Болажонлар ёз мавсумини мароқли ўтказишмоқда

Андижон вилоятида бугунги кунда 12 та стационар оромгоҳлар мавжуд бўлиб, андижонлик ўғил-қизлар дам олишлари ва соғломлаштирилиши учун зарур шарт-шароитлар яратилган.

Жорий мавсумга тайёргарлик доирасида "Боғишамол", "Шифокор", "Қуёшча", "Улуғнор", "Олтинкўл", "Асака", "Оқ булоқ", "Энергетик", "Шаббода", "Шифо файз", "Бўстон", "Бешариқ", "Боғбон" оромгоҳларининг моддий-техник базаси мустаҳкамланди.

Бу йил 1 давра давомида стационар оромгоҳларда жами 1840 нафардан зиёд болажонларнинг ҳордиқ олишлари режалаштирилган.

Бугун вилоятимиздаги барча оромгоҳларга болалар йўл патруль хизмати ходимлари кузатуви остида махсус автобусларда хавфсиз етказилиб, бирламчи тиббий кўрикдан ўтказилди.

Болаларни жисмонан чиниқтириш мақсадида оммавий спорт турлари бўйича оромгоҳ биринчиликлари, “Қувноқ стартлар”, “Ким эпчилу, ким чаққон”, “Спорт – соғлиқ гарови”, “Балли, йигитлар”, “Балли, қизлар” каби спорт тадбирлари ташкил этилмоқда.

Хусусан, давлатимиз раҳбари томонидан илгари сурилган 5 та муҳим ташаббус доирасида тўгараклар фаолият олиб бормоқда. Илк сменада ўқувчилар гуруҳларга бўлинган ҳолда тасвирий санъат, инглиз тили, шахмат-шашка, футбол, воллейбол каби турли тўгаракларда ўз иқтидорларини ривожлантиришмоқда. Ошхона ва ётоқхоналарда барча қулайликлар мавжуд.

Оромгоҳлар ва уларнинг атрофида жамоат тартибини сақлаш ва хавфсизликни назорат қилиш учун Ички ишлар органлари ходимлари, шунингдек уларнинг саломатлигини таъминлаш мақсадида тиббиёт ходимларининг доимий навбатчилиги йўлга қўйилди.

Andijan.uz|Facebook|Instagram|Youtube|X

"Ёзни мактаб билан" лойиҳаси давом этмоқда

Хабарингиз бор, давлатимиз раҳбари ташаббуси билан ўқувчи-ёшларни ёзги таътил даврини мароқли ўтказишларини таъминлаш, улар учун таълим муассасаларида фан, тил, мусиқа ва тасвирий санъат тўгараклари, бадиий ва ижодий кечалар, театр ва кино томошалари ҳамда турли мусобақаларини ташкил этиш бўйича қатор ташаббуслар илгари сурилмоқда.

Ушбу топшириқлар ижросини таъминлаш мақсадида Андижон туманидаги 57 та мактабнинг спорт майдон ва заллари, кутубхона ҳамда информатика хоналари ёшлар учун очилиб, "Ёзни мактаб билан" лойиҳаси ўтказилмоқда.

Бугунги кун ҳолатига кўра, лойиҳа доирасида жами 10 мингдан ортиқ ёшлар жалб этилди.

Andijan.uz|Facebook|Instagram|Youtube|X

Вилоятимизнинг барча шаҳар ва туман марказларида Ўзбекистон - Қатар баҳсини минглаб андижонликлар катта ҳаяжон билан томоша қилмоқда.

Andijan.uz|Facebook|Instagram|Youtube|X

Бугун футбол бўйича Осиё минтақасида Жаҳон чемпионати саралашининг сўнгги 10 тур учрашувлари доирасида Ўзбекистон миллий терма жамоаси "Бунёдкор" стадионида Қатар терма жамоаси билан рақобатлашди. Ўйин миллий терма жамоа устунлигида 3:0 ҳисобида якунланиб, илк бор Жаҳон чемпионатига йўлланма олди.

Шунингдек, вилоятимизнинг барча шаҳар ва туман марказларида Ўзбекистон - Қатар ўйини транслацияси катта экранларда намойиш этилди.

Жумладан, Андижон шаҳрида ҳам каттаю-кичик футбол ихлосмандларидан иборат мухлислар жамоамизни қўллаб-қувватлаш учун жам бўлди.

Andijan.uz|Facebook|Instagram|Youtube|X