🔹Bugun Prezidentimiz Shavkat
Miromonovich Mirziyoyev Mirzo Ulug‘bek tumanidagi Dasturiy mahsulotlar va axborot texnologiyalari texnologik parkida qurilgan yangi binolarni borib ko‘rdi.

Muhtaram Prezidentimiz
AT "Aloqabank” hududiy kompleks xizmat ko'rsatish markazining 22 qavatli zamonaviy binosida yaratilgan sharoitlar bilan tanishdi.Yangi bino 1200 nafar xodim uchun mo‘ljallangan bo‘lib, birinchi va ikkinchi qavatlarda bankning front (mijozlarga xizmat ko‘rsatish) va bek (hisob-kitoblar) ofisi joylashadi. Tepa qavatlarda bankning situatsion, protsessing va kontakt markazlari, korporativ akademiyasi, dasturchilar va venchur jamg‘armasi faoliyat ko‘rsatadi. 3 ta qavatda startap loyihalar uchun qulay va zamonaviy xonalar ajratiladi. Binoning yuqoridagi 8 ta qavati IT-Park rezidentlari bo‘lgan IT korxonalar uchun mo‘ljallangan.

Shuningdek, konferentsiya zali, kafeteriy, biznes lanch zali, bolalar maydonchasi, fitnes markazi, har bir qavatda muzokaralar xonasi bor. Binoning pastida  uch ming avtomobilga mo‘ljallangan 3 qavatli avtoturargoh bunyod etildi.

Yangi binoda AT “Aloqabank” IT mutaxassislari va dasturchilari tomonidan zamonaviy raqamli tizimlar joriy qilinadi. Bankning Zoomrad va AloqaBusiness mobil ilovalari orqali yangi onlayn xizmatlar ishga tushiriladi.  Shuningdek, AT “Aloqabank” raqamli bank sifatida o‘z mijozlari va davlat tashkilotlari uchun axborot tizimlarini avtomatlashtirish hamda onlayn to‘lovlar qabul qilishlari uchun to‘lov tizimini integratsiya qilish ishlarini amalga oshiradi.

Telegram | Facebook | Instagram | Sayt | YouTube