🇺🇿 Guliston davlat pedagogika instituti Jismoniy madaniyat yo‘nalishi talabalari dars jarayonlarida milliy liboslarda ishtirok etmoqda.

💠 Bu kabi tashabbuslar yoshlarda milliy o‘zlikni anglash, qadriyat va an’analarga hurmat bilan qarash, o‘z madaniyatiga mehr uyg‘otishda muhim ahamiyat kasb etadi.

🔸 Institutda milliy ruhni mustahkamlash, yoshlarda vatanparvarlik va tarixiy merosga sadoqat tuyg‘ularini shakllantirishga qaratilgan ishlarga alohida e’tibor qaratilmoqda.

💬Bizning sahifalarimiz:
✅Telegram ✅Instagram
✅Youtube ✅Facebook

🧬 Guliston davlat pedagogika institutida ilmiy salohiyatli kadrlar tayyorlash yo‘lida izchil ishlar olib borilmoqda.

🔬 Institutning Tabiiy fanlar kafedrasi mudiri O.Yunusov tomonidan 8-24-guruh magistrantlari uchun “Immunogenetika” fanidan amaliy mashg‘ulot tashkil etildi.

😀Tajriba maydonida o‘tkazilgan dars jarayonida magistrantlar fanga oid nazariy bilimlarini amaliyot bilan mustahkamlashdi, shuningdek, zamonaviy ilmiy yondashuvlar asosida ishlash ko‘nikmalarini rivojlantirish imkoniyatiga ega bo‘lishdi.

✅ Bunday mashg‘ulotlar magistrantlarning ilmiy izlanish va tajriba o‘tkazish ko‘nikmalarini shakllantirishda muhim ahamiyat kasb etadi.

💬Bizning sahifalarimiz:
✅Telegram ✅Instagram
✅Youtube ✅Facebook

✅“WORLD EDU 2025” xalqaro ta’lim forumi doirasida yangi hamkorlik yo‘lga qo‘yildi.

😀 Samarqand shahrida o‘tayotgan “WORLD EDU 2025” xalqaro ko‘rgazmasi doirasida Guliston davlat pedagogika instituti vakillari kimyo fanini zamonaviy texnologiyalar yordamida o‘qitish bo‘yicha ilg‘or tajribalar bilan yaqindan tanishishdi.

🔬 Jumladan, kimyo fanini interaktiv multimedia vositalari hamda virtual reallik asosida o‘rgatuvchi innovatsion dasturlar taqdimoti bilan tanishildi. Mazkur yo‘nalishda istiqbolli hamkorlikni yo‘lga qo‘yish bo‘yicha kelishuvlarga erishildi.

✔️ Forum o‘z yakuniga yetdi. Unda erishilgan kelishuvlar va yo‘lga qo‘yilgan hamkorlik aloqalari ta’lim sohasida yangi imkoniyatlarni ochmoqda.

💬Bizning sahifalarimiz:
✅Telegram ✅Instagram
✅Youtube ✅Facebook

🏆Faxrli natija: talabamiz O‘zbekiston chempionatida g‘oliblikni qo‘lga kiritdi!

🗣2025-yil 8–13-aprel kunlari Andijon shahrida o‘tkazilgan qo‘l jangi sport turi bo‘yicha O‘zbekiston chempionatida Guliston davlat pedagogika instituti Jismoniy madaniyat yoʻnalishi talabasi Yuldashev T. 67 kg vazn toifasida ishtirok etib, faxrli I-o‘rinni egalladi.

🔥 Yoshlar va o‘smirlar o‘rtasida o‘tgan nufuzli musobaqada talabaning bunday yutuqqa erishgani — institutda jismoniy tarbiya va sport sohasiga berilayotgan e’tibor natijasidir.

🏆 Institut jamoasi nomidan talabamizni samimiy muborakbod etamiz va kelgusi musobaqalarda ham omad tilaymiz!

💬Bizning sahifalarimiz:
✅Telegram ✅Instagram
✅Youtube ✅Facebook

🔹“Ma’rifat soati” darslari davom etmoqda

🗣Guliston davlat pedagogika institutida talabalarning ma’naviy-ma’rifiy savodxonligini oshirish, ularni ijtimoiy hayotga faol jalb etish maqsadida “Ma’rifat soati” darslari uzluksiz ravishda tashkil etib kelinmoqda.

◀️Navbatdagi dars mashg‘uloti Guliston davlat pedagogika instituti O‘zbek tili va tillarni o‘qitish kafedrasi professori, filologiya fanlari doktori E.Nasrullayev tomonidan olib borildi. Dars davomida yoshlarga bugungi kunda yaratilayotgan keng imkoniyatlar, ularni to‘g‘ri baholash va samarali foydalanish zarurligi haqida so‘z yuritildi. Shuningdek, talabalar bilan ochiq muloqot tashkil etilib, ularni qiziqtirgan savollarga javoblar berildi.

✅ Ushbu darslar orqali talabalarda ijtimoiy faollik, fikrlash kengligi va intellektual salohiyatni mustahkamlashga alohida e’tibor qaratilmoqda.

💬Bizning sahifalarimiz:
✅Telegram ✅Instagram
✅Youtube ✅Facebook

🗣 2025-yil 13-aprel kuni O‘zbekiston davlat konservatoriyasida bo‘lib o‘tgan “AD LIBITUM” Xalqaro ko‘rik-tanlovida Guliston davlat pedagogika instituti “Musiqa ta’limi” yo‘nalishi talabalari munosib ishtirok etib, yuksak natijalarga erishdilar.

☄️Xor ijrochiligi yo‘nalishida institut jamoasi o‘zining badiiy saviyasi yuqori chiqishlari bilan “Grand Pri” mukofotiga loyiq deb topildi.

🏆Vokal ijrochiligi yo‘nalishida esa talabalardan:
S. Eshmurodova, N. Abduvahobova, N. A’zamova – faxrli II o‘rinni,
G. Raxmatova esa – III o‘rinni egalladi.

🎼 Tanlov davomida yosh iste’dod egalari milliy kuy-qo‘shiqlar hamda zamonaviy asarlarni mahorat bilan ijro etib, hakamlar hay’ati va tomoshabinlar tomonidan katta e’tirofga sazovor bo‘lishdi.

➡️Mazkur muvaffaqiyat – nafaqat talabalarning ijodiy salohiyati, balki ularni tayyorlagan ustozlarning mehnati va institutda yaratilgan ijodiy muhit samarasi bo‘lib, ta’lim muassasamizda musiqiy ta’limning yuksak saviyada olib borilayotganini yaqqol namoyon etdi.

💬Bizning sahifalarimiz:
✅Telegram ✅Instagram
✅Youtube ✅Facebook