📑“Sog‘lom odam – kuchli davlatning poydevori. Agar xalqimiz sog‘lom bo‘lsa, biz yengilmas xalq bo‘lamiz”.

— Shavkat Mirziyoyev

🏋️‍♀️ Guliston davlat pedagogika institutida har kuni tong sport bilan boshlanadi. Badantarbiya mashg‘ulotlari institut jamoasining kundalik hayotiga aylanib ulgurgan. Zero, jismoniy faollik nafaqat salomatlik garovi, balki hayotga bo‘lgan energiya va irodani mustahkamlovchi asosiy omillardandir.

🗣Bugun institutda “Sog‘lom hayot uchun 5000 qadam” marafoni bo‘lib o‘tdi. Marafonda institutning professor-o‘qituvchilari, ishchi xodimlari va talabalari faol ishtirok etib, sog‘lom turmush tarzini targ‘ib qilishdi. Bu nafaqat yurish marafoni, balki jamoani jismoniy faollikka, sog‘lom va faol hayot kechirishga undovchi muhim tashabbus bo‘ldi.

🟡Guliston davlat pedagogika instituti jamoasi sog‘lom turmush tarzini targ‘ib etishda faollik ko‘rsatmoqda. Bunday tadbirlar nafaqat jismoniy chiniqish, balki irodani mustahkamlash, bir jamoa bo‘lib harakat qilishga ham xizmat qiladi. Siz ham har kuni kamida 5000 qadam yurib, sog‘lom hayot sari qadam tashlang!

💬Bizning sahifalarimiz:
🔹Telegram 🔹Instagram
🔹Youtube 🔹Facebook

🖼Qadriyatlaring boqiy boʻlsin, Navroʻz!
☀️Tabiat yashnab, olam yangilanayotgan damda Guliston davlat pedagogika institutida ham bahoriy kayfiyat, milliy qadriyatlar va bayram shukuhi hukm surmoqda Navroʻz shodiyonalari boshlanmoqda! Bahorning beg‘ubor nafasi bilan birga institutimizda milliy qadriyatlarimiz, urf-odatlarimiz va an’analarimiz yana bir bor namoyon bo‘layotgani barchaga zavq bag‘ishlamoqda.

🌸Navro‘z ayyomi yaqinlashar ekan, institutimiz hududida ham bayramona ko‘tarinkilik, go‘zallik va joziba sezilmoqda. Talabalar tomonidan milliy an’analarga oid turli tadbirlar tashkil etilib, do‘stlik va hamjihatlik muhitini mustahkamlashga xizmat qilmoqda.

☀️Guliston davlat pedagogika institutida bahorning yangilanish ruhi, ezgulik va mehr-muhabbat aks etgan ushbu kunlar barchaga cheksiz quvonch ulashmoqda! Bayram kayfiyatini birga his qilamiz!

💬Bizning sahifalarimiz:
🔹Telegram 🔹Instagram
🔹Youtube 🔹Facebook

🗣Guliston davlat pedagogika institutida talabalar o‘rtasida sportga bo‘lgan qiziqishni oshirish, ularni sog‘lom turmush tarziga yo‘naltirish maqsadida qizg‘in sport musobaqalari o‘tkazilmoqda.

⚽️ Milliy kurash va futbol bo‘yicha tashkil etilgan bellashuvlar nafaqat jismoniy chiniqish, balki jamoaviy birdamlik, fidoyilik va g‘alabaga bo‘lgan ishtiyoqni oshirishga xizmat qilmoqda.

🏆 Talabalar kuchli raqobat muhitida o‘z mahoratlarini sinovdan o‘tkazib, sport orqali o‘zlarining qobiliyatlarini namoyish etdilar. Bu kabi musobaqalar yoshlarni sport bilan shug‘ullanishga undash, ular orasida sog‘lom turmush tarzini keng targ‘ib qilish, eng muhimi, milliy qadriyatlarimizni mustahkamlashda muhim o‘rin tutadi.

💬Bizning sahifalarimiz:
🔹Telegram 🔹Instagram
🔹Youtube 🔹Facebook