📌 Guliston davlat pedagogika institutida talaba-yoshlar uchun “Korrupsiyaga oid huquqbuzarliklarga qarshi kurashish, ularga imkon beruvchi sabab va shart-sharoitlarni bartaraf etish” mavzusida profilaktik tadbir oʻtkazildi.

🗣 Tadbirda Jinoyat ishlari boʻyicha Guliston shahar sudining tergov sudyasi Sh.Begmatov hamda Fuqarolik ishlari bo‘yicha Guliston tumanlararo sudining sudyasi A.Yoriyev ishtirok etib, ushbu mavzulardagi xavf-xatarlar, ularning oqibatlari va oldini olish choralari haqida batafsil tushunchalar berishdi.

✔️Suhbat davomida yoshlarning huquqiy bilimlarini oshirish zarurligi, ularga kiberjinoyatlar va har xil yot gʻoyalar taʼsiriga tushib qolmaslik boʻyicha tushunchalar berildi. Talabalar o‘zlarini qiziqtirgan savollariga javob olishdi.

💬Bizning sahifalarimiz:
✅Telegram ✅Instagram
✅Youtube ✅Facebook

🗣Guliston davlat pedagogika institutida 1-aprel — “Xalqaro qushlar kuni” munosabati bilan joriy yilning 29-mart sanasida tadbir tashkil etildi.

🌏 Ushbu kun butun dunyo bo’ylab nishonlanishini e’tiborga olib qushlar, ularning ekosistemadagi oʻrni haqida turli davra suhbatlari va tadbirlar tashkil etildi.

↪️Mazkur tadbirlarni o‘tkazishdan maqsad: yo‘qolib ketish arafasida turgan, xalqaro “Qizil kitob”ga kiritilgan noyob qushlar haqida tushunchalar berish, ularni muhofaza qilish, faqat bir mamlakatda emas balki butun dunyo bo‘ylab alohida qarorlar qabul qilish zarurligini yetkazishdan iborat. Mamlakatimiz ornitologlari tomonidan qushlar bilan bogʻliq muammolarni yoritish hamda ularni saqlashga oid masalalarni oʻrganish va ilmiy-tadqiqotlar olib borish muhim ahamiyatga ega.

💬Bizning sahifalarimiz:
✅Telegram ✅Instagram
✅Youtube ✅Facebook

🗣Ijtimoiy-gumanitar fanlar fakulteti dekani B.Abdullayev fakultet 1-bosqich talabalari bilan “Oliy taʼlimda grantlar: yangi tartib va imkoniyatlar” mavzusida uchrashuv o’tkazdi.

▶️Soʻnggi yillarda oliy taʼlim tizimida taʼlim sifatini oshirishga qaratilayotgan islohotlar oʻz samarasini berib kelmoqda. Bu jarayonda davlat tomonidan taʼlim sohasiga berilgan eʼtibor, xususan, davlat grantlarini taqsimlashdagi zamonaviy yondoshuvlarning joriy etilishi muhim ahamiyat kasb etmoqda. Ayniqsa, Vazirlar Mahkamasining 2025-yil 10-martda qabul qilingan 149-sonli qarori oliy taʼlim tizimini yanada takomillashtirish, grantlarni adolatli va samarali taqsimlash hamda yoshlarga teng imkoniyatlar yaratishda muhim huquqiy asos boʻlib xizmat qiladi.

☑️Bu islohotlar yurtimizda yoshlarning oliy taʼlim olish imkoniyatlarini kengaytirish, tenglikni taʼminlash va kelajak avlodning bilimli va malakali kadrlar boʻlib yetishishiga xizmat qiladi. Uchrashuv davomida talabalar oʻzlarini qiziqtirgan savollarga javob oldilar.

💬Bizning sahifalarimiz:
✅Telegram ✅Instagram
✅Youtube ✅Facebook

📚 Kitob – eng bebaho sovg‘a!

📖 Guliston davlat pedagogika instituti jamoasi ezgu tashabbus – kitob ulashish an’anasini davom ettirmoqda. Ijtimoiy-gumanitar fanlar fakulteti dekani Abdullayev Baxtiyor Abduraxmanovich ushbu tashabbusga o‘z hissasini qo‘shib, Guliston shahar 15-maktab o‘quvchilariga kitoblar sovg‘a qildi.

📌 Ushbu ezgu ish yoshlarning kitobga bo‘lgan mehrini oshirish, ularning ilm-ma’rifatga bo‘lgan qiziqishini yanada kuchaytirishga xizmat qiladi.

📖 Har bir kitob – bu yangi bilim va imkoniyat eshigi. Ushbu xayrli tashabbus davom etmoqda va yosh avlod uchun yanada ko‘proq ilm manbai yetkazilmoqda.

💬Bizning sahifalarimiz:
✅Telegram ✅Instagram
✅Youtube ✅Facebook