💥 چتین گونده سسلدی جان تورکمنه آزربایجان
🔹 1391-جی ایلده قاراداغ دا باش وئرن یئر تيترمه سى، آزربايجاندا قان سئلى آخيديب، خالقيميزين اينينه قارا گئيديردى.
🔹 آزربايجان یاس توتدو. ائولر ييخيلدى. اوشاقلار آتا-آناسیز قالدى. آییله لر اوغول سوز قالدی، گلین لر بخت ائوينه گئتمه دن ارلرینين لئشينى توپراغا باسدیردیلار و...
🔹 بو فاجعه یه اوزاقدان باخان تهران، آنالارین ناله سسینی ائشيتمه دن، ايران تلويزياسيندان كمدى برنامه لر ياييردى.
🔹 بو آندا تورکلر بیر داها بیلدیلر کی؛ "تورکون تورکدن باشقا دوستو یوخدور"! تورک میللتی سئل كيمى قاراداغا ساری آخدی. آرتیق میللت ایران دولتينه گوونمیردی و اؤز اللريله يارديملارى فلاكت گؤرموش کندلره چاتدیریردی.
🔹 او چاغلار بیزده بیر نئچه گون کندلرده ایشله ییب، یاردیملاری خالقیمیزا یئتيريرديک. دوستلار هامیسی کؤنوللو، سئوگی ایله آج-سوسوز و یورولمادان ایشله ییردیلر. آنجاق یوللاری كند به كند گئده رک هردم بیر "سپاه" آراباسی گؤزوموزه دييردى كى، آداملارى يارديم يئرينه، راحاتجا اوتوروب خالقین اونلارا تاپشیردیغی یئمکلری یئمه يه باشلارى قاريشميشدى.
🔹 قاراداغ يوللاريندا آزربايجان ايله توركيه بايراقلارى دالغالانيردى. اونلار سوى داشلاريميزين بيزه يارديم آرابالارى ايدى كى، ايران دولتى نين يارديملاريندان اؤنجه يئتيشميشديلر.
🔹 او گونلر یاردیما گلن کیمسه نی دانیشدیریردیم تورک ایدی. قزوین، ساوه، اراک، همدان، قم، بیجار، قروه، شیراز، اصفهان و باشقا شهرلرین یاردیملارینی گتیرنلرین هامیسی او یئرلرين تورک لری ایدی.
🔹 یولدا بیر آرابا گؤردوم داليندا يازميشدى " #توركمن_صحرادان آزربايجانا يارديم، آزربايجان باشين ساغ اولسون". اونلارلا گؤروشدوک باشلاریندا تورکمن پاپاقلاری وار ایدی، لهجه لریمیز فرقلی ایدی، آنجاق تورکجه دانیشیردیق و بیر-بیریمیزی آنلاییردیق. آیریلدیغیمیزدا #تورکمن لردن بیریسی دئدى كى، بيز توركوک و بیر گون بیزیم آجیمیزدا دا #آزربایجان بیزه یاردیم ائده جک.
🔹 تاسفله او گون قارداشیمیز دئين سؤز گرچکلشدی و بو گونلر #تورکمن یوردونو سئل بورويوب.
🔹 تاريخ تكرار اولور؛ تهران اوزاقدان باخير، تورک لر آغیر گونده، آما عاجز دئييل لر. بو گون ایسه #تورکمن ائلينين هايينا بوتون آزربايجان سس وئرير.
🔹 "هر يئرده تورک واردیرسا، اورا بیزه وطن دیر" قویماریق تورکمن آنالاری آغلار قالسین. قویماریق تورکمن بالالاری ائوسيز، آج-سوسوز قالسين.
🔹 ايران حكومتى تاریخ بویو اؤز اوزونو تورک لره گؤستريب. دردده اولاندا تورک لره قویروق توولاییب، دیله نیب، آنجاق تورکون آجیسیندا، اوزاقدان باخیب، خوشلانیب.
🔹 بو گون ایسه بیزیم دولتین یاردیمینا احتیاجیمیز یوخدور. میللت اؤزو #توركمن_صحرايا گلن سئلدن داها گوجلو یاردیما آخاجاق.
🔷 یاشاسین بؤيوک میللتیمیز
✍ 987 _ "دیرنیش گنجلیگی" درگی سینین باش یازاری
🌎 آرازنیوز ایله اؤزگورلویه دوغرو...
🔗 @ArazNews
🔹 1391-جی ایلده قاراداغ دا باش وئرن یئر تيترمه سى، آزربايجاندا قان سئلى آخيديب، خالقيميزين اينينه قارا گئيديردى.
🔹 آزربايجان یاس توتدو. ائولر ييخيلدى. اوشاقلار آتا-آناسیز قالدى. آییله لر اوغول سوز قالدی، گلین لر بخت ائوينه گئتمه دن ارلرینين لئشينى توپراغا باسدیردیلار و...
🔹 بو فاجعه یه اوزاقدان باخان تهران، آنالارین ناله سسینی ائشيتمه دن، ايران تلويزياسيندان كمدى برنامه لر ياييردى.
🔹 بو آندا تورکلر بیر داها بیلدیلر کی؛ "تورکون تورکدن باشقا دوستو یوخدور"! تورک میللتی سئل كيمى قاراداغا ساری آخدی. آرتیق میللت ایران دولتينه گوونمیردی و اؤز اللريله يارديملارى فلاكت گؤرموش کندلره چاتدیریردی.
🔹 او چاغلار بیزده بیر نئچه گون کندلرده ایشله ییب، یاردیملاری خالقیمیزا یئتيريرديک. دوستلار هامیسی کؤنوللو، سئوگی ایله آج-سوسوز و یورولمادان ایشله ییردیلر. آنجاق یوللاری كند به كند گئده رک هردم بیر "سپاه" آراباسی گؤزوموزه دييردى كى، آداملارى يارديم يئرينه، راحاتجا اوتوروب خالقین اونلارا تاپشیردیغی یئمکلری یئمه يه باشلارى قاريشميشدى.
🔹 قاراداغ يوللاريندا آزربايجان ايله توركيه بايراقلارى دالغالانيردى. اونلار سوى داشلاريميزين بيزه يارديم آرابالارى ايدى كى، ايران دولتى نين يارديملاريندان اؤنجه يئتيشميشديلر.
🔹 او گونلر یاردیما گلن کیمسه نی دانیشدیریردیم تورک ایدی. قزوین، ساوه، اراک، همدان، قم، بیجار، قروه، شیراز، اصفهان و باشقا شهرلرین یاردیملارینی گتیرنلرین هامیسی او یئرلرين تورک لری ایدی.
🔹 یولدا بیر آرابا گؤردوم داليندا يازميشدى " #توركمن_صحرادان آزربايجانا يارديم، آزربايجان باشين ساغ اولسون". اونلارلا گؤروشدوک باشلاریندا تورکمن پاپاقلاری وار ایدی، لهجه لریمیز فرقلی ایدی، آنجاق تورکجه دانیشیردیق و بیر-بیریمیزی آنلاییردیق. آیریلدیغیمیزدا #تورکمن لردن بیریسی دئدى كى، بيز توركوک و بیر گون بیزیم آجیمیزدا دا #آزربایجان بیزه یاردیم ائده جک.
🔹 تاسفله او گون قارداشیمیز دئين سؤز گرچکلشدی و بو گونلر #تورکمن یوردونو سئل بورويوب.
🔹 تاريخ تكرار اولور؛ تهران اوزاقدان باخير، تورک لر آغیر گونده، آما عاجز دئييل لر. بو گون ایسه #تورکمن ائلينين هايينا بوتون آزربايجان سس وئرير.
🔹 "هر يئرده تورک واردیرسا، اورا بیزه وطن دیر" قویماریق تورکمن آنالاری آغلار قالسین. قویماریق تورکمن بالالاری ائوسيز، آج-سوسوز قالسين.
🔹 ايران حكومتى تاریخ بویو اؤز اوزونو تورک لره گؤستريب. دردده اولاندا تورک لره قویروق توولاییب، دیله نیب، آنجاق تورکون آجیسیندا، اوزاقدان باخیب، خوشلانیب.
🔹 بو گون ایسه بیزیم دولتین یاردیمینا احتیاجیمیز یوخدور. میللت اؤزو #توركمن_صحرايا گلن سئلدن داها گوجلو یاردیما آخاجاق.
🔷 یاشاسین بؤيوک میللتیمیز
✍ 987 _ "دیرنیش گنجلیگی" درگی سینین باش یازاری
🌎 آرازنیوز ایله اؤزگورلویه دوغرو...
🔗 @ArazNews
