#Elektron_kundalik

ELEKTRON KUNDALIK TIZIMIDA O'QUVCHILARNI YO'QLAMA QILISH BELGILARI HAQIDA TUSHUNCHA

4 xil ko'rinishdagi yo'qlama belgisi mavjud:

k - Sababli. Kasallik to'g'risidagi varaqasi mavjud bo'lgan holatda ushbu belgidan foydalaniladi.

dq - Sababli. Sinf rahbar tomonidan o'quvchining darsga kelmaganligini o'rganib uning ota-onasi bilan bog'langani yoki tushuntirish xatining mavjudligi;

n - Sababsiz. O'quvchi sababsiz dars qoldirgandagi holat uchun;

kq - Kechga qoldi. O'quvchi darsga kechga qolib kelganligini ifodalaydi.

kq5 - Kechga qoldi va darsda baho olganligini ifodalaydigan holatni bildiradi.

✍️ Murojaat uchun:
t.me/fozilovblog_bot

🌐 t.me/fozilovblog

#sichqoncha

🖥 Dastlabki kompyuter sichqonchasi

1972 yilda birinchi marta ixtiro qilingan kompyuter sichqonchasi aynan shu ko‘rinishda bo‘lgan. Ushbu sichqonchaning narxi o‘sha paytda 415 AQSH dollariga teng bo‘lgan.

✍️ Murojaat uchun:
t.me/fozilovblog_bot

🌐 t.me/fozilovblog

#Бугун_туғилган_кун

Ўзбекистон Республикаси Халқ таълими вазири Шерматов Шерзод Хотамович 1977 йил 7 апрель куни Тошкент шаҳрида туғилган.

1998 йилда Тошкент давлат техника университети ва 2000 йилда Америка Қўшма Штатлари Йель университетини якунлаган.


🌐 t.me/fozilovblog

Кимдир мактабларга чин дилдан ёрдам беради, кимдир фақат хато қидиришга ҳаракат қилади

Президентимиз мактабларга ёрдам кўрсатиш умуммиллий ҳаракатга айланиши зарурлигини бир неча бор таъкидлаб ўтганларига, айниқса, ҳамма ўзи ўқиган мактабига китоб совға қилиши ҳақида ташаббусларининг натижасида жуда кўпчилик раҳбарлар томонидан нафақат ўз мактабига, балки умуман мактаб тизимига ёрдам кўрсатиш бўйича ҳаракатлар бошланган.

Авваллари мактаб таъмирига асосан Инвестиция дастури орқали маблағ ажратилган бўлса, ҳозирда нафақат ушбу дастур маблағлари ортиб бормоқда, балки ҳудудий ҳокимликлар тасарруфида қоладиган маблағларнинг мактабларга кўпроқ ажратишга ҳаракат бўлмоқда. Бу борада энг яхши кўрсаткичга эга ҳокимларимизга миннатдорчилик сифатида “Таълим ҳомийси” кўкрак нишони ҳам берилмоқда.

Кейинги, учинчи манба эса, ҳомийлар ва битирувчилар маблағлари бўлиб, кўпгина битирувчиларимиз мактабларига бориб чин дилдан ёрдам кўрсатдилар. Уларнинг бу кўмаклари учун миннатдорчилик билдирамиз.

Мактаблардаги моддий-техник ҳолат бўйича йиғилиб қолган муаммоларни кўплигини билганимиз учун ҳам барчани мактабга ёрдам беришга сафарбар қилиш ҳаракатидамиз. Лекин баъзилар бизнинг ички дардимизни юзимизга солиб, ўзини кўрсатишга ҳаракат қилишдан нарига ўта олмаяпти. Ҳар қандай мансабдор шахс, сенаторми, депутатми, вазирми ёки бошқа раҳбар агар ҳақиқатда Президентимиз чақириқларига кўра мактабга ёрдам бераман деса, ўз имкониятидан келиб чиқиб ҳам ёрдам бериш йўлларини топа олади.

Президентимиз топшириқларини тўғри тушунган раҳбарлар ўз имкониятларидан келиб чиқиб, бюджетдан ташқари маблағларни ҳам топиб, мактабларга чин дилдан ёрдам беришга ҳаракат қилаяптилар. Яқинда бир катта идора раҳбари мактабларга қўшимча телевизорлар бериш бўйича ташаббус кўрсатди, лекин ёритманглар деганига кимлигини айтмай қўя қоламиз.

Адлия вазири эса, катта рақамлаштириш лойиҳаси тугаганидан кейин бўшаган 2,5 мингдан ортиқ компьютерларни мактабларга ўтказишга ёрдам берди. Улар ўқитувчилар хоналарига қўшимча компьютер сифатида қўйилади. Бундан ташқари, куни кеча Шовот туманидаги Ал-Хоразмий номидаги Халқаро физика ва математика мактаб-интернатининг тубдан янгиланишига мактаб битирувчилари ва тадбиркорларни жалб қилиб, бюджетдан ташқари маблағлар ҳисобига хавас қилишга арзийдиган шароитлар яратишга ҳиссасини қўшди.

Мактаблардаги муаммоларимизни юзимизга солиш ўрнига, уларга ёрдам бериш имкониятларини топадиган шундай раҳбарлар ва инсонлар кўпаяверсин.

Шундагина биз биргаликда “Янги Ўзбекистон – мактаб остонасидан бошланади” деган Президентимиз ғояларини тўлақонли амалга ошира оламиз.
Batafsil video: https://bit.ly/2R3AJZU

Ўзбекистон Республикаси Ахборот технологиялари ва коммуникацияларини ривожлантириш вазирлиги ва Халқ таълими вазирлари Қўнғиротдаги мактаблардан бирига Президент совғасини топширишибди.

Бу мактаб “Бир миллион дастурчи” лойиҳасида қатнашиб, яхши натижа кўрсатган экан.

Манба: https://t.me/nurbekalimov/2645

🌐 t.me/fozilovblog

Қорақалпоғистондаги мактаб директорига “Президент совғаси” — “Спарк” автомобили совға қилинди

Қорақалпоғистон Республикаси Қўнғирот туманидаги 39-умумтаълим мактаби ўқувчилари ахборот технологияларидан фойдаланиб, дастурлаш бўйича юқори кўрсаткич қайд этгани учун мактаб директори Сеиткамол Ешмуратов «Бир миллион дастурчи» лойиҳаси доирасида Президент совғаси «Спарк» автомобили билан тақдирланди.

Мактабнинг бир гуруҳ педагоглари “Бир миллион дастурчилар” лойиҳаси бўйича эришган ютуқлари учун Қорақалпоғистон Республикаси Халқ таълими вазирлигининг “Халқ таълими аълочиси” кўкрак нишони ва Халқ таълими вазирлигининг Фахрий ёрлиғи ҳамда замонавий ноутбуклари билан тақдирланди.

Ҳозирги кунга қадар Қорақалпоғистон Республикасида «Бир миллион дастурчи» лойиҳаси доирасида 25 мингдан ортиқ ўқувчилар рўйхатдан ўтиб, замонавий дастурлаш йўналишларини ўрганишмоқда, 10 162 нафар битирувчи сертификатларни қўлга киритган. Шундан Қўнғирот туманидаги 39-сон мактабида таҳсил олаётган 1 074 нафар ўқувчининг 820 нафар (76 фоиз) битирувчиси сертификатга эга.

Таъкидлаш жоизки, айни пайтда Қорақалпоғистон Республикасида жами 727 та умумтаълим мактаби фаолият юритади. Ҳозирда 416 та мактаб замонавий компьютер техникаси билан таъминланган, 642 та (88%) умумтаълим мактабларига оптик тола тортилган ва 563 таси интернетга уланган. /

🌐 t.me/fozilovblog