📚 Guliston davlat pedagogika instituti Ta’lim-tarbiya nazariyasi va metodikasi (boshlang‘ich ta’lim) yo‘nalishi 1-kurs magistranti Ashurova Zilola tomonidan “Boshlang‘ich sinf matematika darslarida interfaol metodlarni qo‘llash” mavzusida ilmiy-tadqiqot ishlari olib borilmoqda.

✏️ Tadqiqot ishlari Xovos tumani 30-ixtisoslashtirilgan davlat umumta’lim maktabida 3-sinf o‘quvchilari ishtirokida amalga oshirilmoqda. Ushbu jarayonda dars mashg‘ulotlarida interfaol metodlardan samarali foydalanish, o‘quvchilarda mustaqil fikrlash, mantiqiy tafakkurni rivojlantirish va fanlarga bo‘lgan qiziqishni oshirishga alohida e’tibor qaratilmoqda.

💬Bizning sahifalarimiz:
✅Telegram ✅Instagram
✅Youtube ✅Facebook

🗣Guliston davlat pedagogika instituti Pedagogika kafedrasi mudiri, dotsent Y.A.Nurumbekova 2025-yil 15-aprel kuni Mirzaobod tumani 31-sonli umumtaʼlim maktabiga tashrif buyurdi.

✅ Mazkur tashrif davomida bir nechta dars mashgʻulotlari tahlil qilindi. Shuningdek, oʻqituvchilar bilan suhbatlashib, ularning ish faoliyati, dars oʻtish metodikasi va oʻquvchilarni baholash tizimi bilan qiziqishdi.

🟢 “Zamonaviy taʼlim texnologiyalari va ularning taʼlim sifat va samaradorligini oshirishdagi oʻrni" mavzusida seminar mashgʻuloti tashkil etildi. Seminarda oʻqituvchilarga interaktiv usullar, loyihalar asosida oʻqitish, muammoli taʼlim, tanqidiy fikrlashni rivojlantirish kabi zamonaviy pedagogik texnologiyalar haqida maʼlumotlar berildi.

💬Bizning sahifalarimiz:
✅Telegram ✅Instagram
✅Youtube ✅Facebook

♟ Sirdaryo viloyatidagi oliy ta’lim muassasalarining hududni ijtimoiy-iqtisodiy rivojlantirishdagi faoliyatini takomillashtirish yuzasidan Guliston davlat pedagogika instituti tomonidan “Imkoniyati cheklangan bolalar o‘rtasida shaxmat sport turini ommalashtirish” bo‘yicha, ko‘zi ojizlar o‘rtasida shaxmat musobaqasi oʻtkazildi.

😀 Sirdaryo viloyati 11-sonli “Nurli maskan” ixtisoslashtirilgan maktab-internatida ko‘zi ojiz bolalar o‘rtasida shaxmat musobaqasi o‘tkazildi. Tadbirda Guliston DPI Yoshlar akademiyasi faollari, jumladan Tabiiy fanlar fakulteti lideri ham faol ishtirok etib, o‘quvchilarga motivatsion ruh va do‘stona muhit yaratishda munosib hissa qo‘shishdi.

🟡 O‘quvchilar musobaqada katta ishtiyoq va qiziqish bilan qatnashib, o‘zlarining intellektual salohiyati, strategik fikrlash va sabr-toqatga asoslangan qobiliyatlarini namoyon etdilar.

💬Bizning sahifalarimiz:
✅Telegram ✅Instagram
✅Youtube ✅Facebook