Guliston davlat pedagogika instituti rasmiy telegram kanali.
Kanal Guliston davlat pedagogika instituti rektorining axborot siyosati boʻyicha maslahatchisi – matbuot kotibi @Nozimjon_Muydinov tomonidan yuritiladi.
🗣Guliston davlat pedagogika instituti Tabiiy fanlar fakulteti Jismoniy madaniyat yo‘nalishi 1-bosqich talabasi Nodirqulova Malika 2025-yil 11-17-may kunlari Toshkent shahrida shashka sport turi bo‘yicha bo‘lib o‘tgan “Jahon kubogi” musobaqasida 1-o‘rinni qo’lga kiritdi.
🥸 Mazkur yutuq institutimiz talabasining sport sohasidagi salohiyati va intiluvchanligining amaldagi isboti bo‘lib, yoshlarga bo‘lgan e’tibor samarasidir.
🏆Talabamizni gʻalaba bilan qutlab, unga kelgusidagi faoliyatida muvaffaqiyatlar tilab qolamiz.
“Talabalar festivali” – millionlab yoshlarni birlashtirayotgan yirik tashabbus
Joriy yil 1-maydan 25-maygacha bo‘lib o‘tayotgan “Talabalar festivali” butun O‘zbekiston bo‘ylab millionlab yoshlarni qamrab olib, ularni bir maqsad yo‘lida birlashtirishga xizmat qilmoqda.
Mazkur festival Yoshlar ishlari agentligi hamda Oliy ta’lim, fan va innovatsiyalar vazirligi tashabbusi bilan tashkil etilgan bo‘lib, u doirasida yoshlar uchun ko‘plab imkoniyatlarga boy loyihalar, tanlovlar va interaktiv tadbirlar amalga oshirilmoqda.
Festivalning asosiy maqsadi — yoshlarni faollikka chorlash, ularning tashabbuskorligini rag‘batlantirish va o‘z salohiyatini to‘liq ro‘yobga chiqarishiga ko‘maklashishdan iborat.
“Talabalar festivali” – bu faqat tadbirlar majmuasi emas, balki yoshlar hayotida muhim burilish yasashi mumkin bo‘lgan imkoniyatlar maydonidir. Unda faol ishtirok eting, o‘z iste’dodingiz va tashabbuslaringizni namoyon eting!
🔗Festivalda ishtirok etish va ro‘yxatdan o‘tish uchun: @yoshtanlovibot
🗣2025-yil 17-may kuni Guliston davlat pedagogika institutida Oliy ta’lim tashkilotlarining talaba-yoshlari o‘rtasida korrupsiyaga qarshi kurashishga qaratilgan “Eng yaxshi esselar” respublika tanlovining institut bosqichi o‘tkazildi.
😉 Hakamlar hay’atining qarorga ko‘ra:
🥇1-o‘rin: Ijtimoiy-gumanitar fanlar fakulteti 24-23-guruh talabasi Shaxobiddinova Marjona (100 ball) 🥈2-o‘rin: Pedagogika fakulteti 21-24-guruh talabasi Ixtiyorova Rayxona (96 ball) 🥉3-o‘rin: Ijtimoiy-gumanitar fanlar fakulteti 40-23-guruh talabasi Burxonova Ziyoda munosib deb topildilar (88 ball).
🗣2025-yilning 17-may kuni Pokiston Islom Respublikasi Quaid-i-Azam Universitetining taniqli professori Muhammad Zafar Guliston davlat pedagogika institutiga tashrif buyurdi.
🙂 Mazkur tashrif ikki oliy ta’lim muassasalari o‘rtasidagi ilmiy-akademik hamkorlikni mustahkamlash, o‘zaro tajriba almashish va qo‘shma ilmiy loyihalarni amalga oshirish maqsadida tashkil etildi.
🥰 Tashrif davomida professor Muhammad Zafar institut rahbariyati, yetakchi professor-o‘qituvchilari hamda talaba-yoshlar bilan uchrashuvlar o‘tkazdi. Unda zamonaviy ta’lim usullari, ilmiy-tadqiqot faoliyati va professor-o‘qituvchilar malakasini oshirish bo‘yicha o‘zaro hamkorlik yo‘nalishlari muhokama qilindi.
😇Shuningdek, tomonlar o‘rtasida: 😌professor-o‘qituvchilar va talabalar almashinuvi dasturlarini yo‘lga qo‘yish; 😌qo‘shma seminar va konferensiyalar tashkil etish; 😌ilmiy maqolalar va darsliklar tayyorlashda hamkorlik qilish; bo‘yicha kelishuvga erishildi.
😦 Mazkur tashrif ikki davlat oliy ta’lim muassasalari o‘rtasidagi do‘stona aloqalarning yangi bosqichga ko‘tarilishiga zamin yaratdi.
🙂Guliston davlat pedagogika instituti O‘zbek tili va tillarni o‘qitish kafedrasi dotsenti D.Jabborova tomonidan Sirdaryo viloyati pedagogik mahorat markazida rus tili va adabiyoti fani o‘qituvchilari uchun mahorat darslari o‘tkazildi.
🥸 Mazkur tashabbus doirasida umumta’lim maktablarida faoliyat yuritayotgan rus tili va adabiyoti ustozlariga zamonaviy pedagogik texnologiyalar, innovatsion yondashuvlar va fanlararo integratsiya asosida dars samaradorligini oshirishga doir amaliy bilimlar berilmoqda.
Guliston davlat pedagogika instituti Boshlangʻich tashkiloti hamda talabalar turarjoyi talabalari tomonidan yillik “Ittifoq hisoboti” konsert dasturi tashkil etildi.
