ពិធីបើកព្រឹត្តិការណ៍សង្រ្កាន្ដខេត្តបាត់ដំបង ឆ្នាំ២០២៣

នៅរសៀលថ្ងៃពុធ ៧រោច ខែចេត្រ ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី១២ ខែមេសា ឆ្នាំ២០២៣ ឯកឧត្តម អ៊ុយ រី ប្រធានក្រុមប្រឹក្សាខេត្ត និងលោកជំទាវ ឯកឧត្តម សុខ លូ អភិបាល នៃគណៈអភិបាលខេត្តបាត់ដំបង និងលោកជំទាវ បានអញ្ជើញចូលរួមក្នុងពិធីបើកព្រឹត្តិការណ៍សង្រ្កាន្ដខេត្តបាត់ដំបង ឆ្នាំ២០២៣ ក្រោមអធិបតីភាពដ៏ខ្ពង់ខ្ពស់ សម្ដេចក្រឡាហោម ស ខេង ឧបនាយករដ្ឋមន្រ្ដី រដ្ឋមន្រ្ដីក្រសួងមហាផ្ទៃ និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តបាត់ដំបង និងលោកជំទាវ ញ៉ែម សាខន ស ខេង នៅឯបរិវេណវិទ្យាល័យ នេត យ៉ង់ ក្រោយរូបសំណាកលោកតាដំបងក្រញូង ។

ក្នងពិធីនេះផងដែរ ក៏មានការអញ្ជើញចូលរួមពី ឯកឧត្តម លោកជំទាវ សមាជិកព្រឹទ្ធសភា សមាជិករដ្ឋសភា ទីប្រឹក្សារាជរដ្ឋាភិបាល រដ្ឋលេខាធិការ អនុរដ្ឋលេខាក្រសួងមហាផ្ទៃ ប្រធានក្រុមប្រឹក្សាខេត្ត គណៈអភិបាលខេត្ត សមាជិកក្រុមប្រឹក្សាខេត្ត អភិបាលរងខេត្ត មន្ទីរអង្គភាពជុំវិញខេត្ត មន្ត្រីរាជការ យុវជន យុវនារី យ៉ាងច្រើនកុះករ ផងដែរ៕

🌐 ឯកឧត្តម សុខ លូ
🌐 រដ្ឋបាលខេត្តបាត់ដំបង
🌐 TELEGRAM CHANNEL

នៅរសៀលថ្ងៃសុក្រ ៩រោច ខែចេត្រ ឆ្នាំខាល ចត្វាស័ក ព.ស២៥៦៦ ត្រូវ នឹងថ្ងៃទី១៤ ខែមេសា ឆ្នាំ២០២៣ ឯកឧត្តម អ៊ុយ រី ប្រធានក្រុមប្រឹក្សាខេត្ត និងលោកជំទាវ ឯកឧត្តម សុខ លូ អភិបាល នៃគណៈអភិបាលខេត្តបាត់ដំបង និងលោកជំទាវ ឯកឧត្តម ស រដ្ឋា ប្រធានសហភាពសហព័ន្ធយុវជនកម្ពុជា ខេត្តបាត់ដំបង និងលោកជំទាវ ព្រមទាំងមន្ត្រីក្រោមឱវាទ បានអញ្ជើញចូលរួមក្នុងពិធីទទួល និងអំណរសាទរទេវតាឆ្នាំថ្មី ឆ្នាំថោះ បញ្ចស័ក ព.ស.២៥៦៧ ព្រះនាម «ព្រះនាមកិមិរាទេវី» បុត្រីទី៦នៃកបិលមហាព្រហ្ម ដែលពិធីនេះបានប្រារព្ធធ្វើឡើងនៅវិទ្យាល័យ នេត យ៉ង់ ក្រោយរូបសំណាកលោកតាដំបងក្រញូង។

🌐 ឯកឧត្តម សុខ លូ
🌐 រដ្ឋបាលខេត្តបាត់ដំបង
🌐 TELEGRAM CHANNEL

ខេត្តបាត់ដំបងនឹងរៀបចំពិធីដង្ហែ និងទទួលជាផ្លូវការនូវព្រះអគ្គីកីឡា ដែលនឹងមកដល់ទឹកដីខេត្តបាត់ដំបងនាពេលខាងមុខនេះ

នារសៀលថ្ងៃអង្គារ ១៣រោច ខែចេត្រ  ឆ្នាំថោះ បញ្ចស័ក ព.ស.២៥៦៦ ត្រូវនឹងថ្ងៃទី ១៨ ខែមេសា ឆ្នាំ ២០២៣ ឯកឧត្តម សុខ លូ អភិបាល នៃគណៈអភិបាលខេត្តបាត់ដំបងបានអញ្ជើញដឹកនាំកិច្ចប្រជុំពិភាក្សាការងារត្រៀមរៀបចំពិធីដង្ហែព្រះអគ្គីកីឡាឆ្លងកាត់ខេត្តបាត់ដំបង សម្រាប់ព្រឹត្តិការណ៍ការប្រកួតកីឡាអាស៊ីអាគ្នេយ៍លើកទី៣២ និងកីឡាអាស៊ានប៉ារ៉ាហ្គេមលើកទី ១២ ឆ្នាំ២០២៣ ដែលព្រឹត្តិការណ៍ជាប្រវត្តិសាស្ត្រនេះនឹងមកដល់ ក្នុងរយៈពេល ១៧ថ្ងៃទៀតប៉ុណ្ណោះ។

នាឱកាសនោះ ឯកឧត្តមបានមានប្រសាសន៍ថា នៅថ្ងៃទី១ ខែឧសភា ឆ្នាំ២០២៣ ក្បួនដង្ហែព្រះអគ្គីរបស់ខេត្តបាត់ដំបងនឹងចាប់ផ្តើមដង្ហែចេញពីចំណុចព្រំប្រទល់រវាងខេត្តបាត់ដំបង និងខេត្តពោធិ៍សាត់ ត្រង់ម្ដុំឃុំស្វាយដូនកែវ តាមផ្លូវជាតិលេខ ៥ អមដោយ ក្រុមកីឡាករ កីឡាការិនី ក្រុមកង់ប្រចាំខេត្តបាត់ដំបង រហូតមកដល់រង្វង់មូលលោកតាដំបងក្រញូង រួចបន្តដំណើរទៅកាន់វេទិកាដែលប្រារព្ធពិធីទទួលនូវព្រះអគ្គីកីឡាក្នុងព្រឹត្តិការណ៍ស៊ីហ្គេម និងផារ៉ាហ្គេមជាផ្លូវការ ស្ថិតនៅមុខសាលាខេត្តចាស់ និងបន្តដង្ហែទៅរក្សាទុកនៅវត្តពោធិ៍វាល ក្នុងក្រុងបាត់ដំបងមួយយប់ ដើម្បីព្រះសង្ឃធ្វើកិច្ចពិធីសាសនា ប្រសិទ្ធិពរ ជ័យមង្គលជូនដល់ប្រជាពលរដ្ឋក្នុងខេត្តបាត់ដំបងទាំងមូល មុននឹងប្រគល់ជូនខាងខេត្តបន្ទាយមានជ័យបន្តទៀត។

ឯកឧត្តមបានមានប្រសាសន៍បន្តថា ខេត្តបាត់ដំបងនឹងត្រៀមរៀបចំទង់ជាតិ និងដាក់ភ្លើងរចនាតាមដងផ្លូវ ដើម្បីត្រៀមស្វាគមន៍ព្រះអគ្គីកីឡា និងគណៈប្រតិភូដែលបានចូលរួមទាំងអស់។ ឯកឧត្តមអភិបាលក៏បានអំពាវនាវដល់មន្ត្រីរាជការ តាមមន្ទីរ អង្គភាព កងកម្លាំងប្រដាប់អាវុធ សាស្ត្រាចារ្យ លោកគ្រូអ្នកគ្រូ សិស្ស និស្សិត ក៏ដូចជាប្រជាពលរដ្ឋទាំងអស់ ក្នុងខេត្តបាត់ដំបង សូមចូលរួមក្នុងព្រឹត្តិការណ៍ទទួលនូវព្រះអគ្គីកីឡា ដែលដង្ហែរចូលមកក្នុងខេត្តបាត់ដំបង ឱ្យបានច្រើនកុះករ ។ បន្ថែមពីលើនេះ ឯកឧត្តមក៏បានអំពាវនាវដល់ប្រជាពលរដ្ឋនៅតាមដងវិថីនៃផ្លូវជាតិលេខ ៥  ដូចជាវិថីដែលពាក់ព័ន្ធនឹងក្បួនដង្ហែ សូមជួយសម្អាតបរិស្ថាននៅតាមដងផ្លូវ និងដាក់នៅទង់ជាតិនៅតាមមុខផ្ទះរៀងៗខ្លួនដើម្បីត្រៀមខ្លួនអបអរសាទរព្រឹត្តិការណ៍ដង្ហែព្រះអគ្គីកីឡាឲ្យមានភាពឱឡារិកអធិកអធម្ម និងជាមោទនភាពដែលមិនអាចកាត់ថ្លៃបានសម្រាប់ខេត្តបាត់ដំបងយើង។

🌐 ឯកឧត្តម សុខ លូ
🌐 រដ្ឋបាលខេត្តបាត់ដំបង
🌐 TELEGRAM CHANNEL