“Талабаларим олдида уялиб қолмаслик учун тил ўргандим” – 67 ёшида инглиз тилидан B2 даражасини олган отахон

Абдуғофур Ҳотамов ТАТУнинг Самарқанд филиалида дарс беради. У 10 ой давомида ўқиб, инглиз тилидан B2 сертификатини олган. “Кўплаб ахборот технологияларига алоқадор терминлар инглиз тилида, талабаларнинг олдида уялиб қолмаслик учун инглиз тили курсига қатнай бошладим”, - дейди у Kun.uz’га берган интервюсида. Абдуғофур ота кунига 2-3 соат инглиз тили билан мустақил шуғулланганини айтади.

📹 ВИДЕОНИ ТОМОША ҚИЛИНГ

Kitob tumanida bir sinfdagi 96 foiz o'quvchilar OTM talabasi bo'ldi

Kitob tumanidagi chekka tog‘li hududda joylashgan 50-umumiy o‘rta ta’lim maktabning oliy toifali matematika fani o‘qituvchisi Parvoz Elmirzayev sinf rahbarlik qilgan va matematikadan saboq bergan 23 nafar o‘quvchilarning 22 (96 %) nafari OTM talabasi bo‘ldi.

Quvonarlisi shundaki, talaba bo‘lgan bitiruvchilarning 12 (55%) nafari matematika o‘qituvchisi kasbini tanlagan.

Shuningdek, boshqa maktablardan tayyorgarlik ko‘rgan o‘quvchilari ham talabalik baxtiga muyassar bo‘lgan. Bu Respublika bo‘yicha yuqori ko‘rsatkichlardan biri bo‘ladi.

Eslatib o'tamiz, o‘tgan o‘quv yilida mazkur maktab bitiruvchilarining 42 foizi OTM talabalari bo‘lgan edi, mazkur o‘quv yilida 66 foiz ko‘rsatkichga erishdi.

@keshnews

⚡️Maktablarda Kasbiy ta’lim ustasi lavozimi joriy etildi

Maktabgacha va maktab taʼlimi vazirining 06.08.2024-yildagi 244-sonli buyrugʻi bilan umumta’lim muassasalari hamda “Mehribonlik” uylari boshqaruv, texnik, xizmat ko’rsatuvchi va o‘quv-yordamchi xodimlarining namunaviy shtatlariga qo'shimcha kiritildi.

Unga ko‘ra o‘quvchilarga kasb-hunarga o'qitish yo‘lga qo‘yiladigan maktablarda Kasbiy ta’lim ustasi lavozimi 1,0 shtat birlikdan kiritiladi.

Bunda, o’quvchilarga kasb-hunarga o‘qitish yo‘lga qo‘yiladigan maktablar ro‘yxati Maktabgacha va maktab ta’limi vazirligi tomonidan Iqtisodiyot va moliya vazirligi bilan kelishilgan holda tasdiqlanadi.

@fozilovblog

Ўқитувчиларнинг 1 фоизи 10 млн сўмдан кўп маош олмоқда. Қандай қилиб?

ММТВ раҳбарлари 10 млн сўм ёки 1000 доллар (икки хил маълумот айтилди) маош олаётган ўқитувчилар сони 6 минг нафар атрофида эканини айтди. Kun.uz бунга қандай эришиш мумкинлигини ўрганди. Маълум бўлишича, ўқитувчи минг доллар маош учун олий тоифа ва сертификат олиши, максимал кўп дарс соатларини қўлга киритиши, ўқувчилари юқори балл билан ОТМга кириши каби кўплаб вазифаларни уддалаши керак.

Мактабгача ва мактаб таълими вазирлиги ваъда қилинган минг долларлик ойлик ўқитувчиларнинг аксарияти учун ҳалигача орзу бўлиб қолаётганига изоҳ берди. Янги ўқув йили бошланишидан олдин матбуот анжумани ўтказган вазир Ҳилола Умарова журналистларнинг бу ҳақдаги саволига жавобан ойликлар оширилиши кутилган даражада бўлмаётганининг сабабларига тўхталмади, фақат қилинган ва қилинаётган ишлар ҳақида гапирди. Унинг сўзларига кўра, президент топшириғи асосида тоифаси юқори ўқитувчиларнинг маошини ошириш масаласи кўриб чиқиляпти. Ҳозирги пайтда ҳар хил устамалар йўлга қўйилгани ва Вазир жамғармаси ташкил этилгани ҳисобига мактабларда минг доллар ва ундан юқори миқдорда маош олаётган ўқитувчилар сони 6 мингдан ошган, деди Ҳилола Умарова.

Муаммо шундаки, 6 минг нафар ўқитувчи – тизимдаги жами ўқитувчиларнинг атиги 1,1 фоизини ташкил этади. Лекин ҳатто шу рақамни ҳам текшириш керакка ўхшайди. Чунки вазир ўз нутқида “минг доллар ва ундан юқори маош олаётганлар сони 6 мингдан зиёд” деган бўлса, унинг молия масалалари бўйича ўринбосари Темур Комилов “6 мингга яқин ўқитувчи 10 млн сўмдан кўпроқ маош олаётганини” айтди. 10 млн сўм ва минг доллар ўртасида яхшигина фарқ пайдо бўлганига эса анча бўлган.

Комиловнинг сўзларига кўра, ҳозир мактаблардаги ўқитувчиларнинг қарийб ярми – 250 мингга яқини 3 млн сўмдан 6 млн сўмгача маош оляпти. Ойликларни 1 млн сўмга ошириш учун йилига 7 трлн сўмдан кўп пул керак. “Ҳамма бирдек минг доллар ойлик олади деган нарса – утопия”, деди вазир ўринбосари.

1000 доллар маош олиш учун нима қилиш керак?

Kun.uz вазир айтган ҳар хил устамаларни олиб, маоши 1000 долларга яқинлашган ўқитувчилар билан суҳбатлашди. Чилонзор туманидаги 200-сонли ихтисослаштирилган давлат умумтаълим мактабининг она тили ва адабиёт ўқитувчиси Севара Ялгашова жорий йилда “вазир устамаси”ни қўлган киритган.

“Олий тоифали ўқитувчилар максимал 1,5 ставка дарс ўтиши мумкин, бу 30 соат дегани. Агар ўқитувчи 30 соат дарс ўтса, ойлик 6 млн сўмга яқинлашиб қолади. Бундан ташқари, менга “вазир устамаси” тўланади бу – 5,5 млн сўм. Шунингдек, ўзимнинг фаним – она тили ва адабиётдан миллий тил сертификатим бор, тил сертификати учун ойликнинг 20 фоизи миқдорида устама тўланади.

Ўқитувчининг фаолияти баҳоланиб, 10 фоиз мактабдан ҳам устама берилади. Бу ҳам қўшиляпти. Май ойидан бошлаб “вазир устамаси”ни оляпман, маошим шу билан 11 млн сўмдан ошяпти”, – дейди у Kun.uz билан суҳбатда.

Севара Ялгашованинг маоши ва олаётган устамаларини ҳисоблаб кўрамиз.

У олий тоифали ўқитувчи бўлгани учун 1,5 ставка дарс олган. Демак, базавий тариф ставкаси бўйича ойлик – ўртача 6 млн сўм.
Мактабнинг ўрнак кўрсатган ходимларини моддий рағбатлантириш директор жамғармасидан устама: базавий тариф ставкасига нисбатан 10 фоиз (бу 40 фоизгача бўлиши мумкин) – 600 минг сўм.
Она тили ва адабиётдан тил сертификати учун устама: базавий тариф ставкасига нисбатан 20 фоиз – 1,2 млн сўм.
Вазир устамаси: 5,5 млн сўм.
Юқоридагиларни қўшганда, йиғинди 13 млн 300 минг сўмни ташкил этади.

Марказий банкнинг 6 сентябр кунги расмий курси бўйича 1 АҚШ доллари 12707,95 сўмга тенг. Шунга кўра, 13,3 млн сўм = 1047 доллар.

Ўқитувчи 12 фоиз даромад солиғи ва 1 фоиз касаба уюшмаси учун бадал тўлайди. Шундан келиб чиқиб, юқоридаги ҳолатда педагогнинг қўлига тегадиган маблағ тахминан 11,7 млн сўм ёки 920 доллар атрофида бўлади.

“Вазир устамаси бўлмаса, бошқа устамаларга ҳаракат қилиш керак”

Наргиза Адилова – Шайхонтоҳур туманидаги 299-мактаби инглиз тили ўқитувчиси. У “вазир устамаси”ни 2022 йилда олган. Ўша пайтларда маоши 15 млн сўмга ҳам етганини айтади. Лекин ҳозир у бу устамани олмайди.