🗣“Dоlzarb 90 kunlik” tаdbirlari boshlandi.

Мuhtaram Prezidentimiz tashabbusi bilan yoshlar bo‘sh vaqtini mazmunli tashkil etishga qaratilgan “Dolzarb 90 kunlik” dasturi doirasida oliy ta’lim muassasalarida va hududlarda qator amaliy tadbirlar boshlandi.

Jumladan, Guliston davlat pedagogika institutida 1-iyun “Xalqaro bolalarni himoya qilish kuni”ga bagʻishlab “Dunyo bolalar nigohida” shiori ostida madaniy tadbir tashkillashtirildi. Tabiiy fanlar fakulteti tomonidan tashkil etilgan ushbu tadbirda institutga yaqin mahallalarning bolajonlari ishtirok etishdi.

Bolajonlar uchun institut boʻylab sayohat bilan boshlangan tadbir qizgʻin musobaqalar, tanlovlarga ulanib ketdi va ularga sovgʻalar ulashildi. Tadbir bolajonlar va ularning ota-onalarida yorqin taassurot qoldirdi.

➖➖➖➖➖➖➖➖➖➖
🌐Bizning sahifalarimiz:
📱Telegram 📱Instagram
📱Youtube 📱Facebook

🥶💖 2024-yil 29-noyabrdagi 197-sonli bayon asosida mamlakatimizda bo‘lib o‘tadigan 46-Butunjahon shaxmat olimpiadasiga kompleks tayyorgarlik ko‘rish, shuningdek, shaxmatni ommaviy sport turiga aylantirish maqsadida Guliston davlat pedagogika institutida shaxmat musobaqasiga rasmiy start berildi.

Musobaqa davomida eng faol va bilimdon shaxmatchilar saralab olinib, keyingi bosqichlarda ishtirok etish uchun tavsiya etiladi.

➖➖➖➖➖➖➖➖➖➖
🌐Bizning sahifalarimiz:
📱Telegram 📱Instagram
📱Youtube 📱Facebook

🗣📈 Guliston shahridagi Yoshlar texnoparkida “Raqamli tadbirkorlik” mavzusida ikki kunlik amaliy trening boʻlib oʻtdi.

Treningda tanlov asosida saralangan 40 nafar iqtidorli yoshlar, xususan Guliston davlat pedagogika instituti talabalari ham faol ishtirok etdi. Ular o‘z startap loyihalari ustida ishlash, raqamli yechimlar yaratish, zamonaviy biznes yuritish bo‘yicha tajribali mutaxassislar tomonidan amaliy bilimlarga ega bo‘lishdi.

Trening yakunida barcha ishtirokchilarga sertifikatlar topshirildi.

Tadbir UNDP tomonidan o‘tkazildi va yoshlarning innovatsion g‘oya hamda tashabbuslarini real biznesga aylantirishga xizmat qildi.

➖➖➖➖➖➖➖➖➖➖➖
🌐Bizning sahifalarimiz:
📱Telegram 📱Instagram
📱Youtube 📱Facebook

🌎 “Oʻzbekiston boʻylab sayohat qil!”

Oʻzbekiston Respublikasi Vazirlar Mahkamasining 2024-yil 7-oktabrdagi 646-sonli qarori asosida ichki turizmni rivojlantirish, madaniy merosni chuqurroq anglash hamda xodimlar va talabalarning bo‘sh vaqtini mazmunli tashkil etish maqsadida Guliston davlat pedagogika instituti tomonidan tashkillashtirilgan Samarqand shahriga ikki kunlik sayohat qiziqarli taassurotlarga boy tarzda davom etmoqda.

Sayohatda institutda faoliyat yuritayotgan professor-oʻqituvchilar, oʻquv-yordamchi xodimlar hamda faol talabalar ishtirok etmoqda. Ularga qadimiy yodgorliklar, tarixiy obidalar, muqaddas ziyoratgohlar va zamonaviy maskanlar bo‘ylab sayohatlar uyushtirilmoqda.

➖➖➖➖➖➖➖➖➖➖➖
🌐Bizning sahifalarimiz:
📱Telegram 📱Instagram
📱Youtube 📱Facebook

#XalqaroStajirovka
#GDPI #Xitoy 🇺🇿🇨🇳

🥹💖 Xitoyda Guliston davlat pedagogika instituti vakili stajirovka oʻtamoqda.

Avval xabar berganimizdek, Pekin shahrida 2025-yilgi Buyuk ipak yoʻli iqtisodiy kamari mamlakatlari iqtisodiyoti va loyiha boshqaruvi muhokama qilinmoqda.

Xalqaro malaka oshirish kursi doirasida 26-31-may kunlari ishtirokchilar Xitoyning Pekin shahridagi JD.COM va boshqa yetakchi korporatsiyalarida boʻlishdi. Bunda Xitoy Milliy tadqiqot institutida tashkil etilgan malaka oshirish kursida berilayotgan nazariy bilimlar, onlayn savdo platformalarida ilgʻor texnologiyalar va marketing faoliyatini tashkil etish tamoyillari, savdoni raqamlashtirish faoliyatida ilgʻor texnologiyalar va ularni qoʻllash boʻyicha tavsiyalar muhokama etildi.

Mahalliy yetakchi korporatsiyalar va ilmiy tadqiqot instituti professor-oʻqituvchilari tomonidan Xitoyning Oʻzbekiston, Armaniston, Shimoliy Makedoniya Respublikasi, Tailand, Kuba, Iroq kabi davlatlar bilan hamkorlik aloqalari muhokama etilmoqda. Uchrashuvda Sirdaryo viloyati rahbar kadrlari ham bevosita ishtirok etmoqda.

Stajirovka davomida Xitoyning Shenyang Kimyo texnologiyalari instituti vakillari bilan ham norasmiy uchrashuv tashkil etildi. Uchrashuvda professor-oʻqituvchilar almashinuvini yoʻlga qoʻyish, Guliston davlat pedagogika institutida xitoy tili markazini tashkil etish, axborot texnologiyalari va sunʼiy intellekt yoʻnalishida hamkorlik qilishga kelishib olindi.

➖➖➖➖➖➖➖➖➖➖
🌐Bizning sahifalarimiz:
📱Telegram 📱Instagram
📱Youtube 📱Facebook