🐲"Ajdarlar" yangi mavsum 📸 oldidan fotosessiyada ishtirok etishdi.

📱@fcnasaf

Yangi futbolchilar muxlislarga tanishtirildi

Bugun Qarshi shahridagi Yoshlar markazida "Nasaf" futbolchilari va murabbiylari, muxlislar hamda Qashqadaryo viloyati hokimi Murotjon Berdialiyevich Azimov ishtirokida uchrashuv bo‘lib o‘tdi. Tadbir davomida jamoamizning o‘tgan mavsumdagi yutuqlari esga olindi.

Viloyat hokimi Murotjon Azimov "Nasaf" klubining viloyat aholisi uchun naqadar muhim ekanini ta'kidlab, ularning har bir g‘alabasi muxlislarga yuqori kayfiyat ulashishini qayd etdi. Shuningdek, jamoaning yangi mavsumda ham sovrinlarni qo‘lga kiritishi va o‘tgan mavsum Superliga chempioni sifatida chempionlikni saqlab qolishi zarurligini ta'kidladi.

So‘zga chiqqan jamoamiz prezidenti, "Sho‘rtan gaz-kimyo majmuasi" bosh direktori barcha ishtirokchilarga minnatdorchilik bildirib, muxlislarning jamoa uchun katta kuch ekanini alohida e’tirof etdi. Aynan ularning qo‘llab-quvvatlashi va jamoaning jipsligi tufayli "Nasaf" o‘tgan mavsum orziqib kutilgan chempionlikni qo‘lga kiritgani ta’kidlandi. U yangi mavsumda ham asosiy maqsad chempionlikni qo‘lga kiritish ekanini bildirdi.

Jamoamiz afsonasi va tajribali murabbiyimiz Ro‘ziqul Berdiyev jamoaning katta yutuqlarga erishishi uchun barcha shart-sharoitlar yaratib berayotgan viloyat hokimligi hamda bosh homiy "Sho‘rtan gaz-kimyo majmuasi" rahbariyatiga minnatdorchilik bildirdi. U bildirilgan ishonchni oqlash uchun jamoa tinimsiz harakat qilishini ta’kidladi.

Shuningdek, so‘zga chiqqan Abduvohid Ne'matov hamda Superliganing so‘nggi yillardagi eng yaxshi to‘purarlaridan biri, "Nasaf" safida debyut qilgan Dragan Cheran ham muxlislar ishonchini oqlashga va’da berishdi.

Tadbir yakunida jamoaga yangi qo‘shilgan futbolchilarga o‘z raqamlariga ega futbolkalar tantanali ravishda topshirildi:

Rubin Hebay – 99
Oleksandr Vorobey – 1
Dragan Cheran – 10
Suhrob Nurulloyev – 17
Umarbek Eshmurodov – 92
Husayn Norchayev – 18

"Nasaf" yangi mavsumga tayyor va muxlislarini yangi g‘alabalar bilan xursand qilishga bel bog‘lagan!

📱@fcnasaf