🚲 Mərdəkan-Buzovna yolunda yeni velosiped zolaqları təşkil edilir.

İşlər hələ bitməyib, nəticəsi maraqlıdır. Velosiped yollarını qanunsuz parklanmadan qorumaq çox vacibdir.

Foto: Cycling Baku səhifəsindən.

🇰🇷 Bura Avropa deyil, Cənubi Koreyadır.
⠀
🚌 İctimai nəqliyyata prioritet verilməsinin vacibliyini bütün dünyada anlayırlar.
⠀
İnsanlara konkret seçim verirlər. Ya sən öz şəxsi avtomobil ilə get, özünə məxsus komfort ilə, amma tıxacda, ya da eyni yolu 10 dəfə daha tez gedən avtobusu seçə bilərsən. Qərar sənindir.
⠀
Bakıda isə əksər hallarda həm avtobuslar, həm avtomobillər, həm taksilər - hamısı tıxacda dayanır və beləliklə həm avtobuslar qrafik ilə hərəkət edə bilmir, həm də insanları özünə cəlb edə bilmir. Nəticədə hər kəs avtomobil seçir və tıxac daha da pis olur.

❗️ Bakıda daha bir böyük səhvə əl atmaq istəyirlər.
⠀
Bütün dünyada dəfələrlə sübut olunub ki, yolların genişləndirilməsi problemi həll etmir.
⠀
Yusif Səfərov küçəsini 2 dəfə, Bakı-Sumqayıt yolunu 3 dəfə genişləndirərək tıxacın qarşısını ala bilməyənlər, yenə də həmin ideyaları irəli sürməyə davam ediblər.
⠀
"Təhrik edilmiş tələbat" anlayışı var. Bu haqda ətraflı bloq yazımız da var, misallar var, amma yenə də çıxış yolunu ağacları kəsərək yolu genişləndirməkdə görürlər.
⠀
Nə deyim vallah... 🤦‍♂️

🚌 Ziya Bünyadov prospektində avtobus zolağı çəkilir.
⠀
Bu prospekt hər gün pik saatlarında tıxaca bürünür, burada marşrut xətlərinin fasiləsiz hərəkəti çox vacibdir.
⠀
Əsas məsələ, təbii ki, nəzarətdir. Digər küçələrdəki kimi zəif olsa, onda bu addım sadəcə formal xarakter daşıyacaq.
⠀
Çıxış yolu kimi bu zolağı yolun hərəkət hissəsindən fiziki olaraq ayırmaqdır. Heç olmasa xüsusi rezin "tumba"larla (onlara delineator deyilir, misal üçün belə).

Memar Müslüm İmranlı: “Azərbaycan Respublikası 70-ə yaxın rayondan ibarətdir. 70 rayonun hərəsinin bir rayon mərkəzi var. Bu rayon mərkəzləri çox kiçik olduğuna görə, heç birində şəhərləşmə prosesi gedə bilmir.”

Qonağımızın tam çıxışını həm YouTube kanalımızda izləyə, həm də Spotify və Apple Podcasts vasitəsilə dinləyə bilərsiniz.

@akinchiproject

Bəs sizin uşaqlarınız səhər məktəbə necə gedir? 👶🚲

🇳🇱 Misal üçün, Niderlandda belə veloavtobus var. Uşaqlar üçün daha sağlam, daha əyləncəli və tıxacsız məktəbə gəlmək üçün nəqliyyat vasitəsidir.

Avtobus zolaqlarının vacibliyini izah edən yaxşı bir video alınıb.
⠀
Sonu da düzgün vurğulanıb - əgər təclili tədbirlər bu gün görülməsə, sonradakı problemlər və fəsadlar daha da pis olacaq.

https://t.me/bakutransport/1821

♿️ SSRİ-də əlilliyi olan insanlar "yox idi".
⠀
Sovet İttifaqı elə bil dövlət idi ki, əlilliyi olan şəxslər üçün hər hansı bir infrastrukturu kökündən fikirləşməmişdir. Ona görə sovetin tikdiyi aşağımərtəbəli binalarda liftlər nəzərdə tutulmamışdır, çoxlu pilləkənlər var idi. Yeraltı və yerüstü keçidlər də ancaq tam sağlam insanlar üçün yararlı idi.
⠀
Bakı küçələrində pandus anlayışı ümumiyyətlə yox idi. Təəssüf ki, bu "miras" hələ bizim şəhərlərdə qalıb. "Sabaha Saxlamayaq" verilişi bu mövzunu işıqlandırdı.

👆 Həmin verilişdən bir hissə.
⠀
🔗 Verilişin tam yazısını buradan izləmək olar.