🗣Guliston davlat pedagogika institutida ingliz tili fani bo‘yicha malakali professor-o‘qituvchilar tomonidan maktab ingliz tili o‘qituvchilari uchun navbatdagi seminar-trening mashg‘uloti tashkil etildi.

🔺 Tadbirda Toshkentdagi Adju universiteti professori Arshad hamda Guliston davlat pedagogika instituti professor-o‘qituvchisi Xilola Mamatova ishtirok etib, zamonaviy ta’lim metodikasi, innovatsion yondashuvlar va ingliz tilini o‘qitish jarayonidagi ilg‘or tajribalar yuzasidan amaliy tavsiyalar berdilar.

🖥 Seminar-trening Zoom platformasi orqali onlayn hamda institutda oflayn tarzda olib borildi. Yaqin hududlardagi maktab o‘qituvchilari bevosita institutga tashrif buyurgan bo‘lsa, uzoq masofadagi pedagoglar onlayn shaklda ishtirok etdilar.

✅ Ushbu mashg‘ulot orqali ishtirokchilarga dars jarayonini samarali tashkil etish, o‘quvchilarda til ko‘nikmalarini shakllantirish bo‘yicha foydali ko‘nikmalar va tajribalar yetkazildi.

✅ Bunday treninglar o‘qituvchilarda ijobiy taassurot qoldirib, ularning bilim va ko‘nikmalarini oshirishga xizmat qilmoqda. Natijada ushbu tajribalar umumta’lim maktablarida dars jarayoniga tatbiq etilmoqda va o‘quvchilar bilim olishida ham samarali natijalar ko‘rsatmoqda.

💬Bizning sahifalarimiz:
✅Telegram ✅Instagram
✅Youtube ✅Facebook