O‘FA vakillari “Nasaf” futbol klubida bo‘lishdi

16–19 may kunlari O‘zbekiston futbol assotsiatsiyasi texnik direktori Gi Kiala, futbolni rivojlantirish bo‘limi boshlig‘i Bahrom Umarov hamda O‘zbekiston U-13 terma jamoasi bosh murabbiyi Lars Hopp Qashqadaryo viloyatiga tashrif buyurdi.

Tashrif doirasida mehmonlar “Nasaf” futbol klubining faoliyati, tuzilmasi va infratuzilmasi bilan yaqindan tanishdilar. Jumladan, bolalar akademiyasi, “Sevinch” jamoasi qoshida tashkil etilgan qizlar futbol akademiyasi, shuningdek, yoshlar va asosiy jamoa qarorgohlarida futbolchilar uchun yaratilgan zamonaviy sharoitlar ko‘zdan kechirildi.

Klub sport direktori Sergey Kucherenko hamda texnik direktor Botir Qorayev mehmonlarga klubning ichki tizimi, ish uslubi va infratuzilmasi bo‘yicha batafsil ma’lumot berishdi.

Shuningdek, Lars Hopp “Nasaf” futbol maktabida tahsil olayotgan 13 yoshli iqtidorli futbolchilar mashg‘ulot jarayonlarini kuzatdi va ularning salohiyatini baholadi.

"Nasaf" futbol klubi matbuot xizmati