Дӯстони арҷманд!

Бонки миллии Тоҷикистон мақоми ваколатдори давлатӣ дар самти ҳимояи ҳуқуқи истеъмолкунандагони хизматрасониҳои молиявӣ мебошад.

Ҳангоми поймол шудани ҳуқуқҳоятон Шумо метавонед ба Бонки миллии Тоҷикистон муроҷиат намоед.

Муроҷиати Шумо ҳатман баррасӣ гардида, аз натиҷааш кормандони масъули Бонки миллии Тоҷикистон ба Шумо маълумоти муфассал пешниҳод менамоянд.
___

Ба саҳифаи мо обуна шуда якҷо бо мо сатҳи саводнокии молиявии худро боз ҳам баландтар бардоред!

Дӯстони гиромӣ!

Баҳри Шумо вобаста ба "Қарз" маълумот манзур менамоем.
_
Ба саҳифаи мо обуна шуда, якҷо бо мо сатҳи саводнокии молиявии худро боз ҳам баландтар бардоред!

Модарони гиромӣ!

Шуморо бо ҷашни фархундаи "Рӯзи модар" табрик намуда, ба Шумо хонаи обод, бахту иқболи нек, файзу баракат ва дар ҳаёти оилавӣ меҳру муҳаббати самимӣ орзу менамоем.

Рӯзи модар муборак бошад!

Ҳимояи ҳуқуқҳои истеъмолкунандагон қисми муҳими ҳар як низоми молиявӣ барои таъмини фаъолияти босамари он маҳсуб меёбад – он на танҳо истеъмолкунандагони мавҷударо ҳимоя менамояд, балки истеъмолкунандагони эҳтимолиро низ тавассути таҳким бахшидани эътимоди онҳо ба низоми молиявии мамлакат ҳавасманд мегардонад.

“Ёддошти тафоҳум оид ба ҳамкорӣ дар самти баланд бардоштани сатҳи саводнокии молиявии аҳолӣ”
17 марти соли 2025 пас аз анҷоми музокироти сатҳи олӣ дар Федератсияи Русия, дар ҳузури Президенти Ҷумҳурии Тоҷикистон, муҳтарам Эмомалӣ Раҳмон ва Президенти Федератсияи Русия, муҳтарам Владимир Путин “Ёддошти тафоҳум байни Бонки миллии Тоҷикистон, Вазорати молияи Ҷумҳурии Тоҷикистон ва Бонки марказии Федератсияи Русия, Вазорати молияи Федератсияи Русия оид ба ҳамкорӣ дар самти баланд бардоштани сатҳи саводнокии молиявии аҳолӣ” ба имзо расид.
Муфассал: https://nbt.tj/tj/news/578020/

Дӯстони азиз!

Шуморо бо фарорасии ҷашни байналмилалии Наврӯз табрику таҳният гуфта, бароятон саломатӣ, хушбахтиву саодатмандӣ ва рӯзгори ободу осударо орзумандем!

Норак, пешвоз гир!

Ҷиҳати баланд бардоштани сатҳи саводнокии молиявии аҳолии шаҳри Норак ба наздикӣ чорабинии бошукӯҳи "Фестивали саводнокии молиявӣ" баргузор мегардад!

Ин имконияти беҳамто барои пайдо намудани маълумот оид ба идоракунии мақсадноки маблағҳо, сармоягузорӣ, банақшагирии хароҷотҳо ва як қатор маслиҳатҳои молиявии дигар мебошад!

Фестивали саводнокии молиявӣ бо ташаббуси Бонки миллии Тоҷикистон ҷиҳати татбиқи босамари Стратегияи миллии фарогирии молиявии Ҷумҳурии Тоҷикистон барои солҳои 2022-2026 баргузор карда мешавад.

Мақсад аз баргузории фестивали саводнокии молиявӣ - васеъ намудани дастрасии аҳолӣ ба хизматрасониҳои молиявию суғуртавӣ, баланд бардоштани сатҳи саводнокии молиявии аҳолӣ тавассути гузаронидани чорабиниҳои ҷолиб мебошад.

Ҳадафҳои фестивали саводнокии молиявӣ:

- Ҳавасмандкунии аҳолӣ ҷиҳати баланд бардоштани сатҳи саводнокии молиявӣ;

- Шиносоии иштирокчиён бо хизматрасониҳои молиявӣ, суғуртавӣ ва омӯзишӣ;

- Пешниҳоди хизматрасониҳои молиявӣ ва суғуртавӣ.

Дӯстони гиромӣ, имрӯз ба Шумо якчанд тавсияҳоро оид ба идоракунии маблағҳо манзур менамоем.

1. Хароҷотии худро муайян кунед: Аввалан, тамоми манбаъҳои даромад ва хароҷоти ҳатмии худро (иҷора, пардохтҳои коммуналӣ, қарзҳо ва ғайра) қайд кунед. Ин ба шумо кӯмак мекунад, ки фаҳмед, чӣ қадар маблағ барои дигар эҳтиёҷот мемонад.

2. Нақшаи буҷетӣ тартиб диҳед: Хароҷотҳои худро ба категорияҳо тақсим кунед (озуқаворӣ, нақлиёт, фароғат ва ғайра) ва барои ҳар категория меъёр (лимит) муқаррар кунед. Ин ба шумо кӯмак мекунад, ки хароҷотҳоро назорат кунед ва аз ҳад зиёд харҷ накунед.

3. Қоидаи 50/30/20-ро истифода баред: 50% даромадро барои хароҷотҳои ҳатмӣ, 30% барои хароҷотҳои дилхоҳ ва 20% барои пасандозҳо ва пардохти қарзҳо ҷудо кунед.

4. Хароҷотҳоро пайгирӣ кунед: Мунтазам назорат кунед, ки буҷети шумо чӣ гуна иҷро мешавад. Инро дастӣ ё бо истифода аз барномаҳои идоракунии молиявӣ иҷро кунед.

5. Аз хариди импулсивӣ худдорӣ кунед: Пеш аз он ки хариди ногаҳонӣ анҷом диҳед, фикр кунед, ки оё воқеан ба он ниёз доред ё не. Ин ба шумо кӯмак мекунад, ки аз хароҷотҳои нолозим худдорӣ кунед.

6. Пасандозҳоро ба таври худкор (автоматӣ) аз корти маошӣ ба суратҳисоби пасандозӣ гузаронед: Пас аз гирифтани маош худкорона пулро ба ҳисоби пасандоз гузоред. Ин ба шумо кӯмак мекунад, ки пасандозҳоро пайваста зиёд кунед.

7. Буҷетро мунтазам бознигарӣ кунед: Вазъияти молиявии шумо метавонад тағйир ёбад, бинобар ин муҳим аст, ки буҷетро мунтазам бознигарӣ кунед ва ба он тағйирот ворид кунед.

Бо риоя кардани ин тавсияҳо, Шумо метавонед буҷети худро самараноктар идора карда, ба ҳадафҳои молиявии худ ноил шавед!

Дӯстони азиз!

Барои баланд бардоштани сатҳи саводнокии молиявии худ тавсияҳои зеринро иҷро кунед:

1. Омӯзиши идоракунии маблағҳои шахсӣ (тартибдиҳии буҷет, назорати даромад ва хароҷот, гузоштани ҳадафи молиявӣ);

2. Омӯзиши маҳсулоти молиявӣ (доштани маълумот оид ба қарзҳои бонкӣ, пасандозҳо, сармоягузорӣ ва суғурта, то ки тавонед қарорҳои оқилона қабул кунед);

3. Хонед ва омӯзед (аз хабарҳои иқтисодӣ ва молиявӣ огаҳ бошед, китобҳо вобаста ба саводнокии молиявӣ мутолиа кунед ва дар семинарҳову тренингҳо фаъолона иштирок намоед);

4. Истифодаи барномаҳои молиявӣ (барномаҳои замонавӣ ба Шумо дар банақшагирӣ ва назорати маблағҳои худ, таҳлили хароҷот ва ёфтани роҳҳои беҳтарини пасандоз кӯмак мерасонанд);

5. Ба фестивали саводнокии молиявӣ ташриф оред, зеро дар чорабинии мазкур Шумо метавонед бо мутахассисон машварат кунед, вобаста ба маҳсулоти ташкилотҳои молиявӣ маълумот пайдо намоед ва дар бурди тӯҳфаҳо иштирок намуда, туҳфаҳои хотирмонро ба даст оред!

Якҷо бо мо сатҳи саводнокии молиявии худро боз ҳам баланд бардошта, ояндаи устувор ва боварии худро дар ҳар гуна вазъи иқтисодӣ таъмин намоед!

Дар ҳаёти ҳар як шахс метавонад ҳолатҳои ғайричашмдошт, ба мисли хароҷоти фаврии тиббӣ, аз даст додани кор, зарурати таъмири манзил ё дигар ҳолатҳо рух диҳанд. Дар чунин ҳолатҳо маблағи пасандозшуда мушкили молиявии Шуморо осон менамояд.

Ҳатто ба маблағи кам низ пасандоз намудан бо гузашти вақт метавонад ҳамчун "болишти бехатарии молиявӣ" ба Шумо кӯмак намояд.

Саводнокии молиявӣ ва малакаи идоракунии пул асоси ояндаи устувор аст. Бинобар ин, пасандозкуниро аз имруз оғоз намоед, то фардо аз ҷиҳати молиявӣ мустақил бошед!

Банақшагирии хароҷот — калиди асосӣ барои расидан ба мустақилияти молиявӣ!

Банақшагирии дурусти хароҷот ба Шумо на танҳо барои назорат кардани маблағҳоятон кӯмак менамояд, балки ҷиҳати расидан ба ҳадафҳои молиявӣ мусоидат мекунад.

Бинобар ин, хароҷотҳоятонро аз имрӯз ба нақша гирифта, қадаме ба самти эътимоднокӣ гузоред.

Дӯстони азиз!

Хотиррасон менамоем, ки баҳри боз ҳам баландтар бардоштани сатҳи саводнокии молиявии худ Шумо метавонед аз сомонаи таълимии Бонки миллии Тоҷикистон оид ба саводнокии молиявӣ (www.fingram.tj) истифода баред!

Саводнокии молиявӣ - ҳамаи донишҳо муҳиманд, дониши молиявӣ - муҳимтар!

Суғуртакунӣ як намуди хизматрасонии молиявие мебошад, ки барои ҳифзи ҳуқуқу манфиатҳои худ, оила ва дороиҳоятон аз ҳолатҳои ғайричашмдошт истифода бурда мешавад. Моҳияти суғурта дар он аст, ки Шумо миқдори муайяни пулро, ки онро мукофоти суғуртавӣ меноманд, ба ташкилоти суғуртавӣ пардохт мекунед.

Агар ягон ҳолати суғуртавӣ, ба мисли садама, беморӣ, гумшавии молу мулк ё дигар ҳодисаҳои муайян дар ҳаёти Шумо рух диҳанд, ташкилоти суғуртавӣ барои руйпуш кардани зарарҳои бамиёномда ба Шумо ҷуброни суғуртавӣ мепардозад, ки ин хароҷотҳои молиявиро кам мекунад.

Чаро суғурта муҳим аст?

Зиндагии ҳамарӯзаи мо пур аз ҳодисаҳои ғайричашмдошт аст, ки ҳангоми сарзадани онҳо ба Шумо хароҷотҳои зиёди молиявӣ пеш меоранд ва дар ин ҳолат суғурта метавонад ба Шумо эътимод бахшида, талафотҳои калони молиявиро аз хатарҳои пешгӯинашаванда таъмин намояд. 
Масалан, суғуртаи тиббӣ метавонад хароҷоти тиббиро аз бемориҳои гуногун, ҷароҳати ҷисмонӣ ва дигар ҳолатҳои тиббӣ пӯшонад. Суғуртаи нақлиёт бошад, баъди ба амал омадани садама автомашинаи зарардидаро таъмир ё барқарор менамояд. Суғуртаи молу мулк (хона ва дигар амволи шахсӣ ё ҳуқуқӣ) баъди ба амал омадани ҳодисаҳои нохуш (офатҳои табиӣ, сӯхтор, боришоти зиёд, тӯфон, заминларза, тармафароӣ) инчунин, зарар дидани молу мулки дохили хонаро дар ҳама ҳолатҳо барқарор месозад.

Суғурта ташвишҳои Шуморо, вобаста ба зарарҳои эҳтимолии алоқаманди пулӣ коҳиш дода, имкон медиҳад, ки Шумо ба зиндагӣ худ диққат диҳед, на ба ташвишу барқарорсозии зарарҳои бамиёномада.

Муҳим он аст, ки Шумо бояд суғуртаро дуруст дарк карда, ҳуқуқу манфиатҳои суғуртавии худро донед!