Бой тарих, замонавий қиёфа, мамнун чеҳралар – меҳнаткаш ва бунёдкор андижонликлар ҳаётидан фоторепортаж

" - Хабарингиз бор, шу кунларда “Халқ сўзи” ва “Народное слово” газеталари ижодий жамоаси Андижон вилоятида хизмат сафарида бўлиб турибди.

Мақсадимиз, Андижон халқининг ўзига хос ҳаёти, меҳнаткаш инсонлари, табиати ва инфратузилмасини ўзида акс эттирган маълумотлар билан бўлишиш. Кун давомида вилоятнинг турли манзилларида бўлдик. Деҳқонлар билан суҳбатлашдик, маҳаллаларда бўлиб, иссиқхоналар, полиз экинлари, болалар боғчаси ҳамда «Ватанпарвар» боғига ташриф қилдик.

Дастлабки манзилимиз Андижон тумани Садда таги маҳалла фуқаролар йиғини бўлди. Ҳалол меҳнат қилиб, юртга ризқ улашаётган деҳқонлар бизни очиқ чеҳра ва самимийлик билан кутиб олишди. Ушбу маҳаллада 200 дан ортиқ оила аҳил ва иноқ истиқомат қилмоқда.

Эътиборимизни тортгани, ушбу ҳудуддаги ҳар бир оилада мўъжазгина иссиқхоналар ташкил этилган ва уларда помидор, бодринг каби полиз маҳсулотлари етиштирилмоқда. Айрим инсонлар эса гулчилик, паррандачилик ҳамда асаларичиликни ҳам йўлга қўйган бўлиб, бунинг ортидан мўмайгина даромад топишмоқда. Ерга меҳр берган бу инсонларнинг рўзғори бут, турмуши фаровон."

Батафсил

Andijan.uz|Facebook|Instagram|Youtube|X

Айни дамда вилоят ҳокими Шуҳратбек Абдураҳмонов Асака тумани ҳокимилиги биносида мактаб директорлари, маҳалла ёшлар етакчилар ҳамда мутасадди раҳбарлар иштирокида йиғилиш ўтказмоқда.

Унда вилоят раҳбари бу йил жами  763 та умумтаълим ва ихтисослаштирилган мактабларни 37946 нафар ўқувчи битирганлиги, шулардан 3000 нафар ўғил-қизлар муддатидан олдин олий таълим муассасаларига қабул қилинганлигини яна бир бор айтиб ўтди.

"Мактаб битирувчиларининг барчаси Олий таълимда ўқишни давом эттира оладими?  Агар олий таълимга кира олмаса, нима билан шуғулланади? Олдимизда катта масъулиятли жараён турибди," - дейди вилоят раҳбари.

Шунингдек, ёшларни ёзги таътил вақтида бўш вақтларини мазмунли ўтказиш, уларни турли йўналишлардаги тўгаракларга жалб этиш, маҳалларда спорт, кўнгилочар тадбирларни ташкил этиш борасида барча масъулларга топшириқлар берди.

Andijan.uz|Facebook|Instagram|Youtube|X

Швейцариянинг «GLOBOGATE Concept АG» ташкилоти вакиллар Андижонда

Ташқи меҳнат миграцияси агентлиги ҳамда Швейцариянинг “GLOBOGATE Concept АG.” ташкилоти ўртасидаги ҳамкорлик келишувига асосан тажрибали тиббиёт ходимларини Германия тиббиёт муассасаларига ишга жалб қилиш дастури ишлаб чиқилган.

Ушбу дастурни аҳоли ўртасида тарғиб қилиш, кенг оммага тушунтириш мақсадида куни кеча ташкилот вакиллари Андижонда бўлиб, жойларда аҳоли билан учрашувлар ўтказди.

Учрашувда сўз олганлар йиғилганларга лойиҳада, Германия давлатида ишлаш истагини билдираётган тиббиёт ходимларига немис тилини ўргатиш бепул бўлиши, тил даражаси сертификатини қўлга киритгандан сўнг Германия давлатида кафолатли иш билан таъминланиши бўйича маълумотлар берилди.

Шунингдек, меҳнат шароитлари немис ҳамширалари билан бир хил, бўлиши доимий назоратга олиниб, жараён давомида қўллаб-қувватлаб келиниши айтиб ўтилди.

Andijan.uz|Facebook|Instagram|Youtube|X