Mülki aviasiya işçilərinin peşə bayramı münasibətilə “Azərbaycan Hava Yolları” Qapalı Səhmdar Cəmiyyəti (AZAL) tərəfindən “Town Hall” tədbiri keçirildi. Tədbirdə Azərbaycanın rəqəmsal inkişaf və nəqliyyat naziri Rəşad Nəbiyev və “Azərbaycan Hava Yolları” QSC-nin prezidenti Samir Rzayev də iştirak edərək, şirkətin son illərdəki sürətli inkişafı, əldə edilən uğurlar və qarşıya qoyulan hədəflər barədə geniş məlumat verdilər.

400-ə yaxın əməkdaşın iştirak etdiyi tədbirdə AZAL-ın struktur bölmələrinin rəhbərləri panel diskussiyasında çıxış edib, əməkdaşların suallarını cavablandırdılar. Tədbir şam yeməyi və musiqili çıxışlarla davam etdi.

Tədbirin əsas məqsədi, rəhbərlik və əməkdaşlar arasında səmimi və şəffaf ünsiyyət imkanlarını inkişaf etdirmək, maraq doğuran mövzuları müzakirə etmək və əldə edilən nəticələr barədə hesabat təqdim etmək idi.

Belə tədbirlərin keçirilməsi, əməkdaşlar arasında ünsiyyətin yaxşılaşmasına və şirkətin uğur yolunda birgə fəaliyyətin güclənməsinə töhfə verir.
‌
🔹

In honor of the professional holiday of civil aviation workers, a “Town Hall” event was held by AZAL. Rashad Nabiyev, the Minister of Digital Development and Transport of the Republic of Azerbaijan, and Samir Rzayev, President of Azerbaijan Airlines CJSC, also participated in the event. They provided extensive information about the rapid development of the company in recent years, the successes achieved, and the goals set for the future.

The event, attended by about 400 employees, featured leaders from various AZAL departments who participated in panel discussions and answered questions from employees. The event continued with dinner and musical performances.

The main purpose of the event was to foster open and transparent communication between the management and employees, discuss topics of interest, and provide a report on the achievements made.

Such events contribute to improving communication among employees and strengthening collaborative efforts towards the company’s success.

Ümumdünya Aeronaviqasiya Sammiti və CANSO-nun 28-ci illik ümumi iclası çərçivəsində bu gün 150 nəfərə yaxın qonaq üçün Şamaxı şəhəri ilə eksklüziv tanışlıq keçirildi. Ekskursiya nəzdində qonaqlar Meysəri üzüm bağlarına baş çəkdilər və "Abqora" restoranında yerli məhsulların dequstasiyasını keçirdilər.

Bundan əlavə, qonaqlar milli rəqs dərslərindən ibarət kiçik şou proqramında iştirak edərək, açıq səma altında milli rəqsləri nümayiş etdirdilər. Rəqs şou proqramının sonunda qonaqlar xüsusi hədiyyələrlə təltif edildilər. Daha sonra qonaqlar AZAL, CANSO və AZANS loqoları ilə təsvir edilmiş möhtəşəm hava şarlarını seyr etdilər. Sonda qonaqlar hava şarlarının yanında xoş xatirələr yaşadacaq foto çəkilişlərdə iştirak etdilər.

✈️

Within the CANSO Sammit and 28th AGM, an exclusive tour of Shamakhi city was held today for around 150 guests, which included a visit to the Meysari grape yard and a tasting ceremony at Abgora restaurant.

Guests were treated to a brief performance program, which included national dance lessons and dancing under the stars. At the end of the dancing show, special gifts were given out. Following that, everyone witnessed a fascinating balloon show with the AZAL, CANSO, and AZANS logos. The event concluded with a photo session near the balloons, creating lasting memories.

📍 #CANSO #ATMSummit #EnvironmentalSustainability #AviationLeadership #AZANS #AZAL

AZAL yay aylarında sərnişinlərə Bakı ilə Naxçıvan arasında səyahət üçün aviabiletləri əvvəlcədən əldə etməyi tövsiyə edir.

Yay mövsümündə aviadaşımalara, xüsusən də Naxçıvan istiqamətində olan uçuşlara tələbat artımı müşahidə olunur. Bununla əlaqədar olaraq AZAL sərnişinlərə ən uyğun uçuş vaxtını seçmək və narahatlıqla qarşılaşmamaq üçün biletləri əvvəlcədən almağı məsləhət görür.

Hazırda bu marşrut üzrə hər gün 9 reys həyata keçirilir. Zərurət yaranarsa, aviaşirkət bu istiqamət üzrə uçuşların sayını artırmağa hazırdır. Beləliklə, AZAL Bakı ilə Naxçıvan arasında sərnişinlərin reyslərə olan tələbatını tam ödəməyə çalışır.

Bundan əlavə, aviaşirkət müəyyən şəraitə görə (sağlamlıq vəziyyəti, hüzr mərasimi) təcili olaraq Naxçıvana yola düşən sərnişinlərə qarşı həmişə çevik olmağa çalışır və onlara aviabiletlərin alınmasında operativ şəkildə kömək edir.

Aviabiletləri aviaşirkətin www.azal.az rəsmi saytından, yenilənmiş mobil tətbiqindən və ya AZAL-ın kassalarından əldə etmək mümkündür.

Heydər Əliyev Beynəlxalq Aeroportu, Azərbaycanın milli aviadaşıyıcısı AZAL ilə birlikdə, 22 iyun 2024-cü il tarixində baş tutacaq rəsmi spotinq tədbirini elan edir. 📸

Peşəkar və həvəskar aviasiya fotoqrafları üçün hava limanının tərəfdaş aviaşirkətlərinin təyyarələrinin uçuşu və enişi, onların yedəklənməsi, yerüstü aerodrom xidmətlərinin işi və s. fotoları yaddaşa almaq üçün unikal imkan yaradılacaq. Həmçinin, iştirakçılar AZAL-ın təyyarələrinə baş çəkərək salonlarının yenilənmiş dizaynı və komfortu ilə tanış ola biləcəklər.

Tədbir Aviasiya Təhlükəsizliyi Baş İdarəsinin (ATBİ) əməkdaşlarının müşayiəti ilə keçiriləcək.

Yerlərin sayı məhdud olduğundan, tədbirdə iştirak etmək üçün öncədən qeydiyyat tələb olunur. Müraciətlər iyunun 11-dən 20-dək aşağıdakı linkdə mövcud olan xüsusi forma vasitəsilə qəbul edilir:

🔗 forms.gle/GtCit8X7R6LPsBgm8

Tədbirdə iştirakın təsdiqi barədə cavab müraciətə baxıldıqdan sonra göndəriləcək.

Daha ətraflı: https://www.instagram.com/p/C8Ep8gotnEA/?igsh=NDBvZW0ycWNyZzFh 🔗

Azərbaycan Hava Yolları Milli Aviasiya Akademiyasının tələbələri üçün Yay Təcrübə Proqramını elan edir!

Milli Aviasiya Akademiyamızın istedadlı və həvəsli tələbələri üçün xüsusi olaraq hazırlanmış “Azərbaycan Hava Yolları” QSC-nin Yay Təcrübə Proqramına qeydiyyatın başlandığını məmnunluq hissi ilə elan edirik. Yay Təcrübə Proqramı 2 ay müddətində davam edərək, AZAL QSC-nin bir çox fərqli idarələrini əhatə edəcək.
 
Əziz tələbələr, siz də ən qabaqcıl texnologiya ilə əhatələnmiş, dinamik və sürətli aviasiya mühitində praktiki təcrübə qazanmaq istəyirsinizsə, aşağıda qeyd edilmiş müraciət linki ilə iyun ayının 19-na kimi qeydiyyatdan keçib proqrama müraciət edə bilərsiniz:
 
Qeydiyyat linki: https://jobs.glorri.az/vacancies/azal/azal-milli-aviasiya-akademiyasi-telebeleri-ucun-yay-tecrube-proqrami

Qeyd edək ki, təcrübə proqramı bakalavr pilləsinin son 2 kursunda təhsil alan və magistr pilləsinin 1 və 2-ci kurslarında təhsil alan tələbələri üçün nəzərdə tutulur.