📥Guliston davlat pedagogika institutida kimyo, biologiya, fizika fanlarini o‘qitish zamonaviy yondashuv asosida olib borilmoqda. Institutning maxsus laboratoriyalari barcha zaruriy jihozlar bilan ta’minlangan bo‘lib, talabalar o‘z bilimlarini amaliy mashg‘ulotlar orqali chuqurlashtirmoqda.

🎩 Dars jarayonlarining yana bir o‘ziga xos jihati — milliy liboslarda ishtirok etayotgan talaba va ustozlarning o‘quv muhitiga milliy ruh va madaniyatni singdirayotganidir.

✅ Institutda ta’lim jarayonlari yuqori saviyada tashkil etilgan bo‘lib, bu yerda kelajakda sohasining yetuk mutaxassislari bo‘lishiga munosib tayyorgarlik ko‘rilmoqda. Ilm-fan va amaliyot uyg‘unligi, milliy qadriyatlarga hurmat — bularning barchasi institutning uzviy va doimiy tamoyillaridan hisoblanadi.

💬Bizning sahifalarimiz:
✅Telegram ✅Instagram
✅Youtube ✅Facebook

🏆 Guliston davlat pedagogika institutida professor-o‘qituvchilar va xodimlar o‘rtasida an’anaviy tarzda o‘tkazilayotgan mini-futbol bo‘yicha “Rektor kubogi” musobaqalari davom etmoqda.

🎯Guruh bosqichi yakunlariga ko‘ra, Tabiiy fanlar fakulteti, Oʻquv-uslubiy boshqarma, Ijtimoiy fanlar fakulteti va Hisobxona boʻlimi jamoalari yuqori o‘rinlarni egallab, yarim final yo‘llanmasini qo‘lga kiritishdi.

🤝 Musobaqalar jarayoni institut jamoalari o‘rtasida sog‘lom raqobat va do‘stona muhitda o‘tmoqda. Har bir uchrashuv ishtirokchilarda sportga bo‘lgan mehrni oshirib, jismoniy faollikni rag‘batlantirmoqda.

💬Bizning sahifalarimiz:
✅Telegram ✅Instagram
✅Youtube ✅Facebook

➡️“Amir Temur buyuk sarkarda va davlat arbobi” mavzusida ma’naviy-ma’rifiy tadbir bo‘lib o‘tdi.

🗣Sirdaryo viloyat pedagogik mahorat markazida Sohibqiron Amir Temur tavalludining 689 yilligi munosabati bilan “Amir Temur buyuk sarkarda va davlat arbobi” mavzusida ma’naviy-ma’rifiy tadbir bo‘lib o‘tdi.

📌 Tadbirda institutning “Milliy gʻoya va falsafa” kafedrasi katta o‘qituvchisi Yo‘ldosh Karimov “Amir Temurning davlatchiligimiz va tariximizda tutgan o‘rni” mavzusidagi ma’ruzasi bilan ishtirok etib, Amir Temurning davlat boshqaruvi, bunyodkoriik ishlari, davlatchiligimiz va tariximizda tutgan o‘rni haqidagi fikrlarini bildirdi.

☑️Tadbirning badiiy qismida Musiqa madaniyati yoʻnalishi talabalari qo‘shiqlar, 1-son ixtisoslashgan maktab internat o‘quvchilari “Amir Temur va Boyazid” deb nomlangan sahna ko‘rinishi ijro etishdi.

💬Bizning sahifalarimiz:
✅Telegram ✅Instagram
✅Youtube ✅Facebook

🗣Guliston davlat pedagogika instituti talabalari uchun navbatdagi ma’naviy-ma’rifiy tadbirlar doirasida mazmunli tashrif tashkil etildi. Tyutor S.Saparova va institutning Xotin-qizlar masalalari bo‘yicha inspektori, katta leytenant N.Omonova boshchiligida talaba-yoshlar Sirdaryo viloyati IIB muzeyiga tashrif buyurishdi.

🔴 Sayohat davomida talabalar Sirdaryo viloyatining huquq-tartibot sohasidagi tarixiga oid eksponatlar, ichki ishlar xodimlari xizmat davomida foydalanadigan buyumlar, xizmat liboslari, shuningdek xodimlar uchun tashkil etilgan zamonaviy kutubxona bilan yaqindan tanishishdi.

📌 Tashrif chog‘ida talabalar o‘zlarini qiziqtirgan savollarga javoblar olishdi. Bunday tadbirlar talabalarning bilim doirasini kengaytirish, Vatanga sadoqat va qonuniylik tamoyillariga hurmat ruhida tarbiyalashda muhim ahamiyat kasb etadi.

💬Bizning sahifalarimiz:
✅Telegram ✅Instagram
✅Youtube ✅Facebook