi.

Talaba-yoshlar tomonidan  sevimli ijodkorlarning eng sara she’rlaridan namunalar o‘qildi  va adiblar ham  yosh iste’dodlarning ijodidan bahramand bo‘lishdi.

Telegram | Instagram | YouTube | Facebook | Website