➡️“Ziyo ulash” – ezgu tashabbus davom etmoqda!

🗣Sirdaryo viloyati hokimi E.O.Turdimov tomonidan boshlab berilgan kitob ulashish tashabbusida Guliston davlat pedagogika instituti jamoasi ham faol qatnashib, ezgu tashabbusni qo‘llab-quvvatlamoqda! Ushbu xayrli ishga institut rektori J.H.Karshibayev boshchiligida institutning 30 dan ortiq rahbar xodimlari o‘z hissasini qo‘shdi.

📖Kitob insonning eng yaqin do‘sti, tafakkurini charxlovchi, ruhini poklovchi mo‘jizadir. Har bir yangi sahifa kishiga donishmandlik baxsh etib, qalbini ezgulik sari yetaklaydi. Shunday ekan, maktab o‘quvchilarining bilim olishi, ma’naviyatini yuksaltirish uchun tuhfa etilgan har bir kitob – ularning kelajagiga qo‘shilgan bebaho hissa, porloq kelajak sari tashlangan mustahkam qadamdir.

📖 Kitoblar maktab kutubxonalarini boyitibgina qolmay, balki o‘quvchilarning bilim olishga bo‘lgan ishtiyoqini oshiradi. Bugungi shiddatli zamonda ilm olish va ma’rifatli bo‘lish har qachongidan ham muhim. Zero, ilm va donishmandlik jamiyat taraqqiyotining asosiy omillaridan biridir.

❔ Siz ham ushbu ezgu tashabbusni qoʻllab-quvvatlagan holda maktabingizga qachon kitob sovgʻa qilasiz?

💬Bizning sahifalarimiz:
✅Telegram ✅Instagram
✅Youtube ✅Facebook

📌 Guliston davlat pedagogika institutida talaba-yoshlar uchun “Korrupsiyaga oid huquqbuzarliklarga qarshi kurashish, ularga imkon beruvchi sabab va shart-sharoitlarni bartaraf etish” mavzusida profilaktik tadbir oʻtkazildi.

🗣 Tadbirda Jinoyat ishlari boʻyicha Guliston shahar sudining tergov sudyasi Sh.Begmatov hamda Fuqarolik ishlari bo‘yicha Guliston tumanlararo sudining sudyasi A.Yoriyev ishtirok etib, ushbu mavzulardagi xavf-xatarlar, ularning oqibatlari va oldini olish choralari haqida batafsil tushunchalar berishdi.

✔️Suhbat davomida yoshlarning huquqiy bilimlarini oshirish zarurligi, ularga kiberjinoyatlar va har xil yot gʻoyalar taʼsiriga tushib qolmaslik boʻyicha tushunchalar berildi. Talabalar o‘zlarini qiziqtirgan savollariga javob olishdi.

💬Bizning sahifalarimiz:
✅Telegram ✅Instagram
✅Youtube ✅Facebook

🗣Guliston davlat pedagogika institutida 1-aprel — “Xalqaro qushlar kuni” munosabati bilan joriy yilning 29-mart sanasida tadbir tashkil etildi.

🌏 Ushbu kun butun dunyo bo’ylab nishonlanishini e’tiborga olib qushlar, ularning ekosistemadagi oʻrni haqida turli davra suhbatlari va tadbirlar tashkil etildi.

↪️Mazkur tadbirlarni o‘tkazishdan maqsad: yo‘qolib ketish arafasida turgan, xalqaro “Qizil kitob”ga kiritilgan noyob qushlar haqida tushunchalar berish, ularni muhofaza qilish, faqat bir mamlakatda emas balki butun dunyo bo‘ylab alohida qarorlar qabul qilish zarurligini yetkazishdan iborat. Mamlakatimiz ornitologlari tomonidan qushlar bilan bogʻliq muammolarni yoritish hamda ularni saqlashga oid masalalarni oʻrganish va ilmiy-tadqiqotlar olib borish muhim ahamiyatga ega.

💬Bizning sahifalarimiz:
✅Telegram ✅Instagram
✅Youtube ✅Facebook