📻 Bu gün saat 18:00-da "90 FM"-in efirində, AvtoStop verilişinin qonağı olacağıq.

İctimai Radionu onlayn buradan qulaq asmaq olar:
👉 https://itv.az/live-radio

❗️ Quba yolundakı qəza dəhşət doğurur, görüntüləri açıq şəkildə paylaşmıram, çox ağır kadrlardır.
⠀
İndi bir konkret günahkar axtarmağın mənası yoxdur. Belə şeylar baş verməsin deyə, sistematik təhlükəsizlik tədbirlərinə ehtiyac var.
⠀
Yollar elə təşkil edilməlidir ki, kimsə səhv etsə, bu ağır fəsadlara və ölümlərə gətirib çıxarmasın. Bakı-Quba yolu neçə ildir təmir edilir, bəzi yerlərdə ikitərəfli axın yolun bir hissəsinə yönləndirilib.
⠀
Deyəcəksiniz, sürücünün də günahı var, "adam kimi sürərdi". İnkar etmirəm, hadisə hələ araşdırılacaq. Amma bu ümumi vəziyyəti dəyişmir. Bu gün bizim yollar və maqistrallar insan səhvini bağışlamır.
⠀
Sözügedən hadisədə 7 nəfər həlak olub, 7 ailədə matəmdir. Təəssüf ki, iki gündən sonra bu rəqəmlər adi bir statistikaya çevrilib unudulacaq.
⠀
Bizim yollarımız sizi qorumur. Odur ki, özünüzü özünüz qoruyun.

Könüllülər və bizim gənclər tərəfindən belə videoların hazırlanması və belə düşüncədə olması ümid doğurur.

P.S. Videonun texniki tərəfinə toxunmuram, amma şəhərin insan yönümlü olmasının vacibliyi və müasir mobilliyin təmin edilməsinin təbliği daimə aparılmalıdır.

Dayanıqlı şəhər mobilliyi nə deməkdir? Azərbaycanda ictimai nəqliyyatın maliyyələşməsi ilə bağlı vəziyyət nə yerdədir?

Budəfəki videomuzda nəqliyyat eksperti Rauf Ağamirzəyevlə şəhər, mobillik və ictimai nəqliyyat haqqında söhbət etmişik.

@akinchiproject

❗️ İctimai nəqliyyatın köklü islahatı lazımdır. Bir gün bu faciə ilə bitə bilər.

Video: TikTok / fatimakroos

🇦🇿 Naxçıvan küçələri heç də ürək açan deyil.
⠀
Şəhərdə çox az avtomobil var, buna baxmayaraq sanki tanklar üçün geniş yollar salınıb. Səkilər isə dar, velpsiped üçün yer ayrılmayıb.
⠀
Burada da urbanistik islahatlara ciddi ehtiyac var.
⠀
Gözəl təbiəti olduğu kimi, Naxçıvanın da küçələrini rahatlıqla insan yönümlü etmək olar.

🚇 Bakı metropolitenin inkişafına təxmini 2,5 milyard lazımdır.
⠀
🔹 Bu rəqəm bu gün dövlət başçısının iştirakı ilə açılan "Xocəsən" stansiyasının açılışında işıqlandırılıb.
⠀
🔹 Sözügedən məbləğ 7 stansiyasının tikintisinə, qırmızı və yaşıl xətlərinin ayrılmasına ("28 May"-da hər dəfə keçid etmək lazım olmayacaq).
⠀
🔹 Əgər bu məbləğin hamısı dövlət büdcəsindən ayrılsa, yaxın illərdə Bakı metrosunun əhatə dairəsi xeyli artacaq, intervallar da azalacaq.
⠀
İctimai nəqliyyat strateji sahədir, bura daimə sərmayə yatırmaq lazımdır.
⠀
🔗 Daha dəqiq məlumatı "Transport for Baku" Facebook səhifəsində paylaşıb.

🇬🇪 Qonşu Gürcüstanın paytaxtında nəqliyyat kartını mobil tətbiqdə əldə etmək mümkündür.
⠀
🚍 Tbilisidə avtobus və metro üçün nəzərdə tutulmuş vahid nəqliyyat kartını "Bank of Georgia" mobil tətbiq üzərindən əldə etmək mümkndür.
⠀
📱 Fiziki kart əldə etmədən gündəlik, həftəlik, aylıq və hətta illik gediş kartını əldə etmək mümkündür.

☝️ Qiymətləri şəkildə baxa bilərsiniz. 1 lari təxmini 0,63 AZN təşkil edir.

❗️ Bu cür uzumüddətli tariflərin olması, təbii ki, öz növbəsində ictimai nəqliyyatın istifadəsini stimullaşdırır və mütləq BakıKart-da tətbiq edilməlidir.

🚨 Dövlət Yol Polisi insan yönümlü şəhərlər konsepsiyasının dəstəkləməsi və bu cür fikirlərin səsləndirilməsi çox müsbət bir göstəricidir. 👍
⠀
💬 DYP təmsilçisi Rövşən Tağıyev qeyd edir ki, şəhərlər hər kəs üçün əlçatan olmalıdır, şəhərdə isə eynisəviyyəli piyada keçidləri üstünlük təşkil etməlidir.
⠀
🙏 Ümid edirəm ki, Bakı şəhərində bir çox lazımsız yeratlı-yerüstü piyada keçidlər yaxın gələcəkdə əlçatan versiyaları ilə əvəz olunacaq. Çünki bu cür keçidlər heç bir problemi həll etmir və bütün müasir dünyada uğursuz bir təcrübə adlandırılıb.