Sevimli jamoamiz ertaga Qo‘qon shahrida mahalliy “Qo‘qon-1912” jamoasiga qarshi maydonga tushadi. Bellashuv soat 20:00 da start oladi.

Jamoalar shu kungacha O‘zbekiston chempionati doirasida 28 marta o‘zaro to‘qnash kelishgan. Shulardan 19 uchrashuvda “Nasaf” g‘alaba qozongan, 4 bahsda durang natija qayd etilgan, 5 o‘yinda esa qo‘qonliklar zafar quchgan. To‘plar nisbati ham “ajdarlar” foydasiga — 27:51.

“Nasaf” va “Qo‘qon-1912” o‘rtasidagi so‘nggi Superliga bahsi 2022-yil 16-sentyabr kuni Qarshida bo‘lib o‘tgan bo‘lib, unda jamoamiz 2:1 hisobida g‘alaba qozongan. Mavsumning birinchi davrasida Qo‘qonda o‘tgan o‘yinda ham vakillarimiz minimal 0:1 hisobida ustun kelishgandi.

Ertangi to‘qnashuvda ham yigitlarimizdan faqat g‘alaba kutib qolamiz!

Olg‘a, “Nasaf”! Olg‘a, Qashqadaryo!