🏆 Guliston davlat pedagogika institutida professor-o‘qituvchilar va xodimlar o‘rtasida an’anaviy tarzda o‘tkazilayotgan mini-futbol bo‘yicha “Rektor kubogi” musobaqalari davom etmoqda.

🎯Guruh bosqichi yakunlariga ko‘ra, Tabiiy fanlar fakulteti, Oʻquv-uslubiy boshqarma, Ijtimoiy fanlar fakulteti va Hisobxona boʻlimi jamoalari yuqori o‘rinlarni egallab, yarim final yo‘llanmasini qo‘lga kiritishdi.

🤝 Musobaqalar jarayoni institut jamoalari o‘rtasida sog‘lom raqobat va do‘stona muhitda o‘tmoqda. Har bir uchrashuv ishtirokchilarda sportga bo‘lgan mehrni oshirib, jismoniy faollikni rag‘batlantirmoqda.

💬Bizning sahifalarimiz:
✅Telegram ✅Instagram
✅Youtube ✅Facebook

➡️“Amir Temur buyuk sarkarda va davlat arbobi” mavzusida ma’naviy-ma’rifiy tadbir bo‘lib o‘tdi.

🗣Sirdaryo viloyat pedagogik mahorat markazida Sohibqiron Amir Temur tavalludining 689 yilligi munosabati bilan “Amir Temur buyuk sarkarda va davlat arbobi” mavzusida ma’naviy-ma’rifiy tadbir bo‘lib o‘tdi.

📌 Tadbirda institutning “Milliy gʻoya va falsafa” kafedrasi katta o‘qituvchisi Yo‘ldosh Karimov “Amir Temurning davlatchiligimiz va tariximizda tutgan o‘rni” mavzusidagi ma’ruzasi bilan ishtirok etib, Amir Temurning davlat boshqaruvi, bunyodkoriik ishlari, davlatchiligimiz va tariximizda tutgan o‘rni haqidagi fikrlarini bildirdi.

☑️Tadbirning badiiy qismida Musiqa madaniyati yoʻnalishi talabalari qo‘shiqlar, 1-son ixtisoslashgan maktab internat o‘quvchilari “Amir Temur va Boyazid” deb nomlangan sahna ko‘rinishi ijro etishdi.

💬Bizning sahifalarimiz:
✅Telegram ✅Instagram
✅Youtube ✅Facebook

🗣Guliston davlat pedagogika instituti talabalari uchun navbatdagi ma’naviy-ma’rifiy tadbirlar doirasida mazmunli tashrif tashkil etildi. Tyutor S.Saparova va institutning Xotin-qizlar masalalari bo‘yicha inspektori, katta leytenant N.Omonova boshchiligida talaba-yoshlar Sirdaryo viloyati IIB muzeyiga tashrif buyurishdi.

🔴 Sayohat davomida talabalar Sirdaryo viloyatining huquq-tartibot sohasidagi tarixiga oid eksponatlar, ichki ishlar xodimlari xizmat davomida foydalanadigan buyumlar, xizmat liboslari, shuningdek xodimlar uchun tashkil etilgan zamonaviy kutubxona bilan yaqindan tanishishdi.

📌 Tashrif chog‘ida talabalar o‘zlarini qiziqtirgan savollarga javoblar olishdi. Bunday tadbirlar talabalarning bilim doirasini kengaytirish, Vatanga sadoqat va qonuniylik tamoyillariga hurmat ruhida tarbiyalashda muhim ahamiyat kasb etadi.

💬Bizning sahifalarimiz:
✅Telegram ✅Instagram
✅Youtube ✅Facebook

🔥“Ilhom” mukofoti tanlovi institut bosqichi bo‘lib o‘tdi.

🗣2025-yil 10-aprel kuni Guliston davlat pedagogika institutida Oliy ta’lim, fan va innovatsiyalar vazirligi tomonidan e’lon qilingan “Ilhom” mukofoti tanlovining institut bosqichi bo‘lib o‘tdi.

❔ Tanlov doirasida ishtirokchilar shoir va yozuvchilarning hayoti hamda ijodiga oid bilimlarini test sinovi orqali sinovdan o‘tkazishdi. Adabiyotga, ijodga qiziqishi baland bo‘lgan talabalar o‘z bilim va salohiyatlarini namoyon qilishdi.

➡️ Mazkur tanlov ijodkor yoshlarni qo‘llab-quvvatlash, ularning izlanishlariga rag‘bat uyg‘otish hamda ijodiy faoliyatini yangi bosqichga olib chiqishda muhim ahamiyat kasb etadi.

💬Bizning sahifalarimiz:
✅Telegram ✅Instagram
✅Youtube ✅Facebook