🔵"Sho‘rtan" 1:4 "Nasaf"🔵 uchrashuvidan keyingi matbuot anjumanining birinchi qismida jamoamiz bosh murabbiyi Ro‘ziqul Sa’dullayevich ishtirok etdi.

- Bugungi uchrashuv to‘liq nazoratimiz ostida o‘tdi. Shu bilan birgalikda raqibga ham o‘ynash uchun imkon berdik. Sho‘rtanning ayrim vaziyalarini hisobga olmasak, uchrashuvda 90 daqiqa nazoratni qo‘lga oldik.

- Avvalo g‘alaba bilan tabriklaymiz. Bugungi uchrashuvda Muhammadiyev, Gʻaybullayev va Davronovlarning asosiy tarkibda maydonga tushirilmaganini qanday izohlaysiz? Yoki raqibning darajasidan kelib chiqib shunday taktika tanladingizmi?

- Jamoamizga yordam berishga tayyor turgan ko‘p futbolchilarimiz bor. Masalan o‘tgan turda Muhiddinov va Gʻaybullayevdan foydalangan edik. Umar bilan Igor tiklanib bo‘lgandan keyin bugun ularni maydonga tushirdik va ular o‘z vazifalarini a’lo darajada uddalashdi. Sherzodni yo‘qligi uchun chap qanotda Sharofdan foydalanyapmiz. Zafarmurod esa hozirgi kunda judayam yaxshi formada va maydonda ancha faol harakat qilyapti. Kenjaboyev va Davronovga keladigan bo‘lsak, ular hozir umumiy guruhda shug‘ullanishmoqda. O‘ylaymanki ular yaqin orada funksional holatini yaxshilay olishadi.

- Nasrullayev haqida ma’lumot bersangiz.

- Sherzod doim nazoratimiz ostida. U umumiy emas, yakka tartibda mashg‘ulotlar olib bormoqda. O‘zi bilan gaplashganimda holati yaxshilanib borayotgani haqida aytdi, o‘ylaymanki, u ham yaqin orada maydonga qaytadi.

- Golbanning penaltiga sababchi bo‘lgan vaziyatiga qanday baho berasiz?

- Men Golbandan bu vaziyatda norozi bo‘ldim. Chunki ana shu vaziyatgacha olib kelmaslik kerak edi. O‘sha vaziyatning takrorini ko‘rib chiqamiz lekin baribiram hisob 3:0 payti raqibga bunday imkoniyat berish tajribali himoyachi uchun yaxshimas deb o‘ylayman. Shu uchun bu vaziyatda Igorga biroz tanbeh berdim. Chunki bilasiz, hisob 3:0 payti jamoa bo‘shashishi va bu yomon oqibatlarga olib kelishi mumkin. O‘ylaymanki Igor bunaqa xatolarni boshqa qilmaydi. E’tiboringiz uchun rahmat, salomat bo‘linglar!

📺 https://youtu.be/0XTjm46vWrg

📱 @fcnasaf

Bugun yoshlarimiz G‘uzorda 🔵 "Sho‘rtan" U21 mehmoni bo‘lishadi. Uchrashuv "Sho‘rtan" futbol maktabi maydonida soat 16:00 da start oladi.


📲@fcnasaf