🧾Avval xabar berganimizdek, davlatimiz rahbarining tashabbusi bilan mamlakatimizda xotin-qizlarni har tomonlama qo‘llab-quvvatlash, ularning ijtimoiy-iqtisodiy va siyosiy faolliklarini oshirish, ilmiy faoliyatga keng jalb qilish, bandligini ta’minlash, tadbirkorlikka keng jalb etish borasida keng ko‘lamli islohotlar amalga oshirilmoqda.

📌 BMT Bosh Assambleyasining 2015-yil 27-dekabrdagi 70-sessiyasida 11-fevral – “Ilm-fan sohasidagi ayollar va qizlar xalqaro kuni” sifatida rasman e’lon qilingan bo‘lib, 2016-yildan boshlab mazkur sana dunyoning ko‘plab davlatlarida keng nishonlanib kelinmoqda.

🔜Bugun “Olima ayollarning ta’lim va fandagi yutuqlari” mavzusida ilmiy seminarda olima professor-o‘qituvchilar, magistr va doktorantlar, mustaqil tadqiqotchilar ishtirok etishdi hamda o‘zlarining ilmiy tadqiqot mavzulari bo‘yicha ma’ruza qildilar. Seminar qizg‘in muzokaralarga boy bo‘ldi.

💬Bizning sahifalarimiz:
🔹Telegram 🔹Instagram
🔹Youtube 🔹Facebook

🗣“Uch avlod uchrashuvi” o‘tkazildi.

📌Guliston davlat pedagogika institutida yoshlarni vatanparvarlik va ona yurtga muhabbat, milliy qadriyat va an’analarimizga hurmat, shonli tariximizni chuqur bilish ruhida tarbiyalash maqsadida turli tizim tashkilotlarida mehnat qilayotgan faxriylar va talabalar o‘rtasida “Uch avlod uchrashuvi” tashkillashtirildi.

◀️Tadbirda Vatanimiz mustaqilligini mustahkamlash, uning jahon miqyosidagi shon-shuhratini yuksaltirish, islohotlarni yanada chuqurlashtirish yoʻlida fidokorona mehnat qilib kelgan, ma’naviyatimizni tiklash, o‘zligimizni anglash va yosh avlodni vatanparvarlik, xalqparvarlik, mehnatsevarlik ruhida tarbiyalashga katta hissa qo‘shib kelayotgan O‘zbekistan Qahramoni Mirzaahmad Shoimov, O‘zbekiston Jurnalistlar uyushmasi a’zosi, I darajali “Mehnat faxriysi” ko‘krak nishoni sohibi Munavvar Pardayev, shoira Bahoroy Xolbekova, O‘zbekistonda xizmat ko‘rsatgan artist, “Do‘stlik” ordeni sohibi Sharif Jumayev va faxriy pedagog “Do‘stlik” ordeni sohibi Haydarali Qilichevlar ishtirok etdilar. Ular talaba-yoshlarga o‘z hayot yo‘llari va faoliyatlari haqida so‘zlab, qimmatli maslahatlarini berdilar.

💬Bizning sahifalarimiz:
🔹Telegram 🔹Instagram
🔹Youtube 🔹Facebook

🗣Buyuk shoir, sarkarda va davlat arbobi Zahiriddin Muhammad Bobur tavalludining 542 yilligiga bag‘ishlangan teleko‘rsatuvda Guliston davlat pedagogika instituti O‘zbek tili va tillarni o‘qitish kafedrasi o‘qituvchisi Ubaydullayeva Rayhon Abdujalil qizi ishtirok etdi.

➡️Ushbu ko‘rsatuvda Boburning boy adabiy merosi, uning “Boburnoma” asarining tarixiy ahamiyati hamda shoirning o‘zbek adabiyoti va madaniyatiga qo‘shgan ulkan hissasi haqida so‘z bordi. Rayhon Ubaydullayeva Zahiriddin Muhammad Bobur g‘azallarining badiiy va falsafiy jihatlarini tahlil qilib, uning ijodi bugungi yosh avlod uchun naqadar muhim ekanini ta’kidladi.

🖌Zahiriddin Muhammad Bobur nomi asrlar osha yashaydi, uning ijodi esa har birimiz uchun bebaho merosdir!

💬Bizning sahifalarimiz:
🔹Telegram 🔹Instagram
🔹Youtube 🔹Facebook