🗣Guliston davlat pedagogika institutida “Balli qizlar” koʻrik-tanlovi bo'lib oʻtdi.

➡️Joriy yilning 5-aprel kuni institutda Maktabgacha taʼlim yo'nalishi talabalari oʻrtasida “Balli qizlar” koʻrik-tanlovi boʻlib oʻtdi. Tadbirda qizlar oʻzlarining iqtidori, zukkoligi va kreativligini namoyish etishdi.

☑️Tanlov quyidagi shartlar asosida oʻkazildi:
1. Guruhni tanishtirish: Ishtirokchilar oʻz guruhlarini kreativ tarzda taqdim etdilar.
2. Erkin mavzu: Qizlar oʻzlari tanlagan mavzularda chiqishlar qilishdi.
3. Sahna koʻrinishi: Qiziqarli sahna koʻrinishlari va lavhalar namoyish etildi.
4. Bahoriy salat: Ishtirokchilar oʻzlarining oshpazlik mahoratini namoyish etib, bahoriy salatlar tayyorladilar.

🎙Tadbir soʻngida faol ishtirok etgan qizlar faxriy yorliq va esdalik sovgʻalari bilan taqdirlandilar.

💬Bizning sahifalarimiz:
✅Telegram ✅Instagram
✅Youtube ✅Facebook

✅Boshlangʻich taʼlim yoʻnalishi talabalari tomonidan “Savodxonlik” bayrami oʻtkazildi.

🗣Guliston davlat pedagogika instituti Boshlangʻich taʼlim yoʻnalishi talabalari tomonidan “Savodxonlik” bayrami koʻtarinki ruhda tashkil etildi. Ushbu tadbirda Maktabgacha va Boshlangʻich taʼlim kafedrasi professor-oʻqituvchilari ham ishtirok etishdi.

➡️Bayramning asosiy maqsadi boʻlajak boshlangʻich sinf oʻqituvchilarining ota-onalar va oʻquvchilar bilan hamkorlikda ishlash koʻnikmalarini rivojlantirish, shuningdek, talabalarning olgan bilimlarini amaliyotda qoʻllash qobiliyatlarini sinovdan oʻtkazishdan iborat boʻldi.

✅ Tadbir davomida talabalar tomonidan tayyorlangan qiziqarli chiqishlar, sahna koʻrinishlari barcha ishtirokchilarga ajoyib kayfiyat ulashdi. “Savodxonlik” bayrami boʻlgʻusi oʻqituvchilar uchun oʻzaro tajriba almashish va kasbiy mahoratini oshirish uchun qulay imkoniyat yaratdi.

💬Bizning sahifalarimiz:
✅Telegram ✅Instagram
✅Youtube ✅Facebook

🗣Guliston davlat pedagogika instituti Tabiiy fanlar kafedrasi tomonidan institut talabalariga kimyo laboratoriyasi boʻyicha amaliy mashgʻulotlar namoyish etildi.

🟡 Juda ham qiziqarli va sermazmun o‘tgan ushbu amaliy mashg‘ulotlar davomida talabalar nazariy bilimlarini amaliyotda mustahkamlash imkoniga ega bo‘lishdi. Tajribalar orqali o‘zlashtirilgan bilimlar yanada chuqurlashtirildi, tahliliy fikrlash ko‘nikmalari rivojlandi.

✅ Mashg‘ulotlar talabalarda ilmiy qiziqish uyg‘otdi hamda ularning kasbiy tayyorgarligini yanada oshirishga xizmat qildi.

💬Bizning sahifalarimiz:
✅Telegram ✅Instagram
✅Youtube ✅Facebook

🔹“Ma’rifat soati” darslari davom etmoqda

🗣Guliston davlat pedagogika institutida talabalarning ma’naviy-ma’rifiy savodxonligini oshirish, ularni ijtimoiy hayotga faol jalb etish maqsadida “Ma’rifat soati” darslari uzluksiz ravishda tashkil etib kelinmoqda.

◀️Navbatdagi dars mashg‘uloti institut Ilmiy ishlar va innovatsiyalar bo‘yicha prorektori, professor N.Ayaqulov tomonidan olib borildi. Dars davomida yoshlarga bugungi kunda yaratilayotgan keng imkoniyatlar, ularni to‘g‘ri baholash va samarali foydalanish zarurligi haqida so‘z yuritildi. Shuningdek, talabalar bilan ochiq muloqot tashkil etilib, ularni qiziqtirgan savollarga javoblar berildi.

✅ Ushbu darslar orqali talabalarda ijtimoiy faollik, fikrlash kengligi va intellektual salohiyatni mustahkamlashga alohida e’tibor qaratilmoqda.

💬Bizning sahifalarimiz:
✅Telegram ✅Instagram
✅Youtube ✅Facebook