ថ្នាក់ដឹកនាំខេត្តបាត់ដំបង អនុញ្ញាតឱ្យអគ្គកុងស៊ុលវៀតណាមប្រចាំខេត្តបាត់ដំបង ចូលជួបសម្តែងការគួរសម និងជម្រាបលា ក្រោយបញ្ចប់អាណត្តិបេសកកម្ម

នៅរសៀលថ្ងៃពុធ ទី២៥ ខែមិថុនា ឆ្នាំ ២០២៥ នេះ អគ្គកុងស៊ុលវៀតណាម ប្រចាំខេត្តបាត់ដំបង ដឹកនាំដោយឯកឧត្តម ង្វៀន ថាញ់ វ៉ាន់ អគ្គកុងស៊ុល នៃស្ថានអគ្គកុងស៊ុលសាធារណរដ្ឋសង្គមនិយមវៀតណាម ប្រចាំខេត្តបាត់ដំបង រួមនឹងប្រតិភូអមដំណេីរ អញ្ជើញជួបសម្តែងការគួរសម ជាមួយថ្នាក់ដឹកនាំខេត្តបាត់ដំបង ដឹកនាំដោយឯកឧត្ដម អ៊ុយ រី ប្រធាន ក្រុមប្រឹក្សា ខេត្ត ឯកឧត្តម សុខ លូ អភិបាល នៃ គណៈអភិបាលខេត្តបាត់ដំបង ព្រមទាំងបានជម្រាបលា ក្រោយពី ឯកឧត្ដម បានបញ្ចប់អាណត្តិបេសកកកម្មនៅប្រទេសកម្ពុជា នៅសាលាប្រជុំសាលាខេត្តបាត់ដំបង។