❗️ Xatirələri bax bu cür "öldürdülər".
⠀
Memar Dilqəm İsmayılov "SpaceTV" binasının misalında arxitektura və urbanistikanın insanların emosiya və xatirələrinə təsiri haqqında.

Tam video:
➡️ https://youtu.be/hal_kPFhIBg

🏙 Urbanistika və kasıbçılıq. Şəhərin rolu niyə bu qədər vacibdir?
⠀
Son vaxtlar belə bir söhbət eşidirəm ki, bəs, bu gün insanların sosial refahı get-gedə aşağı düşür, ölkəmizdə günü gündən artan qiymətlər əhalini çox narahat edir, yumşaq desək.
⠀
Nə səkilər? Nə arxitektura? Tıxaclar ümumiyyətlə indi ikinci planın məsələsidir və s.
⠀
❗️Əslində isə, yaşayış keyfiyyəti və insanların rifahı birbaşa şəhər mühitinə bağlıdır. Gəlin, sadə dildə danışım.
⠀
🔸 Bugünki dövrdə ən vacib dəyərlərdən biri — vaxtır. Hər gün 2-3 saat vaxtını tıxaclarda itirən insanlar daha az işə zaman ayıra bilir, daha əsəbi və stressli olur. Bunların cəmi imkan vermir ki, biz daha çox və daha effektiv çalışaq. Yəni birbaşa olaraq iqtisadiyyata dəyən bir zərərdir. Bu da hər birimizi daha kasıb edir.
⠀
🔸 Vətəndaşlarımız mükəmməl ictimai nəqliyyatın olmadığına görə, çox vaxt gedib özünə avtomobil alır. Əlavə olaraq, hər ay 100-200 manat benzin pulu, usta pulu. və s. — sürücü olanlar özləri sizə bu haqda danışa bilər. Halbuki bu pulları insanlar öz ailəsi üçün xərcləyə bilərdi.
⠀
🔸 Piyada gəzən əgər 20 dəqiqə ərzində 10 dəfə maşın yoluna çıxası olur, həyatını təhlükəyə atırsa — belə vətəndaş necə xoşbəxt ola bilər? Bura stress yaradan səs çirkliyi və şəhərdli vizual zibilliyi əlavə edin.
⠀
🔸 Və əsas məsələlərdən biri də sağlamlıqdır. Şəhərdə köhnə avtomobillərin buraxdığı zəhərli qazlar səhhətimizə çox pis təsir edir bizi daha zəif edir. Oan-qalan pullarımızı həkimlərə xərcləməli oluruq. Velosiped üçün əlverişsiz şərait isə imkan vermir ki, biz heç olmasa velosiped sürərək sağlam həyat tərzi aparaq.
⠀
Biz bu gün daha inkişaf etmiş ölkədə yaşamaq istəyiriksə şəhər mühitini mütləq yaxşılaşdırmaq lazımdır.
⠀
💬 Bunu tək mən demirəm. Dünya Bankının (World Bank) “Urban development” mövzusunda hesabatları ilə tanış olsanız, marketdəki çörək qiymətinin şəhərdə tramvayın olmamasına nə dərəcədə bağlı olduğunu şəxsən öyrənə bilərsiniz.
⠀
✅ Keyfiyyətli və zəngin yaşayış istəyiriksə, şəhərlərimiz mütləq insan yönümlü olmalıdır.

🚷 Şəhərdə yeraltı piyada keçidləri niyə olmamalıdır?
⠀
Bu mövzunu səhifəmizdə mütəmadi olaraq qabardırıq, son reportajda isə Hüseyn Cavid prospektindəki keçidlərinin nümunəsində onların niyə lazımsız və hətta təhlükəli olduğunu qısa olaraq izah etdim.

📻 Bu gün saat 18:00-da "90 FM"-in efirində, AvtoStop verilişinin qonağı olacağıq.

İctimai Radionu onlayn buradan qulaq asmaq olar:
👉 https://itv.az/live-radio

❗️ Quba yolundakı qəza dəhşət doğurur, görüntüləri açıq şəkildə paylaşmıram, çox ağır kadrlardır.
⠀
İndi bir konkret günahkar axtarmağın mənası yoxdur. Belə şeylar baş verməsin deyə, sistematik təhlükəsizlik tədbirlərinə ehtiyac var.
⠀
Yollar elə təşkil edilməlidir ki, kimsə səhv etsə, bu ağır fəsadlara və ölümlərə gətirib çıxarmasın. Bakı-Quba yolu neçə ildir təmir edilir, bəzi yerlərdə ikitərəfli axın yolun bir hissəsinə yönləndirilib.
⠀
Deyəcəksiniz, sürücünün də günahı var, "adam kimi sürərdi". İnkar etmirəm, hadisə hələ araşdırılacaq. Amma bu ümumi vəziyyəti dəyişmir. Bu gün bizim yollar və maqistrallar insan səhvini bağışlamır.
⠀
Sözügedən hadisədə 7 nəfər həlak olub, 7 ailədə matəmdir. Təəssüf ki, iki gündən sonra bu rəqəmlər adi bir statistikaya çevrilib unudulacaq.
⠀
Bizim yollarımız sizi qorumur. Odur ki, özünüzü özünüz qoruyun.

Könüllülər və bizim gənclər tərəfindən belə videoların hazırlanması və belə düşüncədə olması ümid doğurur.

P.S. Videonun texniki tərəfinə toxunmuram, amma şəhərin insan yönümlü olmasının vacibliyi və müasir mobilliyin təmin edilməsinin təbliği daimə aparılmalıdır.

Dayanıqlı şəhər mobilliyi nə deməkdir? Azərbaycanda ictimai nəqliyyatın maliyyələşməsi ilə bağlı vəziyyət nə yerdədir?

Budəfəki videomuzda nəqliyyat eksperti Rauf Ağamirzəyevlə şəhər, mobillik və ictimai nəqliyyat haqqında söhbət etmişik.

@akinchiproject

❗️ İctimai nəqliyyatın köklü islahatı lazımdır. Bir gün bu faciə ilə bitə bilər.

Video: TikTok / fatimakroos