🗣Huquqbuzarlikni oldini olishga qaratilgan profilaktik tadbir o‘tkazildi.

🛡 Oliy ta’lim, fan va innovatsiyalar hamda Ichki ishlar vazirliklarining 2025-yil 8-martdagi “Ichki ishlar organlari hududiy bo‘limlari rahbarlarini oliy ta’lim tashkilotlariga biriktirish hamda huquqbuzarliklar profilaktikasini tashkil etish to‘g‘risida”gi qo‘shma qarorida belgilangan vazifalar ijrosini ta’minlash maqsadida bugun Guliston davlat pedagogika institutida “Rahbar va yoshlar uchrashuvi” tashkil etildi.

🔺Guliston davlat pedagogika instituti rektori J.Karshibayev, Sirdaryo viloyati IIB boshlig‘ining birinchi o‘rinbosari — Tezkor-qidiruv xizmati boshligʻi podpolkovnik F.O‘ktamjonov ishtirokida institut rahbariyati va talaba-yoshlari bilan uchrashuv o‘tkazildi.

✔️ Uchrashuvda talaba yoshlarni terrorizm, radikalizm, psixotrop va giyohvand moddalar ta’siridan saqlash, kiberxavfsizlik bo‘yicha ma’lumotlar berildi. Uchrashuv davomida talabalar o‘zlarini qiziqtirgan savollarga javob olishdi.

💬Bizning sahifalarimiz:
✅Telegram ✅Instagram
✅Youtube ✅Facebook

📖Guliston davlat pedagogika institutida kitobxonlik targ‘iboti bo‘yicha suhbat tashkil etildi.

🗣 27-mart kuni Guliston davlat pedagogika institutida talabalar orasida kitobxonlik madaniyatini oshirish va ilmga bo‘lgan qiziqishni yanada kuchaytirish maqsadida suhbat tashkil etildi.

📚 Suhbat davomida kitobning inson ma’naviyati va tafakkurini shakllantirishdagi o‘rni, mustaqil fikrlash va ijodiy qobiliyatni rivojlantirishga ta’siri haqida fikr almashildi. Talabalar o‘zlarining sevimli asarlari haqida so‘z yuritib, kitob mutolaasi orqali erishgan natijalari bilan bo‘lishishdi.

💬Bizning sahifalarimiz:
✅Telegram ✅Instagram
✅Youtube ✅Facebook

➡️Guliston shahridagi eng yaxshi huquq fani oʻqituvchilari aniqlandi.

🗣Adliya vazirligi hamda Maktabgacha va maktab ta’limi vazirligining qo‘shma qaroriga asosan umumiy o‘rta ta’lim maktablarining “Davlat va huquq asoslari” fani o‘qituvchilari o‘rtasida “Eng yaxshi huquq o‘qituvchisi” tanlovini o‘tkazish belgilangan.

✅ Tanlov maktablarda yuqori malakali huquq fani o‘qituvchilarini aniqlash va rag‘batlantirish maqsadini ko‘zlaydi. Guliston shahar adliya bo‘limi hamda Maktabgacha va maktab ta’limi bo‘limi hamkorligida mazkur tanlovning 1-bosqichi yuqori saviyada tashkil qilindi.

➡️Savol-javob hamda taqdimot mavzuda kechgan bahslarda fan o‘qituvchilarining huquqiy bilimlari sinovdan o‘tkazilib, g‘oliblar aniqlandi.

Yakuniy natijalarga koʻra: ◀️II oʻrinni 1-maktab oʻqituvchisi GulDPI Ijtimoiy-gumanitar fanlarni oʻqitish metodikasi (huquq taʼlimi) mutaxassisligi magistri M.Abdusalomova.

◀️III oʻrinni 11-maktab o’qituvchisi, GulDPI Milliy gʻoya, maʼnaviyat asoslari va huquq taʼlimi yoʻnalishi talabasi Nodirbek G‘oyibnazarov egalladi.

💬Bizning sahifalarimiz:
✅Telegram ✅Instagram
✅Youtube ✅Facebook

🏆 Guliston davlat pedagogika institutida “Besh tashabbus olimpiadasi” o‘tkazildi

🗣2025-yil 27-mart kuni Guliston davlat pedagogika instituti talabalari o‘rtasida ularning bo‘sh vaqtlarini mazmunli tashkil etish maqsadida “Besh tashabbus olimpiadasi” bo‘lib o‘tdi.

🏀 Olimpiada doirasida mini-futbol, stol tennisi, voleybol, yengil atletika va stritbol sport turlari bo‘yicha ommaviy musobaqalar tashkil etildi. Talabalar bellashuvlarda yuqori faollik ko‘rsatib, sportga bo‘lgan qiziqishlari va jismoniy tayyorgarliklarini namoyon etishdi.

💬Bizning sahifalarimiz:
✅Telegram ✅Instagram
✅Youtube ✅Facebook